2 Korin 12:21 - Hano Niu Testamen

²¹ Nan hen matagu be batena be nam mai vai abemiu mulei, noḡu God vi lolia nai busbusi lol matamiu. Bisata nav ron̄ mwahantai ginia ivusi be ram lol bwatigoro bwatun be ram hav leahi te rahura sa be rai van burigai nin bwatigoro be ram bulu gin rebehira i ginau ivusi be ram lolia.

2 Korin 12:21 ပူးပေါင်းရင်းမြစ်များ

Ravrava non Pol lalai ata Rom 13:13

Tav togo la alen̄ vavtutu, kun atatun ute rani. Ta sav la te bulbulu huri mwinmwin daltale huri ginau hantai. Atamwani mai atamwani rasav lol te bwatigoro ginginira sa vavine mai vavine. Bwaloana visigai mai binbinihi hantai.

Ravrava non Pol lalai ata Rom 9:2

Binihiḡu mwa marahi tagaro i nam ron̄ mwa hantai mutaigi.

1 Korin 5:1

Mwasigi mwa beveana kunia be vuro lol davolamiu alun rebehi mai rebehi nu hav tavuha tehe, i ira len̄len̄aga ram hav lolia tehe kunia. Atatu vwate aia mwa lai mulei tasalan tamana.

2 Korin 10:6

Gam lol vatuvwai be gai vevegi ihei tehe aia be mwa hav ron̄ te maḡemu, take muana gan av mai kimiu be giv masiri gin non maḡemu.

2 Korin 12:7

Huri be nasav sasagerega tehe huri ginau tavuha kea be ran seserainia lalaiau, ginau vahala be mwa ḡaras maragai rebehi nu hagainia lalaiau. Ginau vahala kea horata nin Setan, nu horana mai be vi haraviau i vi lol ḡoroau huri be nasav sasagerega te liu.

2 Korin 13:2

Batena be nan togo mai kimiu varuana, nan lai avoan vamata lalainira be ran lol bwatigoro. Kadogaha inau nam do dagai nin kimiu, i nam lai avoan vamata lalainira rituai. Batena be nai mai mulei vai abemiu, nasav maron̄ron̄o tehe lalainira.

2 Korin 8:24

Giv seserainia lalainira dovon̄an nomiu lolotabetabe i huri hano higea be gam sasagerega huri kimiu. Vuvuri ira binihimwasigi duluai rav gita dumwia.

Kelesia 5:19

Ginau vahala be vuro sibona mwa lolia ran melmelo: Kera be ram lol vahala mai vavine, ran hav melmelo tehe, ram lol ginau vahala maragai mai rebehi,

Kolosi 3:5

Giv tau kaburai ginau hantai duluai lol rahumiu: vuro lol alen̄ bwatigoro, lolian daltalei gom lin̄ binihiv taltale mwa domuainigo, gon doron ginau lete, i ginau ravravwega i bugurana (huribe bugurana kea dovon̄an gogonaiana lalai tagaro dodolua).

Hibru 13:4

I atatu duluai rai vinihi marahi silon lagiana, ira ahoai mai ira tasalai, giv togo bavtutu hurin silon lagiana gingin kimiu. God vi vevegi ihei tehe gabe ramuru sura be lagiana sigai, i ahoai mai tasalai be vwate mwa sura mai atatu dolua.

2 Pita 2:18

Ram bev avoan sasagerega be binihiva ata alolona sigai. Gin nora doroniv bwatigoro ram domuai sinombu vai alolon vidin vuro---atatu be ram siv tau bwatuna be ramen romaragai nin atatu be ram dogo lol vahalana.

Ravrava nin Jud 1:23

giv lai lua kera rituai nin gabi, ba barahura. Giv seserai hagavi mai mataguana lalai kera dodolua, giv varihai gaisagan atatu be nu masiri gin alen̄an binihiv sage.

Ravrava nin Jud 1:7

Mulei giv vinihi dum ira bwatutun Vanua Sodom i Komora i ira bwatutun vanua dodolua dalisira, ira atatuna ran lolia kun ira enjel kerageki be ram lol alen̄ hahantai lol davolan vavine i atamwani: vevegin gabi be ran van sivinia mwa bora malele lalai gida duluai be tav gitae.

Visirai 21:8

Take nai vevea lalai kimiu huri havanau be vi loli lalai ihei tehe be ram matmatagu; i lalainira be ram lol salil silo, i lalai ira hei be ram lol alen̄ bibili, sage ram wehiwehi bonogai, sage hovita lol bwatigoro, ira hei gabe ram lalaḡoi mateana i mera, i lalai nira be ram ḡogonai nun vatu dodolua, i lalai ira tenteneana. I vi vohainira gea vai lol numbun wain gabi tabwalue mai salva, geki gairuan mateana.”

Visirai 22:15

Take atatu be ram lalaḡo hantai, ira vwiriu meto, gabwaleva i ira atat bwatigoro, i kera be ram gogonai nunu buhiga, maira duluai be ram doron be ramen tentene tagaro i ramen togo deḡeteḡe tagaro.

Visirai 22:20

Wani gabe nu vev avoan vevsera geki nu vevea be, “Nai mai n̄an darihou!” Uwe, Mwasigi, Ratahigi Jisas, mai darihou!