2 Korin 12:2 - Hano Niu Testamen

² Nam ilo atatu lol Kraes kea nu laiana vai lol gaitolun ute ata amare taul han̄vul domwan gaivasi be nu ḡao huba. Nam hav iloe tehe be daga wani gea nu hae mai mwasin rebehina sa nu mwalue nin rebehina, take God mwa iloe.

2 Korin 12:2 ပူးပေါင်းရင်းမြစ်များ

Leo Tavuha gabe Luk nu Ravae 24:51

I batena be mwa batavuhainira, kea mwa ban dagai nin lolmatara i mwa lai muleinia vai amare.

Leo Tavuha gabe Jon nu Ravae 6:56

Ihei tehe gabe mwa ḡan vigohoku i mwa mwin dagaku mwa dogo aloloku i inau alolona.

Lalaḡova 14:6

Take mahavana be ira hala ram iloe, ram rov maragai vai la bwatutun vanua ata Listra mai Debe la vanua Likonia.

Lalaḡova 22:17

“Nam dabagilu mulei vai Jerusalem, i mahavana be Nam dataro lol imwa Tataro,

Ravrava non Pol lalai ata Rom 16:10

Avoan helheloi mulei lalai Apeles, be rav haḡo ron̄oe i ram habwe mwasigi be mwa dabe Kraes. Avoan helheloi mulei lalainira n̄oto be ram du la imwan Aristobolas.

Ravrava non Pol lalai ata Rom 16:3

Giv lai noḡu avoan laiḡoḡo lalai Prisila i Akwila, be raru lol rovoga maiau lol ihan Kraes Jisas,

Ravrava non Pol lalai ata Rom 16:7

Avoan helheloi mulei lalai Andronikas i Junia, ira havaku, gabe rav togo vauhi maiau. Kera raru vora atatu be ira hala ran ilo tavuhainira. Kera raru vora atat binihimwasigi non Kraes vuri mwa sivora inau.

Ravrava non Pol lalai ata Rom 16:9

Avoan helheloi lalai Abanas, nu lol rovoga maiau huri Kraes. I avoan helheloi mulei lalai buluana Stakis.

Ravrava non Pol lalai ata Rom 8:1

I kadogaha, kera gabe ram rahu mai Kraes Jisas, kera varate ram lai silo vevegi wasi.

1 Korin 1:30

Take God nu haḡo bul kimiu alolon Kraes Jisas, i God nu lol Kraes be vi vora nonda mataisao. Sivi Kraes haḡea mwa dau bavtutui mulei gida lol God i mwa lol gida tam bora atat mataisaoga, i mwa ḡita batoi gida i mwa lol sabugai gida.

2 Korin 11:11

I huri hano be nam hav butu tehe alumiu? Gim binihia be bwatun be nam hav tabe te kimiu? God mwa iloe be nam dabe kimiu.

2 Korin 13:5

Giv gitagita tavuhai kimiu sibomiu. Giv haḡo ron̄ kimiu giv gitae be gim dogo lol binihimwasigi garagusi. Gim iloe be Kraes Jisas kea alolomiu be gim hovi be giv haḡo ron̄ kimiu.

2 Korin 5:17

Be ihei kea bilan Kraes, kea mwa mai gi atat gara. Rahuan ata tuai mwa nogo. Ginau duluai ram mai gara.

2 Korin 5:21

Kraes kea non bwatigoro sigai, take God nu lolia mwa mai kun be atat bwatigoro huribe sivi Kraes tav mai bavtutu dum mulei mai God.

Kelesia 1:22

Lol ute Judia ira binihimwasigi lol Kraes ran hav gitau tehe.

Kelesia 5:6

Mahavana be gida lol Kraes Jisas, mwa hav vora te maragai be tav lai tav dovon̄a sa sigai. Muan ginau mutai be binihimwasigi lalan̄an binihimwasigi garagusi be mwa lol rovoga sivi lolotabetabe.

Ifisas 4:10

Jisas nu himai vai ataa, i kea atatu n̄an haḡe gea radu gabe nu hae la ulun mahao duluai. Kraes nu lolia kunia huri be men ron̄ inau duluai gin rebehina sibona mai non ron̄ova.

1 Tesalonaeka 4:17

Ataguna gea, gida be tam rahu radu tav mai ute gaituvwa maira lol tenlan̄i tai visogari mai Ratahigi la mahava. I tav togo mai Ratahigi vai tuai.

Hibru 4:14

Gida tav haḡo wasi nonda binihimwasigi garagusi gabe tan vev luae huba. Huribe nonda muan Muai Tataroi gabe mwa hae i mwa du la lolmatan God sibona, kea Jisas nitun God.

Hibru 9:24

Kraes mwa hav haroro tehe lol Ute Sabuga be atatu sibora ran lolia be nunu n̄ano huri raumatan ginau. Take Kraes mwa haroro lol ute atamare sibona i kadogaha mwa du amare lolmatan God be men avo huri gida.

Visirai 1:10

La gubwen̄in Ratahigi Vui mwa domuaiau, i ataguku nam ron̄ Silo gaivua mwa datan̄i kun silon taiva gaivua be mwa uvwiana.

Visirai 12:5

Haḡe kea mwa haḡo nituna atamwani, i kea haḡea vi tomuai varan sinombu duluai la ureure gin bwata be aean. Take naturigi mwa bwirihian dagai mwa laiana lalai God mai non tanon togotogon ratahigi.

Visirai 4:2

Haḡe darihou Vui mwa bwalauau. Aia lol ute atamare tanon togotogon Ratahigi i atatu vwate mwa dogo aluna.