2 Korin 12:14 - Hano Niu Testamen

¹⁴ Kadogaha nam lol dautau be nav mai abemiu vatoluna, i nasav vora te marahin rovoga lalai kimiu. Nam hav doron te havanau nin kimiu, take kimiu haḡea. Naturigi mwa hav doron tehe be rav lol ḡoḡo huri be rav hogoi lalai ira tamara i ratahira. Tama i ratahi rasav lol te ḡoḡo huri be rav hogoi lalai ira nitura.

2 Korin 12:14 ပူးပေါင်းရင်းမြစ်များ

Lalaḡova 20:33

I nau nam hav doron te vatlegiga non atatu mai vatan̄oga i gaisaga.

1 Korin 10:24

Gosav lol te ginau hurigo sibomwa take huri atat dodolua mulei.

1 Korin 10:33

Gov lolia kunia n̄ano be nam lolia. Kunia be inau nam doron be nav lol doroniva non atatu duluai la hala n̄oto. Nam hav lol te ginau be nu vavtutu huriau take ginau be nu vavtutu huri atatu duluai be rav rahu.

1 Korin 11:34

Ihei be maro mwa gasia vi gan ginau lol imwana huribe lol taron togoan bulbulu gosav lai te silo vevegi non God alumwa sibomwa. Nai vevea huri hano be giv lolia lol taro be nav mai mulei.

1 Korin 16:5

Nam binihia be nai vano sivi Masedonia, i nav mai abemiu atagu, huribe nav van sivi Masedonia muana.

1 Korin 4:19

Take nav mai vai abemiu n̄an darihou be Ratahigi mwa doron. I aia haḡea nav ilo havanau be ira sagere bwaro ram lolia, nu hav vora te havanau be ram lolia, nu hav vora te havanau be ram bevea,

1 Korin 9:12

Be atat dodolua rav lai tavwe huri kimiu, kamai mulei gav lai tavwe huria, lalai kamai ginau gea nu marahi liu. Take gam hav lolia tehe. Sigai, gam dau n̄oto ginau sibomai, huribe gasav lol te ḡoro atatu vwate nin non binihimwasigi alun Roroi Tavuha non Kraes.

1 Korin 9:18

I hava tavwe haḡea nam laia? Geki haḡea tavweku: lol taro be nam bev lua Roroi Tavuha. Nam hav hudali te tavwe huribe nas lai dum tavwe, take nam hav hudaligi te huria.

1 Korin 9:19

Inau atat maribwesi i nam hav vora te turin rovoga huri atatu vwate. Take nam loliau kun gabe turin rovoga lalai atatu duluai be nav rav dum sinombu.

2 Korin 1:15

Nam binihimwasigi geki duluai be nan lol ira taritari be nai votui kimiu amua be giv vatavuha varuana.

2 Korin 11:9

Be nas doron ginau batena be inau mai kimiu, nan hav lol te bidoi kimiu. Ira tuada be ran mai nin Masedonia kera ran lai ginau duluai be nan doronia. Nan hav doron tehe be nav butu alumiu la hava hala tehe i nasav butu tehe alumiu.

2 Korin 12:13

Haḡe kimiu gin lai ginau duluai be ira binihimwasigi rituai ram laira. Ginau gaituvwa dolua: Nam hav vora te marahin rovoga lalai kimiu, giv binihi kaburai vuroku huria!

Kelesia 4:19

Ira nituku, mulei nam ron̄ ḡagarasin bavavana hurigo vaivotu gom mai mwasigi kun Kraes.

Filipae 4:1

Ira mwasin tuaku, nam dabe kimiu i nam doron be nav gita kimiu. Gin lai samsamwara lalaiau i gim loliau nam sasagerega huri kimiu, i giv tu wasi alun Ratahigi kunia be nan vevea huba lalai kimiu.

Filipae 4:17

Mwasigi be barabe hurira be nam doron be nav lai hogoi nin kimiu, take nam doron be kimiu giv lai vatavuha nin nomiu hogoi.

1 Tesalonaeka 2:11

Gim iloe be gan lol tabe kimiu gaitutuvwai kunia be tama mwa dabe mwasin ira nituna.

1 Tesalonaeka 2:8

Bwatuna be gan tabe kimiu, gan ron̄ mwandavuha be gav bete mai kimiu, nu hav vora te Roroi Tavuha non God n̄ano take rahumai sibomai mulei. Kimiu gin mai sosori maragai gin lolomai.