2 Korin 12:10 - Hano Niu Testamen

¹⁰ Haḡe nam samsamwara be nav sasagerega huri noḡu mandamanda, ram av leileiau ram lai taro ririhai lalaiau, nam ron̄ḡagarasi, i lalan̄an taro ririhai huri Kraes. Bwatuna be batena be nam mandamanda, vuvuri nam wasi mwasigi.

2 Korin 12:10 ပူးပေါင်းရင်းမြစ်များ

Leo Tavuha gabe Luk nu Ravae 6:22

“Kimiu gabe atatu ram hun̄ai kimiu, i ram barihai kimiu, i ram bev hantai kimiu, i ram bevea be kimiu atat hantai, bwatuna be inau Nitun Atatu; giv ron̄mwandavuha!

Leo Tavuha gabe Jon nu Ravae 15:21

Take rav lol ginau duluai kerageki lalai kimiu bwatuna be kimiu noḡu atatu; huribe ram hav ilo te atatu gabe nu horau.

Lalaḡova 5:41

Mahavana be ira hala ram bwihavare, ram samsamwara, bwatuna be God vi vev dumwia ke ram dadariha be rav ron̄ ḡagarasi bwatuna Jisas.

Ravrava non Pol lalai ata Rom 5:3

Tam ron̄ mwandavuha mai nonda ginau vahala, bwatuna be ginau vahala kerageki ram lol togoan ḡoḡonai.

1 Korin 4:10

Bwatuna be tam lol rovoga huri Kraes, tam mai gi bwaḡele lolmatan atatu, take kimiu gin mataisaoga huribe kimiu non Kraes. Atatu ram ḡita bahivoi kamai, take ram binihi marahi kimiu.

2 Korin 1:4

Kea mwa lol maḡomaḡo gida vataha taro ririhai, kamai gav av maḡomaḡo dumwira kunia n̄an be God mwa av maḡomaḡo kamai.

2 Korin 10:18

Nu hav vora te kera be ram binihira sibora be ran vavtutu be ran tavuha, take kera be Ratahigi mwa binihira be ran vavtutu.

2 Korin 12:9

Take nu vevea lalaiau be, “Noḡu hogoi kea nu dadariha hurigo. Batena be gom mandamanda, noḡu muramura mwa mai melmelo alolomwa.” Kadogaha nam ron̄ mwandavuha be namen vev lua noḡu vahalana, huribe muramura non Kraes vi togo aloloku.

2 Korin 13:4

Kea mwasigi be nu mandamanda batena be nu mate alun volovolo, take mwa rahu kadogaha gin muramura non God. Kea mwasigi be kamai gam mandamanda lol Kraes, take huri kimiu kamai gam rahu alolon Kraes gin muramura non God.

2 Korin 13:9

Gam ron̄ mwandavuha be gav beuga, be kimiu giv mai wasi, i gam dataro be giv mai gi atat duluai.

2 Korin 4:17

Gam habwe taro ririhai kokolo huri mahavana kadogaha, take ram bului kamai be gav lai dum sarisari vai tuai kea haḡea ginau gaivua lalai kamai liu taro ririhai.

2 Korin 4:5

Gam hav toretore te huri kamai sibomai, take gam doretore be Jisas Kraes kea Ratahigi i kamai nomiu atatun rovoga huri Jisas.

2 Korin 5:15

Kraes nu mate huri atatu duluai, be kera be ram rahu rasav togo te hurira sibora tagaro. Kraes nu mate hurira i nu tomare mulei nin mateana huri be rav rahu huria.

2 Korin 5:20

Gam bora horata be gai vevuri huri Kraes. Kea kun be God mwa uloi kimiu sivi kamai. Kamai gam avo huri Kraes: batena be gam hudali kimiu be giv to lol tamwata mai God.

2 Korin 6:4

Take la hala duluai gam seserainia be kamai atatun rovoga non God: aluna be gam damei ginau ririhai, i lol hal ririhai lalavoa.

2 Korin 7:4

Nam ron̄oe mwasigi huri kimiu be nam sasagerega huri kimiu. Gim lai lol maḡemu lalaiau, i lol nomai taro ririhai duluai, gan lai samsamwara gaivua.

Ifisas 6:10

Mulei, giv tu wasigi lol ihan God i lol non muramura lavoa.

Filipae 1:29

God nu lai binihi marahi la hala gairua, nu hav vora te huria n̄an be gim binihimwasigi lol Kraes take mulei huria be gim ron̄ ḡagarasi huria, hala saraḡo ram lai sarisari lalai Kraes.

Kolosi 1:24

Nam samwara lol noḡu taro ririhai hurigo. Huribe nam ron̄ḡagarasi lol rebehiku huribe namen lol nogonogoi ron̄ḡagarasi non Kraes. Ginau rituai abena be Kraes mwa ron̄ ḡagarasi sivi rebehina, gabe uloilua.

2 Tesalonaeka 1:4

Gam sagerei kimiu lalai atatun uloilua non God. Gam bevea lalainira huri hala be gim lolia. Gam bev luae lalainira be nomiu binihimwasigi mwa du wasigi, batena be gim ron̄ mwahantai be kera ata avare ram ḡoro kimiu.

2 Timoti 3:11

gom iloe be ran lolia nam habwe taro ririhai, i nan ron̄ ḡagarasi. Gon ilo hano be nu loli lalaiau Antiok, Okiniam i Listra. Nan ron̄ ḡagarasi take Ratahigi nu varahuau nin taro ririhai kera gea.

Jemes 1:2

Ira tuaku lol taro be gim dogo ririhai giv masiri gin samwarana,

Visirai 2:3

Nam iloe huba be binihimiu n̄ava. Atatu ram lol ḡagaras kimiu gim ron̄ mwa hantai lol rebehimiu huri ihaku take binihimiu mwa hav hovi tehe.