2 Korin 11:25 - Hano Niu Testamen

²⁵ Vatolu be ran taliau gin gai. Vatuvwa be nu abena be ras voha bamateau gin vatu. Vatolu nan togo lol waḡa be ran hae la mwalo, i lol taro vwate alolora be nan togo lol tahi bon̄i hava mwa rani.

2 Korin 11:25 ပူးပေါင်းရင်းမြစ်များ

Matiu 20:19

Haḡe rav lin̄iau la limara ira len̄len̄aga, be kera rav lol leleiau, i rai vivilisiau, i rav voha bolvoloau. Take atagun gubwen̄ gaitolu nav tomare mulei.”

Matiu 21:35

La mahavana be kera gea ram ḡita non turin rovoga, ram wehi vwate, ram wehi bamate vwate, i ram boha vwate gin vatu.

Lalaḡova 14:19

Haḡe ira Jius rituai ram mai nin Antiok lol vanua Pisidia, i nin vanua Ikoniam, i sinombu gaivua ram bulu maira, haḡe ram boha Pol gin vatu i ram rav kaburainia nin bwatutun vanua, ram binihia be kea nu mate huba.

Lalaḡova 14:5

Haḡe ira Jius rituai mai ira Lolobon̄i, mai nora tomuai duluai, ram binihi tuhia be rav wehi bamat ira hala, rai vohara gin vatu.

Lalaḡova 16:33

Haḡe lol bon̄i n̄an gea matmatai ḡoro huri imwa vauvauhi gea mwa laira mwa bwaga bagaha halan gai vivilisi lol rebehira; i kea maira ata la imwana duluai ram lai garuhisabuga darihou.

Lalaḡova 16:37

Take Pol mwa bevea lalai tomuai ḡoro polis be, “Garu hav lol te ginau hantai vwate be nu vahala, take ran talvwus kamaru lolmatan sinombu i kamaru sibomaru gamuru do halaten muramura ata Rom! I ram dau kamaru lol imwa vauvauhi. I kadogaha ram siv doron be ramen hora lua kamaru dahuligi. Nu hav tavuha tehe! Ira lalavoa ata Rom sibora rav mai teti ba lai lua kamaru.”

Lalaḡova 22:24

Haḡe tomuai ḡoro atatun bwaloana non ira ata Rom mwa dau leoi non atatu be rav lai Pol vai alolon vwavwan imwa wasi, haḡe mwa bevea be rav talvusia huri be ramen habwe seserai be huri hano ira Jius ram bwegu i ram haharigi amare kungeki vai aluna.

1 Timoti 1:19

Gov binihimwasigi garagusi tagaro i gov lol havanau be gom iloe be nu vavtutu. Atatu rituai ram binihi marahinia, i nora binihimwasigi garagusi mwa bora kun waḡa be mwa saḡa.

Hibru 11:37

Atatu rituai mulei atatu ram bohara gin vatu, i rituai mulei atatu ram soara gi n̄adun gairua. I atatu rituai ram wehira gin buan bwaloana. I rituai gaisagara sigai, take ram sagasagai vinun sipsip mai nani. Vataha mahavana ram habwea mwa ririhai, i atatu ram mwaloinira ram ḡorora i ram lol hantainira.