2 Korin 11:23 - Hano Niu Testamen

²³ Matu kera atatun rovoga non Kraes? Inau nam lol rovoga huria liu. Nam av daltale kungeki, nam lol rovoga hahavwani liura. Nan togo lol imwa vauvauhi tagaro liu. Ran lol ḡagarasiau vaivusi liua be ran vivilisiau. Nu abena be nai mate vaivusi.

2 Korin 11:23 ပူးပေါင်းရင်းမြစ်များ

Lalaḡova 14:19

Haḡe ira Jius rituai ram mai nin Antiok lol vanua Pisidia, i nin vanua Ikoniam, i sinombu gaivua ram bulu maira, haḡe ram boha Pol gin vatu i ram rav kaburainia nin bwatutun vanua, ram binihia be kea nu mate huba.

Lalaḡova 20:23

Nam iloe n̄ano be lol bwatutun vanua duluai, Vui Sabuga mwa lol bisirainia lalaiau be nav togo lol imwa vauvauhi i nav ron̄ ḡagarasi.

Lalaḡova 21:11

Kea mwa mai abemai, mwa lai gaon Pol, mwa bauhi saraḡo limana i bwalagena ginia, mwa bevea be, “Geki haḡea ginau gabe Vui Sabuga mwa bevea be: Wani be gaona geki vi vauhiana la hala geki gin kamai ira Jius la vanua Jerusalem, i rav lin̄ia vai lol liman ira Lolobon̄i.”

Lalaḡova 25:14

Haḡe ram dogo aia huri gubwen̄i rituai, Vestas mwa bev halan rahun Pol lalai ratahigi lavoa mwa bevea be; “Atatu geki be Vilikis nu taua lol imwa vauvauhi;

Lalaḡova 27:1

Haḡe mahavana be ram dau avoana be gai vano vai Itali, ram dau Pol maira rituai be ram dogo lol imwa vauvauhi la liman tomuai ḡoro atatun bwaloana vwate ihana Julias. Kea tomuai ḡoro atatun bwaloana vudolua be ram uloinia be, “Vatugigi non tomuai Kavman.”

Lalaḡova 28:16

Haḡe mahavana be gam botu la vanua Rom, mahin̄ana lalai Pol be vi togo gahena mai ira atatun bwaloana rav gita ḡoroe.

Lalaḡova 9:16

I inau siboku nav seserai lalainia ginau duluai be kea vi ron̄ ḡagarasi ginia huriau.”

Ravrava non Pol lalai ata Rom 8:36

Kunia be mwa ravana lol Ravrava Sabuga be: “Lol ihamwa gam dogo lol gagarasin mateana vataha mahavana. Atatu ram binimbe kamai gan kun sipsip n̄ano be vi wehian kaburai.”

1 Korin 15:10

Take hogoi non God mwa loliau nam bora kunia, i non hogoi lalaiau vorate mwa mai bonogai. Sigai! Nam lol rovoga wasi liu ira hala dodolua. (Take vorate inau mwasigi; take hogoi non God mwa dogo maiau.)

1 Korin 3:5

Matuke Apolos kea mwasin rau matana vwate? Sigai! Matuke Pol kea mwasin raumatana vwate? Sigai! Gida ira turin rovoga non God n̄an kunia gabe gam bului kimiu gin binihimwasigi. Gida gaitutuvwai vatvataha gida be tam lol rovoga be God mwa laia lalai gida be tav lolia.

1 Korin 4:1

Sinombu duluai rav gita gida kun be gida ira turin rovoga non Kraes, mwasin atatu gabe God mwa binihimwasiginira mai non mwasigi dahuligi duluai, be mwa du radu.

1 Korin 4:11

Vaivotu garigi, gina ganiana sigai be gav gania sage wai be gav mwinua sage gaisaga be gav sagasagainia. Ram wehi kamai vataha mahavana i tanomai sigai be gav mambuharai aia.

1 Korin 4:9

Take lalaiau la gitavanana kun be God nu tau kamai ira hala la nogonan ute. Gida kun atatu gabe vevegi mwa bevegira huri mateana lolmatan i ira enjel duluai mai ira atatu duluai ata lol ureure.

2 Korin 10:7

Giv garere huri ira lalaḡova be ran loli lol matamiu. Be giv binihi dumwia be kamai mulei bilan Kraes kun kimiu.

2 Korin 11:5

Nam hav binihia tehe be kera, “ira hala lavoa” kera ran tavuha liuau.

2 Korin 3:6

Nu lol kamai gam mai dum gi atatun rovoga huri damean gara ninia sibona lalai non sinombu. Damean gara uhu nu hav vora te silo be nu rava, take kea vui. Silo be nu ravana mwa lai mateana, take Vui kea mwa lai rahuana.

2 Korin 4:11

Gam rahu radu gam dogo, take huri Jisas tagaro gam habwe taro ririhai huri mateana huri be rahun Jisas vi gitan dumwi alun rebehimai be mwa mate.

2 Korin 6:9

Kun be kamai ram hav ilo te kamai, take kera ram ilo tavuhai kamai. Gitanana kun be gai mate, take gam rahu radu. Ram bevegi kamai, take gam hav mate tehe.

Kelesia 6:17

Haḡe gisav lai tehe lalaiau taro ririhai mulei vwate. Dovon̄a abena la rebehiku be mwa seserainia be inau turin rovoga non Kraes Jisas.

Ifisas 3:1

Huri ginau geki, inau Pol atat vauvauhi huri Kraes Jisas huri kimiu ira Lolobon̄i, nam dataro lalai God.

Ifisas 4:1

Inau lol imwa vauvauhi bwatuna be inau bilan Ratahigi. God nu gita lua kimiu be giv vora non sinombu, i nam avdura kimiu kadogaha be giv togo lol rahuana gabe God mwa uloi kimiu huria.

Ifisas 6:20

Nan mai be nai vev lua Roroi Tavuha, i nam lolia kadogaha teti lol imwa vauvauhi. Giv tataro huriau be lol taro be nai vev lua Roroi Tavuha nasav avo tehe gin mataguana, take nav tu wasigi.

Filipae 1:13

Ira radaiḡoro imwan ratahigi lavoa i kera gaitutuvwai duluai ram iloe be nam dogo lol imwan vauvauhi bwatuna be inau atatun rovoga lol Kraes.

Filipae 2:17

Nomiu binihimwasigi garagusi mwa lol kimiu gim lin̄ rahumiu kun be tataroi lol rovoga lalai God. Nam lai mwasin dagaku mai nomiu tataroi tuntun, nav ron̄ mwandavuha i nav masiri lol samsamwara gin kimiu duluai.

Kolosi 1:24

Nam samwara lol noḡu taro ririhai hurigo. Huribe nam ron̄ḡagarasi lol rebehiku huribe namen lol nogonogoi ron̄ḡagarasi non Kraes. Ginau rituai abena be Kraes mwa ron̄ ḡagarasi sivi rebehina, gabe uloilua.

Kolosi 1:29

Huribe men loli kun geki, nam lol rovoga i nam du wasi, gin muramura wasi non Kraes be mwa lol rovoga muramuraga aloloku.

1 Tesalonaeka 3:2

I nav hora Timoti vai abemiu. Timoti, kea tuamai mwa lol rovoga mai kamai huri God i mwa bului kamai be gai vevea lalai sinombu huri Roroi Tavuha huri Kraes. Gam horae be vi vamuramura i vi avdura kimiu lol nomiu binihimwasigi garagusi,

1 Timoti 4:6

Be goi vev ginau kera geki lalai ira, tua goi vora atatun rovoga tavuha non Kraes Jisas. Avoana ata lol binihimwasigi garagusi vi loligo gov wasi lol binihimwasigi i silo vagahi tavuha be gov huria.

2 Timoti 1:16

Nam dataro be God vi seserai sine hagavi lalai ira ata lol imwan Onesivoras, kea tagaro nu buluiau i nu hav busbusi tehe be nan togo lol imwa vauvauhi.

2 Timoti 1:8

Haḡe gosav busbusi tehe be gov vevea lalai sinombu huri nonda Ratahigi Jisas, i gosav busbusi tehe giniau, be nam do lol imwa vauvauhi huri Kraes. Take gov ron̄ ḡagarasi maiau huri Leo Tavuha. God, kea be mwa lai muramura lalai gida be tav lolia kunia.

2 Timoti 2:9

i nam ron̄ ḡagarasi bwatuna Roroi Tavuha, i kadogaha ram bauhiau gin gao talai kun atatun wehi surai. Take silo vagahi non God kea mwa hav togo tehe lol imwa vauvauhi.

2 Timoti 3:11

gom iloe be ran lolia nam habwe taro ririhai, i nan ron̄ ḡagarasi. Gon ilo hano be nu loli lalaiau Antiok, Okiniam i Listra. Nan ron̄ ḡagarasi take Ratahigi nu varahuau nin taro ririhai kera gea.

Filimon 1:9

Take bwatuna be nam dabego, loloku mwa hahavwani hurigo. Inau Pol, gabe bwatmetue kadogaha mulei inau atat vauvauhi huri Kraes Jisas,

Hibru 10:34

Gom bului atat binhimwasigi be ram dogo lol vauvauhi. I lol taro be atatu ram mai ram lai dagai nomiu vataha ginau take kimiu gim samsamwara n̄ano, huribe gim iloe huba be nomiu vataha ginau rituai ram dogo be ran tavuha liu, i be rasav van te dagai nin kimiu.