2 Korin 11:13 - Hano Niu Testamen

¹³ Kera gea ram hav vora te mwasin ira hala take kera atatun rovoga be ram dentene. Ram leahira sibora gitanara kun be ira hala non Kraes.

2 Korin 11:13 ပူးပေါင်းရင်းမြစ်များ

Matiu 25:24

“Haḡe atatun rovoga gabe nu lai dola vasan̄vul vatuvwa mwa haroro, mwa bevea be, ‘Ratahigi, nan iloe be giḡo uhu atat wasi maragai, bwatuna be gom lalai gam ginau lol ute loloara, gabe barabe gon lol rovogana, i gom lai vwae gai alun gai gabe gon hav rivua tehe.

Lalaḡova 15:1

Haḡe atatu rituai ram mai nin Judia vai Antiok ram bagahi sinombu ram bevea be, “Gisav rahu te dumwi vaivotu be vi tav dovon̄ana alumiu kun gabe silo non Moses mwa bevea.”

Lalaḡova 15:24

Kamai gam ron̄oe be atatu rituai gabe ran matu nin teti ran lol kimiu gim ron̄ mwahantai i binihimiu mwa lalan̄aga gin havanau gabe ran vevea; take gan hav vev te avoana kunia lalainira be ramen matu ba lolia kunia.

Lalaḡova 20:30

Tarona vi mai be atatu rituai n̄an mulei alolomiu rav tentene ba domuai letei ira binihimwasigi be rav hurira.

Ravrava non Pol lalai ata Rom 16:18

Atatu kunia ram hav lol te rovoga non Ratahigi Kraes ta ram lol ginau n̄ano be mwa hurin nora doroniva. Ram avo la avoan ravravwega i avoan lulumwu be ramen ḡalira be ram hav ilo te ginau lete.

2 Korin 11:15

Mwa hav lol te kamai be gav dan̄an̄a, be Setan atatun non rovoga mulei rav lolira sibora gitanara sibora rai vora kun atatun rovoga non vavtutu. Take nogonana rav lai vevegi huri hano be tam lolia.

2 Korin 2:17

Gam hav salei te avoana non God huri be gav lai homu aluna kun sinombu ivusi ram lolia huba. Take alun Kraes gam bev mwasigi lolmatan God, kun be kamai ira vwalaua huri non avoana.

2 Korin 4:2

Take gan van burigai ginau dahuligi be ram lol hal busbusi. Gam hav lol te hal tentene, i gam leahi te silo vagahi non God. Gam bagahi mwasigi be nu vavtutu, gam seserai kamai lalai sinombu duluai be kamai ira ihei. Vuvuri

Kelesia 1:7

Mwasigi, Roroi Tavuha mulei vwate sigai. Take atatu rituai ram lolia gim bilen̄alen̄a; ram doronbe ramen leahi Roroi Tavuha non Kraes.

Kelesia 2:4

Gam bev ginau vahala geki bwatuna be atat binihimwasigi tentene rituai ran mai dahuligi lol nomai tatan̄ana. Ran mai kun gabe atat gita surai be ramen tul burigai mwasigi lol Kraes Jisas. Ran doron be ramen lol kamai i ira turin rovoga.

Kelesia 4:17

Atatu keragea ram lol rovoga hahavwani be rav leahi kimiu be giv van burigai kamai i giv hurira n̄ano.

Kelesia 6:12

Atatu rituai ram lol kimiu be ramen tav dovon̄ana alumiu, huribe ram sasagerega lol ginau ata lol rebehi n̄ano. Ram matagu be rav lol ḡagarasira be rav huri volovolo non Kraes.

Ifisas 4:14

I sihav n̄ava tehe gida tas hav mom bora te kun naturigi mulei. Tasav vora te kun waḡa be mwa halahala dadaligi navo mwa bohainia ban mwa mai. Sihav avte lumlum gida gin silo vagahi gara duluai gam ron̄oe non sinombu be ram lol ron̄oe be ramen saruruhi kamai. Ram dari halana i ram lol ron̄ hal saruruhi be men ruruhi sinombu vai alolon halan salana.

Filipae 3:18

Atatu ivusi ram dogo kun be ira ivwalu huri volovolo non Kraes. Vataha mahavana nan vevea lalai kimiu hurira i mwa loliau mataruaku mwa hovi be namen vevea lalai kimiu kadogaha.

Filipae 3:2

Giv gita ḡoro hurira be ram lol ginau hantai, kera be kun ira vwiriu, kera be ram bev maragai huri tav rebehi.

Kolosi 2:4

Nam bevea kungeki huribe atatu vwate si hav saruruhigo tehe gin vigaigaiana be men tavuha, take tenteneana.

Kolosi 2:8

Gov iloe be atatu vwate si hav tomuai te dagainigo gin silo vagahi tentene gabe mwa mai nin atatu n̄ano, be mwa mai nin ira Vui hantai ata lol ureure geki, i vorate nin Kraes.

1 Jon 2:18

Ira nituku, mwa abena be ureure men nogo. Gim iloe be ivwalu Kraes men mai kadogaha, ira ivwalu non Kraes ran mai huba. Bwatuna haḡea tam iloe be nogonan ureure mwa abena.

1 Jon 4:1

Ira noḡu buluana, gisav vinihi te mwasigi kera be ram bevea be ram haḡo Vui Sabuga, take giv haḡo ron̄ora be vui be ram haḡoe mwa mai nin God. Ira atatun vevsera tentene ivusi ram ban lol ureure duluai.

Ravrava nin Jud 1:4

Atatu len̄len̄aga rituai ran haroro dahuligi vai lol nom tatan̄ana, kera ran avo vai alun God i ran leahi silo vagahin hogoi non nonda God be ram lol dum ginau hahantai, ram barihai didi lai Jisas Kraes vai alolora, nonda Ratahigi i God. Take tuai avoan sabuga mwa bevea be atat len̄len̄aga keragea rav lai silo vevegi.

Visirai 19:20

Take ginau rahu gea ram laia gi atat vauvauhi bul mai atatun vevsera tentene. (Geki atatun vevsera n̄an haḡe gea be nu lol ira ginau dan̄an̄a la ihan ginau rahu, huria be kea vi vataltale kera dolua be dovon̄a non ginau rahu mwa en alura, i ram ḡogonai nunu vatu.) Mwa bohai rahui ginau rahu mai atatun vevsera tentene vai ata lol numbun wain gabi tabwalue mai salva.

Visirai 2:2

Nam ilo alen̄amiu mai havanau be gim lolia Ivisas. I nam iloe be gim lol rovoga hahavwani i gim ron̄ mwa n̄ava lol binihimiu liu. Nam iloe be gim hav samsamwara te n̄an haḡea alun ira atat lete, i nam ilo kimiu huba ira hei gea be ram bevea be kera ira hala take ram dentene, i gin habwera huba be ram dentene n̄ano.

Visirai 2:20

Take geki ginau gabe nai van burigai kimiu aluna: take gim lin̄ia vavine gea mwa dogo radu mai kimiu, gabe kea kun vavine gea be nu togo tuai Jesebel, kea nu togo mwa bagahi be kea horata non God. I lol non silo vagahi kea mwa salai noḡu atatun rovoga la hala be atatu mwa lol bahala lol halan lagiana, i ram ḡan bigi gabe mwa dataroi ginia huba lalai nun vatu.

Visirai 2:9

Nam ilo nomiu vahalana huba la vanua Smana. Nam iloe be kimiu gim hiruga, take mwasigi be kimiu ira ratahigin roso. I nam ilo nora avoan hahantai gea be ram avo vai alumiu. Ram bevera be kera ira Jius, take ram la ram dentene. Nora imwa tataro imwan Setan tavuhai haḡea.