2 Korin 11:1 - Hano Niu Testamen

¹ Nam binihia be gis haḡo alen̄ maḡemu maiau gaituvwa batena be nam dadaloiga tirigi, take gim lolia huba kunia.

2 Korin 11:1 ပူးပေါင်းရင်းမြစ်များ

Matiu 17:17

Haḡe Jisas mwa bwaliua be, “O kimiu ata garigi nomiu binihimwasigi sigai, i gim bahala maragai! Nav togo mai kimiu vain̄ava kun hanigi? Nav haḡo mai kimiu vaiviha mulei? Gin lai naturigi gea vai abeku.”

Lalaḡova 18:14

Pol mwa du be men avo mahavana be Kalio mwa bevea lalai ira Jius be, “Ginau geki be vahalana huri mateana sage ginau vahala vwat kunia be nu loliana, haḡe nu vavtutu lalaiau be nav lin̄ maḡemu lalai kimiu ira Jius.

Lalaḡova 26:29

Pol mwa bwaliua mwa bevea be, “Mahavana vwelvwele sage n̄ava, take noḡu tataro lalai God be giḡo i kimiu duluai gabe gim roron̄taiau garigi giv vora kuniau, i nam hav doron tehe be giv vora atat vauvauhi!”

1 Korin 1:21

Alolon mataisao non God ureure mwa hav ilo te God sivi non mataisao sibona. Haḡe kunia God mwa ḡita luae be vi varahu atatu n̄ano be ram binihihimwasigi toretore bwaḡelega be tam doretore aluna.

1 Korin 3:18

Gosav taltale te sibomwa! Be gomen vinihia be giḡo haḡea mataisao vai lol ureure geki, take gov lago kun gabe bwaḡele huri be gov mai dumwi gi mataisao mwasigi.

1 Korin 4:10

Bwatuna be tam lol rovoga huri Kraes, tam mai gi bwaḡele lolmatan atatu, take kimiu gin mataisaoga huribe kimiu non Kraes. Atatu ram ḡita bahivoi kamai, take ram binihi marahi kimiu.

1 Korin 4:8

Gom binihia be gom dogo huba mai ginau duluai be gom doronia. Gom binihia be giḡo gon rosoga. Gom binihia be gom mai gi ratahigi lavoa take kamai gam hav vora te ratahigi lavoa kunigo. Be mwasigi kimiu ratahigi lavoa nam samsamwara maragai be kamaru mulei garu vi mai gi ratahigi lavoa mai kimiu.

2 Korin 11:19

Kimiu gin mataisaoga, i giv samwara be gimen haḡo alen̄ n̄ava mai daloi!

2 Korin 11:21

Ginau busbusi lalaiau be nai vevea kunia, take gav “mandamanda” maragai be gav lol ginau kera gea lalai kimiu! Take be ihei tehe be nu muramuraga dadariha be vi sasagerega, kunia, inau mulei nav butu i nav sasagerega. (Nam avo kun be daloi)

2 Korin 11:4

Gim haḡo alen̄ mahuri mai ihei be mwa mai vai abemiu i mwa doretore huri Jisas dolua nin vwate be kamai gam toretore huria. Kimiu gim doron maragai be giv damei Vui sa Roroi Tavuha be dolua nin Vui i Leo Tavuha be gin laia huba nin kamai.

2 Korin 12:11

Nam avo kun daloi, take kimiu haḡea gim lolia nam lolia kunia. Kimiu haḡea be mwa du be gis vev ginau tavuha huriau. Inau nam mai gi ginau vuroi, take kera “ira hala lavoa” be lalavoa ram hav dadariha te n̄an maiau!

2 Korin 5:13

Be binihimai ran sala, kea huri God. Take be binihimai mwa bavtutu, kea huri kimiu.

Hibru 5:2

Nonda Muai Tataroi kea nu mandamanda. Bwatuna gea, kea nu maron̄ron̄o lalainira be ram bahala.