2 Korin 10:4 - Hano Niu Testamen

⁴ Gam bwalo gin haḡohaḡon bwaloana be ureure mwa bwalo ginira. Nomai haḡohaḡon bwaloana gam haḡo muramura nin God kea be vi lol kaburai dum tanon ivwalu be nu wasi. Gam lol kaburai dum vigaigaiana ivusi,

2 Korin 10:4 ပူးပေါင်းရင်းမြစ်များ

Lalaḡova 7:22

Haḡe ram bagahia gin avoan mataisao ata Ijip duluai, i kea mwa mai gi atat gaivua lol non avoana i lalaḡova.”

Ravrava non Pol lalai ata Rom 13:12

“Bon̄i” mwa bwelvwel gim nogo, “Rani” mwa sosori gin gida. I gida tav lin̄ ginau ata lol ute meto i tas lai vatahanan bwaloana ata lol gigita.

Ravrava non Pol lalai ata Rom 6:13

Gosav lin̄ te rahumwa be vi gogonai vuro, kun ginau be gamen lolia be men lol vuro. Ninia gea, lin̄igo sibomwa la liman God kunira be ran mate i kadogaha ram rahu. Kamai gam lolia gin rebehimai be gamen vuroga.

1 Korin 2:5

Geki mwa seserainia be nom butuana n̄ano vi tu alun muramura non God, take sihav vora te gin mataisao non atatu vuroi.

1 Korin 9:7

Atatun bwaloana vwate sigai be mwa ban huri bwaloana, take mwa bol mulei halana sibona n̄ano gin non homu sibona? Atatun ute loloara vwate sigai be mwa riv taligaon waen take mwa hav gan te dumwia lol bilan uwmwan taligaon waen? Atatun radaiḡoro sipsip vwate si hav gita te ḡoro sipsip ita sihav mwin te hun huhura?

2 Korin 10:8

Mwasigi be gam sasagerega huri roron̄o be Ratahigi nu laia lalai kamai. Take roron̄o geki be vi voha kimiu giv hamai amare, si hav wehi te kimiu vai ata, i nasav busbusi tehe.

2 Korin 13:10

Nam rav ravrava uhu batena be nam dogo dagai nin kimiu huria be batena be nav mai take nasav wasi tehe mai noḡu roron̄o mai kimiu. Ratahigi nu lai roron̄o geki be vi voha kimiu giv hamai amare, take mwa hav vora te huria be vi haḡo bahivoi kimiu.

2 Korin 3:5

Gam hav vevea tehe be gav lol dum rovoga uhu gahemai. God, kea haḡea be mwa lol kamai gam lol dum rovoga be mwa du be gav lolira.

2 Korin 4:7

Kamai nomai na hogoi tavuha uhu nin God, take kamai kun tanon wai be tan malagoba be mwa dau ḡoḡo na hogoi tavuha alolona. Geki mwa seserainia be muramura gaivua mwa mai nin God, mwa hav vora te nin kamai.

2 Korin 6:7

gin avoan mwasigi, i gin muramura non God. Gam haḡo rahuana vavtutu mwa bora tutuḡoro huri kamai sibomai ḡoro ginau duluai.

1 Tesalonaeka 5:8

Take gida ata lol gigita, mwa du be tav togonai gida siboda. Mwa du be tav saga binihimwasigi garagusi i lolotabetabe be vi tuḡoro gida, i doronhohov huri varahuva kun gaisagan bwatu.

1 Timoti 1:18

Timoti, nituku, nam laia lalainigo avoan wasi be mwa dadariha mai avoan vevsera be nu hagainia hurigo lol taro nu ḡao huba. Nam bevea kunia lalainigo huri be gov hurira i gov bwalo tavuhai.

2 Timoti 2:3

Gov bete lol taro ririhai be gam haḡoe kun atatun bwaloan tavuha non Kraes Jisas.

Hibru 11:30

I mulei bwatuna be ata Israel ram binihimwasigi garagusi alun God, bwatuna gea aran bwatutun vanua Jeriko mwa mwaruru. Kera ran dalis bwatutun vanua gea huri gubwen̄ gaibitu.