2 Korin 10:1 - Hano Niu Testamen

¹ Inau, Pol, nam hudali kimiu gin alen̄ maḡemu i alen̄ tavuha non Kraes. Atatu rituai ram bevea be nam lolia mwa maron̄ron̄o alumiu batena be inau mai kimiu i nam lol alen̄ wasi baten be nam do dagai.

2 Korin 10:1 ပူးပေါင်းရင်းမြစ်များ

Matiu 11:29

Giv haḡo lua noḡu gai tatauleo vai la isibwamiu, i giv huhui ginau niniau, bwatuna inau nam maḡemu i nam do tirigi lol binihiva. I giv habwe mabuana.

Matiu 21:5

“Giv vevea lalainira ata Saion be, ‘Giv gitae! Nomiu Ratahigi lavoa mwa mai huri kimiu. Kea mwa binihi maḡemuinia, mwa lago alun don̄ki, alun bwaloi don̄ki.’ ”

Lalaḡova 8:32

Geki haḡea tavihen avoan a gabe nu vasogoe, i mwa bevea be, “Kun sipsip gabe mwa laiana be men wehiana, kun sipsip mwa buhiga mahavana be ram bal kaburai iluna, i mwa hav vev te avoana vwate.

Ravrava non Pol lalai ata Rom 10:20

Aesaia nu dadariha be vi vevea be, “Kera gabe nan hav hudalinira tehe huri buluiana kera haḡea ran buluiau. Kera be ran hav siroau tehe, kera haḡea nam lolira ram iloau.”

Ravrava non Pol lalai ata Rom 12:1

Bwatuna higea, ira tua nu tau bwatuna be God nu lol seserai non hahagavi lalai gida, nam bevea lalainigo be gov lai rahumwa kun gabe hogoi rahu lalainia. Nom hogoi vi vora lalai God n̄ano i vi lol samsamwarainia, kea gabe hala sabuga lalainigo huri gogonaiana.

Ravrava non Pol lalai ata Rom 15:15

Take nan ravae lalai kimiu huri ginau duluai, nan hav tahuli te vwate huri ginau rituai be nam doron kimiu be giv iloe. Nam lol ginau geki bwatun be God nu lai lalaiau hogoi tavuha

1 Korin 2:3

Batena be nan mai huri kimiu, nan mandamanda maragai, i nan matmatagu.

1 Korin 4:10

Bwatuna be tam lol rovoga huri Kraes, tam mai gi bwaḡele lolmatan atatu, take kimiu gin mataisaoga huribe kimiu non Kraes. Atatu ram ḡita bahivoi kamai, take ram binihi marahi kimiu.

1 Korin 4:21

Havanau haḡea be gim doronia? Nav mai gai gaivua ba dalvusi kimiu sage nav mai mai lolotabetabe sage maḡemu?

2 Korin 10:10

Atat rituai ram bevea be, “Ravrava non Pol mwa ron̄oana be raumatan ravrava i ram muramuraga, take bwatuna be kea abeda nu mandamanda. I non avoana mwa hav vora te ginau vwate”

2 Korin 10:2

Ram binihia be kamai gam dogo la halan ureure, i nam lol hala be nav wasi maragai maira baten be nav mai. Nam hudali kimiu be batena be nai mai nam hav doron tehe be nav lol alen̄ wasi mai kimiu.

2 Korin 10:7

Giv garere huri ira lalaḡova be ran loli lol matamiu. Be giv binihi dumwia be kamai mulei bilan Kraes kun kimiu.

2 Korin 11:21

Ginau busbusi lalaiau be nai vevea kunia, take gav “mandamanda” maragai be gav lol ginau kera gea lalai kimiu! Take be ihei tehe be nu muramuraga dadariha be vi sasagerega, kunia, inau mulei nav butu i nav sasagerega. (Nam avo kun be daloi)

2 Korin 11:30

Be mwa du be nav av sasagerega, nav av ravravwega huri ginau be mwa seserainia be inau nam mandamanda.

2 Korin 12:5

Nu av sasagerega huri atatu be kunia, take nasav av te sasagerega huriau siboku, huri noḡu mandamanda n̄ano.

2 Korin 3:12

Geki nomai doronhohov, gam hav matagu tehe.

2 Korin 5:20

Gam bora horata be gai vevuri huri Kraes. Kea kun be God mwa uloi kimiu sivi kamai. Kamai gam avo huri Kraes: batena be gam hudali kimiu be giv to lol tamwata mai God.

2 Korin 6:1

I gam lol rovoga bul mai God, i gam hudali kimiu be gisav lin̄ te hogoi be gin laira huba nin God be rai van sabwelei.

2 Korin 7:4

Nam ron̄oe mwasigi huri kimiu be nam sasagerega huri kimiu. Gim lai lol maḡemu lalaiau, i lol nomai taro ririhai duluai, gan lai samsamwara gaivua.

Kelesia 4:13

Gin vinihi dumwia be ron̄ mwahantai be nan mai abemiu muana, nan toretore huri Roroi Tavuha.

Kelesia 5:2

Gov roron̄tai, inau Pol nam bevea lalai kimiu.

Ifisas 3:1

Huri ginau geki, inau Pol atat vauvauhi huri Kraes Jisas huri kimiu ira Lolobon̄i, nam dataro lalai God.

Ifisas 4:1

Inau lol imwa vauvauhi bwatuna be inau bilan Ratahigi. God nu gita lua kimiu be giv vora non sinombu, i nam avdura kimiu kadogaha be giv togo lol rahuana gabe God mwa uloi kimiu huria.

Filipae 4:5

Giv lin̄ kimiu duluai rav gitae be kimiu atat maḡemu i sine tavuha. Ratahigi vi himai sihav vora te n̄ava.

Kolosi 1:23

Geki vi loli be gov tu rahurahu wasigi i gov ilo didinigi lol non binihimwasigi. Gosav tagara te dagai nin doronhohov be nu laiana lalainigo sivi Roroi Tavuha. Inau Pol, atatun rovoga be nam bului lol toretoreanan Roroi Tavuha gea, Roroi Tavuha gea be atatu n̄oto lol ureure ram ron̄oe.

2 Tesalonaeka 3:17

Inau Pol, nam lol nogonogoi ravrava geki gin noḡu ravrava siboku. Noḡu ravrava duluai kun geki n̄oto be vi seserainia be ram mai niniau. Geki haḡea hala be nam ravrava.

Filimon 1:19

Inau, Pol, nam ravae kunia gin mwasin limaḡu. Nai vol muleinia, i nasav vevea te huri ginau vwate be gin lolia lalaiau huri rahumiu sibomiu.

Filimon 1:9

Take bwatuna be nam dabego, loloku mwa hahavwani hurigo. Inau Pol, gabe bwatmetue kadogaha mulei inau atat vauvauhi huri Kraes Jisas,

1 Pita 2:11

Ira tuaku, kimiu gin ḡun atat mai i tausala lol ureure geki. Nam doron be giv lin̄ ginau hahantai be rebehimiu mwa doronia be vi lolia be mwa bwalo vai alun vui rahu.

Visirai 1:9

Inau Jon, inau tuamiu i roron̄tai vwate non Jisas. Nam bulu mai kimiu lol ira ginau hahantai be ram dum kimiu n̄oto be mwa mai alura n̄oto be ḡogonai Jisas be Ratahigi Lavoa. Ram dau inau la vanua kolo Patmos, huribe nam bev lua avoana non God gin mwasigi be Jisas nu seserai luae.