2 Korin 1:8 - Hano Niu Testamen

⁸ Ira tua, gam doron be kimiu giv ilo huri taro ririhai be ram dum kamai Esia. Gam habwea nu marahi liu aia liu tovotovon nomai muramura. Gam derai kaburai nomai doronhohov huri rahuana.

2 Korin 1:8 ပူးပေါင်းရင်းမြစ်များ

Lalaḡova 16:6

I kera ram dol lago lol vanua Vrijia i Kalili bwatuna be Vui Sabuga mwa hav mahin̄ainira tehe be rai vano lol vanua Esia.

Lalaḡova 19:41

Haḡe ataguna be mwa avo vuvuri, mwa ḡoro gatavan avoana.

Lalaḡova 2:9

Gida ata Patia, Media mai Elam, nin Mesopotamia, Judia, Kapadosia, nin Pontus mai Esia,

Ravrava non Pol lalai ata Rom 1:13

Ira tuaku, nam doron be giv iloe be, nan lol taritari vaivusi be nav mai abemiu, take ginau geki mwa hav dumwi tehe. Nam doron be nav mai bwatuna be nav bului kimiu be giv mauri lol vui kunia be nan bului ira vara dagai nin varan Israel.

1 Korin 15:32

Be nav bwalo mai ira ginau turu ata Ivisas mai ira binihin atatu n̄ano, nasav lai te dum ginau vwate. Be atat mate rasav tomare te mulei, “tav gan ginau i tav mwinmwinu, huribe vaigogo tav mate.”

1 Korin 16:9

Huribe ginau tavuha huri rovoga nu laiana lalaiau kadogaha len̄len̄a be sinombu be ram avo wasi vai aluku.

1 Korin 4:8

Gom binihia be gom dogo huba mai ginau duluai be gom doronia. Gom binihia be giḡo gon rosoga. Gom binihia be gom mai gi ratahigi lavoa take kamai gam hav vora te ratahigi lavoa kunigo. Be mwasigi kimiu ratahigi lavoa nam samsamwara maragai be kamaru mulei garu vi mai gi ratahigi lavoa mai kimiu.

2 Korin 1:9

Mwasigi maragai be lol irubwimai gam binihimwasigi be gai mate. Take geki mwa loli huri be gasav butu te alumai sibomai take alun God n̄ano, kea nu ragas sinombu nin mateana.

2 Korin 6:9

Kun be kamai ram hav ilo te kamai, take kera ram ilo tavuhai kamai. Gitanana kun be gai mate, take gam rahu radu. Ram bevegi kamai, take gam hav mate tehe.