2 Korin 1:20 - Hano Niu Testamen

²⁰ Uwe, huri tatauleo non God duluai, kea Kraes, i sivi Jisas Kraes tam bevea be uwe huri sarisari God.

2 Korin 1:20 ပူးပေါင်းရင်းမြစ်များ

Matiu 6:13

Gosav lin̄ te kamai lol kalkaliana, Gov lai kamai nin bwatigoro.’

Leo Tavuha gabe Luk nu Ravae 2:14

“Uloi roron God lol mahao amare, i tamwata la ureure abera atatu gabe God mwa ron̄ mwandavuha ginira!”

Leo Tavuha gabe Jon nu Ravae 1:17

God nu lai Silo sivi Moses, take God mwa lai hogoi i mwasigi sivi Jisas Kraes.

Leo Tavuha gabe Jon nu Ravae 14:6

Jisas mwa bwaliua be, “Inau matanhala, mwasigi, i rahuana; atatu vwate sihav van te dum aben Tata dagai niniau.”

Leo Tavuha gabe Jon nu Ravae 3:5

Take Jisas mwa bwaliua mwa bevea be, “Nam bev mwasigi lalainigo be, ihei si hav dalin̄oro te dum lol rahuana gara gabe God mwa ratahigi alolona be kea si hav vora tehe gin wai i vui.

Ravrava non Pol lalai ata Rom 11:36

Uwe, God nu lol ginau duluai, i ginau duluai mwa du mwa loli sivinia i lalainia. Lalainia sarisari vai tuai! Amen.

Ravrava non Pol lalai ata Rom 6:23

Lol taro be atatu ram lol vuro, ram lai volira huri vuro be ram lolia i vuro gea mwa daura lol mateana. Ta God mwa lai hogoi vuroi lalai gida rahuana vai tuai mai Kraes Jisas nonda Ratahigi.

1 Korin 14:16

Be gom avkari God gin nom vui, kera be nora binbinihi sigai, kun hanigi haḡea rav vev dum Amen. Huribe ram len̄ai hano be gom bevea.

2 Korin 4:15

Ginau duluai kera geki huri kimiu. Kunia hogoi non God be nu laia lalai sinombu duluai vi lai avkariana gaivua lalai God lol non sarisari.

2 Korin 4:6

God nu vevea be, “Giv lin̄ gigita vi sarisari lua lol metmeto! Geki God n̄an be nu lol gigita mwa sarisari lol loloda mwa lin̄ gida tam ilo huri sarisarin God kea be lolmatan Kraes.”

Kelesia 3:22

Ninia gea ravrava sabuga mwa lol melmeloinia be ureure mwa bauhi lol vuro. Geki haḡea mulei tatauleo mwa laiana sivi binihimwasigi garagusi lalai atatu be ram binihimwasigi lol Jisas Kraes.

Ifisas 1:6

i mwa lai roroai lalai God bwatuna be gin non hogoi. God nu lai hogoi gea lalai gida vuroi nan kunia, alolon Kraes, atatu gabe mwa doronia.

Ifisas 2:7

bwatuna huri taro vai non̄oiha duluai kea vi seserai mwasin hogoi be gaivua liu lol non lolotabetabe ginia be kea nu tavuha mai gida lol Kraes Jisas.

Kolosi 1:27

Taritari non God be vi lol non sinombu rav ilo huri non roso sabuga i ginau dahuligi mutai be mwa haḡoe huri sinombu duluai. Ginau mutai dahuligi gea kea Kraes be mwa dogo alolomwa, doronhohov huri sarisari.

2 Tesalonaeka 1:10

Geki vi loli lol gubwen̄i be God ratahigi vi mai i atatu be non atatu rav uloi roroainia. I sinombu duluai be ram binhimwasigi rav dan̄an̄a gin Jisas. Giḡo gov togo lol tatan̄ana gea bwatuna be gom binihimwasigi havanau be gam bevea lalainigo.

Hibru 11:13

Atatu kera gea ram binihimwasigi garagusi alun God, take mahavana be ram mate, ram hav lai te dum ginau gea radu gabe God nu tatauleo be vi laia lalainira. Kera ram ḡita ginau kera gea kun gabe ram do hautu radu ninira, take ram samsamwara mulei huri be ramen gitara. I kera ram du ram bev luae lol ute melmelo be, kera ram dogo lol ureure geki take mwa du kun be kera tausala n̄ano, ureure geki mwa hav vora te mwasin tanora.

Hibru 13:8

Jisas Kraes mwa hav leahi te dumwi, alen̄ana kunia n̄an haḡea be tuai mwa botu ninovi, i garigi, i vaigogo mwa bano vai tuai.

Hibru 7:6

Take kadogaha Melkisidek kea mwa hav vora te ata la varan Livae vwate, take mwa lai tatan̄an gina ganiana non Ebraham gea i mwa batavuhai Ebraham gea be God nu lai tatauleo duluai lalainia.

1 Pita 1:12

God nu seserainia lalainira be nora rovoga nu hav vorate hurira Sibora take huri kimiu, lol taro be nu veveana na ira mwasigi be gim ron̄oe kadogaha. Kera be ram doretore huri Roroi Tavuha lalai kimiu ran vev ginau kerageki mai buluiana non Vui Sabuga gabe nu horana nin ute atamare ginau alolona gabe ira enjel ram doronia be rav gitae.

1 Jon 5:11

God mwa bev serae lalai gida gabe mwa lai rahuana vai tuai. Rahuana geki mwa mai lalai gida sivi Nituna.

Visirai 3:14

Kea mwa bevea be, gov rava noḡu avoana lalai vanua Laodisia ba bevea be, “Geki noḡu avoana, gabe nam bev Amen lol tatauleo non God. Inau non gaitura vwate gabe nan mwasigi, i nam hav tul te burigai noḡu avoana. Inau bwatun ginau tau non God duluai.

Visirai 7:12

ram bevea be, “Amen! Roroa, roron̄o, rihumaragai avkariana, gogonai, i muramura, i vuhun̄ana non nonda God vai tuai vai tuai! Amen!”