2 Korin 1:14 - Hano Niu Testamen

¹⁴ I nam doronhohov be giv ilo dum ginau duluai huri kamai, vuvuri giv siv doron kamai, kunia kamai gav ilo huri kimiu la hala be Ratahigi Jisas Kraes vi mai mulei.

2 Korin 1:14 ပူးပေါင်းရင်းမြစ်များ

Ravrava non Pol lalai ata Rom 11:25

Nam doron be kimiu giv ilo tavuhai gina dauhiligi geki, ira tuaku, i kimiu giv iloe be gim hav ilo te didinini ginau n̄oto. Udun Israel ram lol bwatwasi, take kea vi leahi kebe ivusi ira Lolobon̄i rav mai aben God.

1 Korin 1:8

Jisas Kraes vi haḡo wasi kimiu lol binihimwasigi vai votu nogonana, huribe giv melmelo lol taron non Gubwen̄i.

1 Korin 11:18

Muana, nan ron̄oe be lol taro be gim bihabwehabwe kun gabe uloilua gim harabora, i nam binihimwasigi ginau rituai geki.

1 Korin 15:31

Nav habwe mateana ḡaoḡao. Kea mwasigi, ira tuaku, nam samsamwara gin kimiu, huribe rahuda utegaituvwa lol Kraes Jisas nonda Ratahigi.

2 Korin 2:5

Be tuamiu vwate aia alolomiu nu lol vain ron̄ mwahantai, mwa hav vora te lalaiau, take lalai kimiu duluai. Nam bevea gin binihiva be kea mwa dau bwatun ron̄mwahantai lalai atatu duluai la hala vwate. (Nam hav doron tehe be nav lolia ron̄oanana be nu hantai liu nin mwasin halana)

2 Korin 5:12

Gam hav lol ron̄oe tehe be gamen habwe seserai kamai mulei sibomai, take gam bev kamai sibomai lalai kimiu. Huri be giv ron̄ mwandavuha gin kamai. Kunia kimiu nomiu avoan vwaliu abena, lalainira be ram av lavoai huri ginau n̄an be ram ḡita dumwia take ran hav lai te binihiva maragai alun ginau ata lol irubwi.

2 Korin 9:2

Nam iloe be gim doronia be giv bului. Nan av ravravwega huria lalai sinombu Masedonia, nam bevea lalainira be la ḡereḡeren Kris ran lol vatuvwai be rav hogoi lol taul vwate huba. I nomiu doroniva be giv hogoi nu lolira kera ivusi ram lol vatuvwai mulei be rav hogoi.

Filipae 1:10

be giv gitae dolua lol davolan tavuha i hantai i giv gita lua tavuha; be giv melmelo i nomiu vahalana vi sigai huri maiana non Kraes;

Filipae 1:26

Giv ron̄ mwandavuha lol Kraes Jisas batena inau mulei mai kimiu.

Filipae 1:6

God nu tau bwatuna be men lol rovoga tavuha alolomiu, i inau nam binihimwasigi be vi van rahurahu aluna vaivotu be vi nogoinia batena be Kraes Jisas vi mai mulei.

Filipae 2:16

Giv hagai silo vagahi be vi mai mulei, inau nav samsamwara dumwi bwatuna be noḡu rovoga mwa hav van te sabwelei. Nan rovo huri tavwe i nan laia.

Filipae 4:1

Ira mwasin tuaku, nam dabe kimiu i nam doron be nav gita kimiu. Gin lai samsamwara lalaiau i gim loliau nam sasagerega huri kimiu, i giv tu wasi alun Ratahigi kunia be nan vevea huba lalai kimiu.

1 Tesalonaeka 3:13

Nam dataro be lolomiu vi tu wasigi, be giv vora atat sabuga i vahalana sigai lolmatan nonda i Tata batena be nonda Ratahigi Jisas vi mai mai non ira sabuga duluai.

1 Tesalonaeka 5:23

Kadogaha nam dataro be God sibona, God huri tamwata, vi lol kimiu giv melmelo giv vora huria n̄ano. Nam dataro be rahumiu duluai lol Vui, atmatemiu, i rebehimiu vi to rahurahu i vahalana sigai batena be nonda Ratahigi Jisas Kraes vi mai.