1 Timoti 6:9 - Hano Niu Testamen

⁹ Kera be ram doron be rai mai gi atat rosoga ran lai ḡoḡo kalkaliana vai alura sibora i ram saḡa alun visi. Ram doron doroniv taltale ivusi be rav lol hantai ginau be ram lol bwarebwarea, i ram lol kaburai sinombu.

1 Timoti 6:9 ပူးပေါင်းရင်းမြစ်များ

Matiu 13:22

Biri gabe mwa hovi lol ḡauli, nu ḡun atatu gabe mwa ron̄ avoana, take kalkalianan ureure i doroniva non rosomiu mwa haravui avoana tavuha be nu ron̄oe, i mwa hav vwae tehe.

Matiu 19:22

Haḡe mahavana gabe mwalaḡelo gea mwa ron̄ vuvuri avoana non Jisas, mwa ban dagai gin ron̄ mwahantai, bwatuna gabe rosona gaivua maragai.

Matiu 26:15

mwa bevea be, “Giv lai havanau lalaiau be nav lin̄ Jisas lol limamiu?” Kunia ram bolia gin vatlegiga matotobwai n̄avul gaitolu i ram laira lalainia.

Matiu 6:19

“Gisav hogon te rosomiu ata lol ureure geki. Ute kunia kakurus vi gan dumwia i vi boboga dumwi, i atat surasura rav haroro surai dum alolon imwa i rav surai dumwia.

Leo Tavuha gabe Mak nu Ravae 4:19

take lalaḡova ata lol ureure, kun silo tabetabe huri roso, i ginau dorodoron rituai ram hae bul maira i ram bivihi avoana i mwa hav vwavwae te dum.

Leo Tavuha gabe Luk nu Ravae 12:21

Haḡe Jisas mwa bev nogonogoinia be, “Geki haḡea vi ḡunia lalai irahei gabe ram dau ḡoḡo rosora hurira sibora take ram hav rosoga tehe la lolmatan God.”

Leo Tavuha gabe Luk nu Ravae 21:35

kun vidi. Huri be vi lol sinombu lol ureure duluai.

Lalaḡova 8:20

“Nom homu vi vano kaburai vai tuai, i giḡo mulei maia, bwatuna be gom binihia be goi vol dum hogoi non God gin homu!

Ifisas 4:22

Nu vagahi kimiu be giv lin̄ rahuan bibili be gin togo aluna tuai. Nomiu doroniva sibomiu huri rahuan ata tuai gea mwa hantai liu, bwatuna be sinombu ram daltale gin ginau hahantai be ran doron be rav lolia.

1 Timoti 1:9

Gam iloe mulei be silo mwa hav vora te huri atat tavuha take hurira be ram du ḡoro silo i hurira be ram hav doron tehe be rav huria. Hurira be ram du ḡoro God, i ran masiri gin bwatigoro, kera be ran hav sabuga tehe i ram hav haḡo te halan binihimwasigi, kera ram wehi ira tamara i ratahira, kera ram wehi surai.

1 Timoti 3:7

Tomuai lol uloilua mulei mwa du be vi vora atatu be sinombu be ram hav togo te lol uloilua rai vinihi marahinia huribe rasav huriana tehe i nu hav sani tehe alun vidi non Setan.

1 Timoti 6:10

Doroniva huri homu mwa bwativugai lalan̄an Vui hantai duluai. Sinombu rituai ram lin̄ binihimwasigi garagusi, bwatuna be ram bwativugai taro ririhai i ron̄ mwahantai lalainira sibora.

1 Timoti 6:17

Vevea lalainira be ram rosoga gin ginau ata lol ureure geki be rasav sasagerega tehe. Vevea lalainira be rav doronhohov lol God, take sihav vora te alun roso be ram len̄a. God mwa hogoi tavuhai hogoi duluai lalai gida gin samsamwara.

2 Timoti 2:26

I rav mamata rav romaragai nin Vidi non Setan, be mwa haḡo dumwira be rav lol hano be mwa doronia.

Taetas 2:12

Mwa bagahi gida be tasav van te burigai God sa tasav lol te ginau hahantai be ureure mwa doronia. Take, hogoi non God mwa bagahi gida be kadogaha tav togo gin mataisao i lol hal vavtutu i lol hala kea be mwa seserainia be tam lol lalaḡova non God.

2 Pita 2:3

Ira vagahi tentene kera geki ram doron nomiu homu, i kera rav haḡo kimiu i rav tentene lalai kimiu. Nora harahara ran avo vai alura tuai mwa mai radu i nora hantai mwa mwasigi.

Ravrava nin Jud 1:11

Vi hantai maragai hurira. Ran huri hala non Ken, i ran lol ginau vahala kun Balam huri homu. Ram bwalo vai alun God kun Kora be nu lolia, i vi lol kaburainira kun Kora.