1 Timoti 6:4 - Hano Niu Testamen

⁴ Wani gea nu masiri gin sagere i mwa ilo halan ginau vwate, take mwa haro mai doroniva huri vigaigaiana i bwaloana huri avoana. Geki mwa lai binbinihi hantai, bwaloana, avoana vai alun atat dodolua butuana,

1 Timoti 6:4 ပူးပေါင်းရင်းမြစ်များ

Lalaḡova 15:2

Haḡe bwatuna gea Pol mai Banabas ramuru bigaigai maira huri avoana geki, haḡe Pol mai Banabas ramuru binihi tuhi be kera bul mai ata Antiok rituai rai vano vai Jerusalem ba ḡita ira hala rituai mai ira bwatmetua huri ginau geki.

Lalaḡova 18:15

Take ginau gea vigaigaiana huri avoana mai iha i nomiu silo sibomiu, kunia mwa du be kimiu sibomiu giv hara bavtutui nia. I nau siboku nasav vora te harahara huri ginau kunia!”

Lalaḡova 8:9

Atatu vwate aia ihana Saimon nu lol sinombu ata Samaria gin non vui son̄son̄o. I mwa bevea sibona be kea atat gaivua vwate,

Ravrava non Pol lalai ata Rom 12:16

Giv togo lol tamwata mai kimiu duluai. Gosav ravwega tehe, ta gov mwemwearu mai atat hivhivo. Gosav vinihi tehe be gon mataisaoga nin atat dodolua.

Ravrava non Pol lalai ata Rom 13:13

Tav togo la alen̄ vavtutu, kun atatun ute rani. Ta sav la te bulbulu huri mwinmwin daltale huri ginau hantai. Atamwani mai atamwani rasav lol te bwatigoro ginginira sa vavine mai vavine. Bwaloana visigai mai binbinihi hantai.

Ravrava non Pol lalai ata Rom 14:1

Giv samsamwara be giv lai ḡoḡo atatu gabe non binihimwasigi garagusi nu mandamanda, gisav vigaigai tehe huri nora vahalana.

Ravrava non Pol lalai ata Rom 2:8

Ta atatu rituai ram binihi sagera. Ram barihai didi huri mwasigi i ram huri lete. God vi lai lalainira non vevegi i lolhoro.

1 Korin 11:16

Atatu rituai rav vigaigai radu huri ginau geki, take nai vevea be gida mai ira uloilua dodolua non God, nonda silo vagahi lealea.

1 Korin 11:18

Muana, nan ron̄oe be lol taro be gim bihabwehabwe kun gabe uloilua gim harabora, i nam binihimwasigi ginau rituai geki.

1 Korin 3:18

Gosav taltale te sibomwa! Be gomen vinihia be giḡo haḡea mataisao vai lol ureure geki, take gov lago kun gabe bwaḡele huri be gov mai dumwi gi mataisao mwasigi.

1 Korin 3:3

bwatuna be kimiu gin hav masiri te radu gin Vui Sabuga. Binbinihi hantai mai vigaigaiana mwa du radu alolomiu, i geki mwa seserainia be vui sigai radu alolomiu. Kimiu gim lolia radu kun gabe sinombu ata lol ureure geki.

2 Korin 11:20

Matu gim haḡo dum alen̄ n̄ava maira be ram hora kimiu gim dalisi, sa ram haḡo kimiu, sa ram ruruhi kimiu, sa ram binihia be kera ran tavuha liu kimiu, sa ram dutui kimiu lolmatamiu.

Kelesia 5:15

Be giv lol rahurahuinia be giv varihai mulmulei kimiu i giv haḡo bora kimiu lealea, giv gitaḡoro, besigai giv lol n̄oto bwarebware mulmulei kimiu.

Kelesia 5:26

Tasav ravwega tehe, sage lol ginau hahantai gingin gida sage binbinihi hantai mulmulei mai gida.

Kelesia 6:3

Be atatu vwate mwa binibe kea liu be mwa hav vora te kunia, kea mwa lol mulei daltaleinia sibona.

Filipae 1:15

Mwasigi be kera rituai ram doretore huri Kraes bwatuna be ram binbinihi hantai i ram binbinihi lavoa, take rituai ram doretore huri Kraes bwatuna be ram doron be ramen bului,

Filipae 2:14

Gisav ḡurutu tehe lol ginau duluai be gin lolia gin vigaigaiana.

Filipae 2:3

Batena be gim lol ginau gisav lolia tehe gin bugurana sa binihiv sage be vi tomuai kimiu. Hala kun geki, giv haḡo binihiv bahivoi i giv lai binihi marahi lalai atat dodolua liua be huri kimiu sibomiu.

Kolosi 2:18

Gosav lin̄ te atatu vwate be vi vevegigo huribe atatu keragea ram binihi sagera huri kera ira mataigigila i ram ḡogonai ira enjel. Bwatbwatun nora binihiva sigai i ram ravravwega huribe binihin atatu n̄ano.

2 Tesalonaeka 2:4

Kea si hav ron̄ te hano be vi veveana i vi taua sibona amare la ginau duluai gabe mwa uloiana be god sage havanau be sinombu ram uloi roroainia. I vuison̄son̄o gea vi haroro mulei lol imwa gogonai non God i vi togo aia i vi vevea be kea God.

1 Timoti 1:4

Vevea lalainira be rasav sabwelei te nora taro alun ira vevuri tentene i alun varavarain iha lol vevuri ata la varara tuai. Ginau kera geki ram lol vigaigaiana n̄ano; ram hav bului tehe huri taritari non God, kea be mwa loliana gin binihimwasigi garagusi.

1 Timoti 1:7

Ram doron be rai vora vagahin silo, take ram hav ilo te halana mulei be ram bev havanau sa be ram binihimwasiginia.

1 Timoti 3:6

Take tomuai huri uloilua vi vora atat metuaga sihav vora te malaḡel vuroi lol binihimwasigi garagusi sage kea mwa hav binihi te sagea sibona huribe kea sihav hovi tehe lol gaosani non atmate.

2 Timoti 2:14

Gov vagahi rahurahui ginau kera geki, vev daua lalai sinombu lolmatan God be rasav vigaigai te huri ira avoana. Mwa hav bului te ihei, i mwa lol hantainira be ram roron̄tai.

2 Timoti 2:23

To dagai nin vagaigaian dadaloiga i vagaigaiana hantai, bwatuna be gom iloe be ram mauri vai lol bwaloana.

2 Timoti 3:4

Rai van burigai atatu be ram mwemwearu bulu i rav lol ginau dadaloiga be rasav lai te binihiva huria. Rav lol nora doroniv hahantai sibora, rav tabe nora doroniva sibora lol tanon God.

Taetas 3:9

Take giv to dagai ninira be ram bigaigai daltale i ram avo alun vevurin vevuri hahantai ata lol imwa i vigaigai i ram biavoavo huri silo. Ginau kera gea mwasira nu sigai i rasav bului te atatu vwate.

Jemes 1:19

Ira mwasin tuaku be nam dabe kimiu, mwa du be gov roron̄tai i gov maḡemu lol avoana. Gosav lolhoro te vilvilehi,

2 Pita 2:12

Take atatu kera geki ram avo vai alun ginau be ram hav ilo te huria. Kera ram bora kun ginau rahu turu be ram lol ginau i ram hav binbinihi tehe, ginau rahu turu be ran vora huribe vi haḡoan batugehi i vi wehiana. I, kun ira ginau rahu turu, ira vagahi tentene kera geki rav lol kaburainira.

2 Pita 2:18

Ram bev avoan sasagerega be binihiva ata alolona sigai. Gin nora doroniv bwatigoro ram domuai sinombu vai alolon vidin vuro---atatu be ram siv tau bwatuna be ramen romaragai nin atatu be ram dogo lol vahalana.

Ravrava nin Jud 1:10

Take atatu kerageki ram avo la ginau be ram hav iloe tehe. I ginau be ram iloe, gin nora ron̄ova, kun ginau rahu buhiga be ram ilo ginau, kea haḡea ginau be mwa lol bwarebwarera.

Ravrava nin Jud 1:16

Atatu kerageki ram av wasi i ram dultuli mai vai la kera dodolua, ram lol ginau vahala be ram doron be rav lolia. Ram av ravravwega hurira sibora, i ram lol alen̄ wasi maia atat dodolua be ramen lol hano be ram doronia.

Visirai 3:17

Gim bevea be, ‘Inau nam rosoga liu, noḡu ginau duluai abena be nam doronia take gim hav iloe tehe be’, kimiu gim hiruga be gim hantai maragai, i gim davuha kun hanigi! Gim hiruga, gim la vuroi, i gim matagaraga.