1 Timoti 6:3 - Hano Niu Testamen

³ Ihei be mwa lai silo vagahi dolua be mwa hav dadariha tehe mai silo vagahi non nonda Ratahigi Jisas Kraes i silo vagahi be mwa seserai matan halan rovoga mai God.

1 Timoti 6:3 ပူးပေါင်းရင်းမြစ်များ

Matiu 22:21

Haḡe ram bwaliua be, “Nunun Ratahigi lavoa ata Rom.” Jisas mwa bwaliura be, “Giv lai lalai Ratahigi ginau non Ratahigi, i lalai God ginau non God.”

Matiu 28:20

I giv vagahira be rav ḡoḡoi ḡoro ginau duluai gabe nan vevea lalai kimiu. Haḡe gita, inau mai kimiu vataha gubwen̄, vai votu nogonan ureure.”

Ravrava non Pol lalai ata Rom 16:17

Ira tuaku, nam hudali kimiu be giv gita ḡoro hurira be ram lol atatu be ramen vigaigai ginginira, i ram lol hantai binihimwasigi garagusi non atatu. Kera ram hae la mwasin silo vagahi gabe gin huhuinia, i giv togo dagai ninira.

1 Tesalonaeka 4:8

Ihei tehe be mwa hav tabe te non silo vagahi, mwa hav daha te atatu, take God gabe mwa lai non Vui Sabuga lalai gida.

1 Timoti 1:10

Ram bulu lol bwatigoro lol rebehi, be atamwani mai atamwani sa vavine mai vavine, kera be ram surai turin rovoga, kera be ram dentene, kera be ram bev avoan tentene, i ram lol ginau duluai ḡoro silo vagahi mwasigi God.

1 Timoti 1:3

Nam hudalinigo be gov togo hen vain̄ava Ivisas kunia be nan vevea lalainigo amua batena be nan haroro Masedonia i giḡo goi vev wasi dumwia be sinombu rituai aia be rav mambui vagahi tentene.

1 Timoti 1:6

Atatu rituai ran vahal ginau kera geki i ran van huri avoana be mwasina nu sigai.

2 Timoti 1:13

Gov huri halan mwasin silo vagahi kea be gon ron̄oe niniau lol binihimwasigi garagusi i lolotabetabe, kea be lol Kraes Jisas.

2 Timoti 4:3

Bwatuna be taro vi mai, batena be sinombu tasav mom roron̄tai tehe huri silo vagahi mwasigi. Rav huri havanau be nora doroniva mwa doronia sibora. Ram hiḡehiḡe huri ira vagahi dodolua, be ram bev ginau lalainira vataha ginau be kera ram doronia huba.

Taetas 1:1

Nin Pol, atatun rovoga non God i hala non Jisas Kraes nu horau be nav huhui ira sinombu gin binihimwasigi garagusi be God mwa ḡita luara i be nai buluira be rav ilo mwasigi kea be mwa seserainia lalai sinombu kunhanigi rav lol rovoga lalai God.

Taetas 1:9

Vi haḡo batugehi avoana be tanon butuana kea be tam bagahi ginia, tomuai vi bului sinombu gin mwasin silo vagahi i vi seserai dumwia lalainira be ram banburigai mwasin silo vagahi huri be kera ram bahala.

Taetas 3:8

Silo vagahi geki mwasigi, i nam doronia be giv ilo tavuhainia huri be sinombu rav ilo tavuhai halan ginau kera geki. Vuvuri kera be ram binihimwasigi alun God rav gitaḡoro be rahura rav lalaḡoi ginau tavuha. Ginau kera geki ran tavuha i rav bului atatu duluai.