1 Timoti 6:2 - Hano Niu Testamen

² Ira turin rovoga be nora ratahigi i ira binihimwasigi rasav binihi te marahinira hivhivo huri be kera atat binihimwasigi. Rav lol rovoga lalai nora ratahigi vi tavuha liu, bwatuna be ram bului ira binihimwasigi be ram dabera. Gov vagahi i gov toretore huri ginau kera geki.

1 Timoti 6:2 ပူးပေါင်းရင်းမြစ်များ

Matiu 23:8

Ta kimiu gisav lolia tehe be atatu rav uloi kimiu be ‘Ratahigi’, huri be nomiu Ratahigi gaituvwa n̄an, i kimiu duluai ira huhugaituvwa.

Matiu 25:40

Haḡe inau Ratahigi Lavoa nai vwaliura be, ‘Nam bev mwasigi lalai kimiu be, gin lolia kunia lalai tuaku vwate gabe tirigi ninira tuaku duluai, kun gabe gin lolia lalaiau siboku.’

Matiu 6:24

“Atatu si hav vora te turin rovoga dum lalai ratahigi gairua. Bereva gim hun̄ai vwate i gim dabe vwate. Sage vi gogonai vwate i vi gita hantai vwate. Gisav haḡo te bul rovoga non God mai rovogan mwane.

Lalaḡova 1:15

Haḡe gubwen̄ gaituvwa n̄an ataguna, ḡoḡoana non ira binihimwasigi, i kera duluai kun vudolu vatuvwa vena n̄avul gairua ram du ute gaituvwa, haḡe Pita mwa du amare be men avo.

Ravrava non Pol lalai ata Rom 11:17

Ke kunia n̄ano be tavalun raran gai nin bwatun gai oliv ran mosi dagatagai. Kimiu ira Lolobon̄i gin kun raran gai oliv turu be nu tarihouana vai la muan bwatuna. Kadogaha kimiu gim hara muramura i rahun muan bwatungai, ira Jius.

Ravrava non Pol lalai ata Rom 8:29

God mwa ilora amua vuri mwa siv lol ureure, i mwa bevea be rai vora kun nituna, huribe Jisas vi vora tuagai lol ira huhugaituvwa ivusi.

Kelesia 5:6

Mahavana be gida lol Kraes Jisas, mwa hav vora te maragai be tav lai tav dovon̄a sa sigai. Muan ginau mutai be binihimwasigi lalan̄an binihimwasigi garagusi be mwa lol rovoga sivi lolotabetabe.

Ifisas 1:1

Nin Pol hala non Jisas Kraes. Inau hurihuri bwatuna be kea haḡea havanau gabe God nu doronia. Lalai ira sinombu sabuga non Kraes be ram dogo Ivisas, ram binihi alun Kraes Jisas.

Ifisas 1:15

Bwatuna haḡea nu tau bwatuna be nam ron̄oe huri nomiu binihimwasigi garagusi lol Ratahigi Jisas i nomiu lolotabetabe huri sinombu non God,

Ifisas 3:6

Geki haḡea ginau dahuligi gea: be sivi Roroi Tavuha, ira Lolobon̄i rav bulu mai ira Jius lol vatavuha non God. Kera bilan rebehi n̄an gea, i ram bulbulu utegaituvwa lol tatauleo be God mwa lolia lol Kraes Jisas.

Kolosi 1:2

Lalai ira tuada atat binihimwasigi duluai lol Kraes be ram dogo Kolosi, hogoi i tamwata lalai kimiu nin God tamanda.

Kolosi 1:4

bwatuna be gan ron̄oe huri binihimwasigi garagusi be gin togo maia huri Kraes Jisas i lolotabetabe be gin haḡoe huri ira atatu non God.

Kolosi 4:1

Ira Ratahigi, giv lai hano be nu vavtutu lalai ira non turi. Gov iloe be nom Ratahigi lavoa vwate mwa dogo amare.

2 Tesalonaeka 1:3

Ira tuaku mai ira hogosiku, tav avkari God vataha mahavana huri kimiu. Geki haḡea nu vavtutu, bwatuna be nom binhimwasigi garagusi mwa mauri vataha mahavana, i lolotabetabe be kimiu duluai gim do maia, huri be kimiu gaitutuvwai gim mauri.

1 Timoti 4:11

Gov lai avoan wasi i gov vagahi ginau kera geki.

1 Timoti 5:1

Gosav avo te gin lolhoro lalai atat metuaga, take avo lalainia kun be kea tamamwa. Gov avo mai ira malaḡelo kun be ira tua.

Taetas 2:1

Take giḡo Taetus, gov vev ginau lalai sinombu duluai be rav lolia vi huri silo vagahi mwasigi.

Taetas 2:15

Vev ginau kera geki i av dura sinombu i vev lua havanau be ran vahala lol rahura, vevea gin roron̄o. Gosav lin̄ te ihei be vi gitago kun be giḡo gom hav vora te atat binihi marahi.

Taetas 3:8

Silo vagahi geki mwasigi, i nam doronia be giv ilo tavuhainia huri be sinombu rav ilo tavuhai halan ginau kera geki. Vuvuri kera be ram binihimwasigi alun God rav gitaḡoro be rahura rav lalaḡoi ginau tavuha. Ginau kera geki ran tavuha i rav bului atatu duluai.

Hibru 3:1

Ira tuaku mai ira hogosiku, God nu uloi lua gida huba. I Jisas kea atatu vwate be God nu uloi luae, be vi vora hala i muai Tataroi lalai gida be tam haḡo binihimwasigi garagusi.

Hibru 3:14

I gida duluai tam bulu alun rovoga non Kraes la bwativuna huri be tav haḡo te dum alun udun tatauleo non God vai votui nogonana.

1 Pita 5:1

Kadogaha nam do mai ginau vwate be nav vevea lalai ira bwatmetue lol nomiu vatugigi. Inau mulei nam bora bwatmetue. Nan gita ron̄ ḡagarasi non Kraes duluai, i nav bete lol sarisari be vi seserai nia lalai gida. Nam hudali kimiu mulei,

2 Pita 2:10

Silo Vevegi gea liuhage lalainira be ram dogo ram lol bwatigoro lol rebehira sibora ram doronia i ram hav doron te roron̄o. Ira Vagahi tentene kera geki ran wasi i ram lol havanau be ram doronia. Ram hav matagu tehe be rav avo vai alun ira enjel.

Ravrava nin Jud 1:8

Atatu be nam bevera ram lol ginau kun atatu be ram ḡita maturubore i mwa lolira sibora ram masiri gin vuro. Ram hav doron te didi ron̄ ira lavoa ḡoro non God i ram avo vai alun ira enjel.