1 Timoti 6:18 - Hano Niu Testamen

¹⁸ Goi vevea lalai sinombu rosoga be rav lol lalaḡov tavuha, be rav rosoga be rasav bugura tehe, i rav lol vatuvwai be rav hogohogo lalai atat dodolua.

1 Timoti 6:18 ပူးပေါင်းရင်းမြစ်များ

Matiu 5:42

Be atatu mwa hudalinigo gin ginau vwate, gov laia lalainia. Be atatu mwa doron hano huba ninigo, gov mahin̄ainia lalainia.

Leo Tavuha gabe Luk nu Ravae 12:21

Haḡe Jisas mwa bev nogonogoinia be, “Geki haḡea vi ḡunia lalai irahei gabe ram dau ḡoḡo rosora hurira sibora take ram hav rosoga tehe la lolmatan God.”

Leo Tavuha gabe Luk nu Ravae 3:11

Haḡe mwa bwaliura be, “Atatu be gaisagana gairua vi lai vwate lalai wani be gaisagana sigai, mulei atatu be gan ginau abena vi hogosira be gara ginau sigai.”

Lalaḡova 10:38

Nu vano vataha ute duluai mwa lol lalaḡova tavuha, i mwa barahura gabe ram dogo vauhi halaten muramura non Vui hantai, bwatuna God bul maia.

Lalaḡova 11:29

Haḡe ira hala ram binihi tuhia be atatu gaitutuvwai vatvatahara vi lai udun bilana huribe vi bului ira binihimwasigi rituai gabe ram dogo Judia.

Lalaḡova 9:36

Lol vanua Jopa vavine vwate ihana Tabita, kea binihimwasigi vwate (Ihana la avoana ata Krik be Dokas, binihiva be Dia). Lol mahavan rahuna duluai nu lalaḡo tavuha i mwa bului ira hiru.

Ravrava non Pol lalai ata Rom 12:13

Gov hogos atat non God be ram do ririhai. Gov lai tausala be ram doron ginau, vai la imwamwa.

Ravrava non Pol lalai ata Rom 12:8

Ihei tehe be nu lai hogoi huri be vi lai avoan dura lalai atatu, kea vi lolia kunia. Ihei be nu lai hogoi be vi hogos atatu dolua, kea vi hogoi vuroinia. Ihei be nu lai hogoi be vi vora tomuai vi n̄aitai lol taro be mwa domua. Ihei be nu lai hogoi huri sine hagavi huri atat dolua vi lolia kunia gin samwarana.

1 Korin 16:2

Vataha Sande, kimiu gaitutuvwai giv tau dagai homu be nu dadariha kunia be gin lai tavwe vataha vula. Giv tau ḡoḡoe huribe nasav mom hara te homu lol taro be nav mai.

2 Korin 8:12

Be gom doron be gov lai nom hogoi, God vi dame alun nom hogoi, vi vevegiana vi hurin hano be nomwa abena, take vorate ginau be nomwa sigai.

2 Korin 8:9

Gim ilo huri hogoi non nonda Ratahigi Jisas Kraes. Gim iloe be Kraes kea nu rosoga, take huri kimiu mwa mai gi atat hiruga huri be la halan hiru be mwa laia kimiu giv rosoga.

Kelesia 6:10

Lol taro be nonda rovoga be tav bului atatu, mwa du be tas lolia. Take tas lai nonda mwasin loliana lalainira gabe ram dogo lol tatan̄an binihimwasigi garagusi.

Ifisas 4:28

Kera gabe ram susura rav lin̄i be ram susura i rav tau bwatuna ba lol rovoga. Mwa du be kera rav haḡo rahuan tavuha hurira sibora i kera rav lai dum ginau abena be rav hogoinia lalainira be ram hiruga.

1 Timoti 5:10

Vi iloana mulei na non rovoga tavuha, rovoga be nu gitaḡoro tavuhai ira nituna, nu laiḡoḡo ira tausala, nu bwaga lolonen atat sinombu non God, nu buluira be ran togo lol taro ririhai, i nu lin̄ rahuna be vi lol lalan̄an rovoga tavuha.

Taetas 2:14

Nu lin̄ia sibona huri gida be vi lol tavwe be vi ribwes gida nin ginau hantai duluai i be vi lol gida tai vora sinombu melmelo be tai vora bilana n̄an gahena. Sinombu be tagaro tam doron be tav lol lalaḡov tavuha.

Taetas 3:8

Silo vagahi geki mwasigi, i nam doronia be giv ilo tavuhainia huri be sinombu rav ilo tavuhai halan ginau kera geki. Vuvuri kera be ram binihimwasigi alun God rav gitaḡoro be rahura rav lalaḡoi ginau tavuha. Ginau kera geki ran tavuha i rav bului atatu duluai.

Hibru 13:16

Gisav vinihi te malioi be giv lol ginau tavtavuha i giv bulubului kimiu huribe ginau kerageki mwasin raumatan ginau be God mwa samsamwara ginia.

Jemes 2:5

Giv roron̄tai ira tuaku! God mwa ḡita lua ira hiru lol ureure be rav rosoga lol binihimwasigi garagusi, i rav haḡo ute ratahigi be God nu tatauleo huria lalainira be ram dabea.

1 Pita 3:11

Mwa du maragai be kea vi nogo nin ginau hahantai i vi lol ginau tavuha. Mwa du be kea vi hiḡe tamwata i vi lol rovoga huria.

1 Jon 3:17

Be gida nonda ginau abena i tam ḡita atat dodolua be nora sigai, ta be tam hav buluira tehe, tasav vev te dumwia be tam dabe God.

3 Jon 1:11

Tuaku gosav huri te havanau be nu hantai; gov huri hano be nu tavuha. Atatu be mwa lalaḡo tavuha kea bilan God. Take atatu be mwa hav lalaḡo te tavuha mwa hav ilo te hohoi God.