1 Timoti 6:16 - Hano Niu Testamen

¹⁶ Kea n̄an gaituvwa be mwa hav mate tehe. Mwa dogo lol gigita be nu sarisari be atatu sihav van te dum sosoria. Atatu vwate nu hav gita te God, sa ta sav gita te dumwia. Tataro be gogonai i muramura non God vai tuai tuai. Amen.

1 Timoti 6:16 ပူးပေါင်းရင်းမြစ်များ

Leo Tavuha gabe Jon nu Ravae 1:18

Atatu vwate mwa hav gita te radui God. Nituna vora gaituvwa, gabe kea kun God sibona i mwa dogo hurin Tamana, kea mwa seserainia lalai gida.

Leo Tavuha gabe Jon nu Ravae 14:9

Jisas mwa bwaliua be, “Nam dogo mai kimiu duluai huri mahavana n̄ava huba; take gom hav iloau te radu, Vilip? Ihei tehe be nu gitau nu gita Tata. Hurihano gom bevea be, ‘Vagahi kamai gin Tata’?

Leo Tavuha gabe Jon nu Ravae 6:46

Geki mwa hav vora te gin binihiva be atatu vwate nu gita Tata; kea n̄an gabe nu mai nin God nu gita Tata.

Leo Tavuha gabe Jon nu Ravae 8:58

Jisas mwa bevea lalainira be, “Nam bev mwasigi lalai kimiu, Ebraham mwa siv vora atagu, ‘Inau nam dogo mau amua.’ ”

Ifisas 3:21

Lalainira roroai lol uloilua i lol Kraes Jisas huri vataha mahavana, vai tuai vai tuai. Amen.

Filipae 4:20

Uloi roron God Tamanda vai tuai i vai tuai Amen

Kolosi 1:15

God kea ta sav gita te dumwia gin mwasin matada, take be gom ḡita Jisas, kea kunia n̄ano be gom ḡita God. Kraes kea tuagai naturigi non God, i nu holomare hae liu ginau duluai nu loliana.

1 Timoti 1:17

Lalai Ratahigi Vurai be mwa lavoa ḡoro vai tuai, kea sihav mate tehe, kea be tasav gita te dumwia, kea n̄an God, tanon binihi marahi i sarisari vai tuai i vai tuai! Amen.

Hibru 13:8

Jisas Kraes mwa hav leahi te dumwi, alen̄ana kunia n̄an haḡea be tuai mwa botu ninovi, i garigi, i vaigogo mwa bano vai tuai.

Jemes 1:17

Lalaḡov tavuha duluai i hogoi tavuha duluai ram mai nin God. Ginau tavtavuha keragea ram mai nin God be nu lol alo, vula, ira visiu, i kea mwa hav leahi tehe kun gigitan ginau keragea be ram leahi.

1 Jon 1:5

Jisas nu vevea lalai kamai be God kea gigita i ute meto mwa hav tu te ḡoroe. Geki gam bevea lalai kimiu.

1 Jon 1:7

Take be tas togo lol gigita, kun gabe God mwa dogo lol gigita, kea gin binihiva be gida duluai tam bora vatugi gaituvwa n̄an maia. I dagan Jisas nitun God vi bwaga melmeloi gida nin nonda bwatigoro.

1 Jon 4:12

Atatu vwate mwa hav gita te God radu, i non tabeana mwasigi mwa dogo aloloda.

Ravrava nin Jud 1:25

lalai God gaituvwa nonda varahuva, la ihan Jisas Kraes nonda Ratahigi, lalainia samwarana, sarisari, muramura, i mwasigi huri taro be nu nogo, kadogaha i vai tuai. Amen.

Visirai 1:6

Kea Ratahigi Lavoa i mwa lolia be tam mai gi non ira muai tataroi be tamen lalaḡo lalai God Tata. Lalainia roroai i muramura vai tuai vai tuai! Amen.

Visirai 1:8

Ratahigi God mwa bevea be, “Inau muana i nogonana, inau Alva i Omeka, gabe mwa dogo mwa rahu i mwa mai. Inau God muramura duluai.”

Visirai 21:3

Haḡe nan ron̄ silo gaivua mwa mai nin tanon togotogon ratahigi, mwa bevea be, “Gita imwa hauhau non God mai non silo i kea vi togo la imwana maira, i kera rai vora non sinombu, i kea vivora nora God.

Visirai 22:5

I ute bon̄i mulei sigai aia. Atat vwate sigai alolora be ram du aia be vi doron here sa gigitan alo. Ratahigi God vi gigitainira i rav tomua vai tuai.

Visirai 4:11

“Nonda Ratahigi i God! Giḡo gon dadariha be gov lai muramura, i roroa, i sarisari. Huri be gon tau ginau duluai, i gin nom binihiva gon taura i ram du.”

Visirai 7:12

ram bevea be, “Amen! Roroa, roron̄o, rihumaragai avkariana, gogonai, i muramura, i vuhun̄ana non nonda God vai tuai vai tuai! Amen!”