11 Take giḡo, atat non God gov romaragai nin ginau kera gea. Ninia gea, gov togo la hal vavtutu, lol rovoga lalai God, haḡo binihimwasigi garagusi, lolotabetabe, alen̄ mahuri i alen̄ maḡemu.
Giv romaragai nin ginau hantai be ira malaḡelo mai ira dadaulato ram doron be rav lolia. Butu wasigi be gov lago bavtutu i haḡo binihimwasigi garagusi, lolotabetabe, i tamwata, bulbulu maira be ram butu alun Ratahigi alolon lolo melmelo duluai.
Gosav lin̄ te atatu be rav gita bahivoinigo huribe giḡo mwalaḡelo n̄ano, take gov vora malele lalai ira atat binihimwasigi lol nom avoana, nom lalaḡova, nom lolotabetabe, nom binihimwasigi garagusi, i lol nom togoan melmelo.
Haḡe kunia gov rov maragai nin bwatigoron rebehi mai rebehi. Bwatigoro dodolua duluai gabe sinombu mwa lolia kea dagai avare nin rebehi, take kera n̄an gabe ram buroga mai bwatigoron rebehi be nu hantai mai mwasin rebehira sibora.
Vi iloana mulei na non rovoga tavuha, rovoga be nu gitaḡoro tavuhai ira nituna, nu laiḡoḡo ira tausala, nu bwaga lolonen atat sinombu non God, nu buluira be ran togo lol taro ririhai, i nu lin̄ rahuna be vi lol lalan̄an rovoga tavuha.
Timoti gov gitaḡoro havanau be God nu taua huba alumwa. Gov tu dagai nin alen̄ taltale, avoan hahantai i nin vigaigaiana huri hano be mwa uloiana be, “iloute.”
Take hogoi non nonda Ratahigi nu lai duluainia lalaiau, i mai hogoi gea nu mai i binihimwasigi garagusi i lolotabetabe lalai gida duluai be tam bulu lol Kraes Jisas.
Take giḡo gon huri hano be nan vagahia, hala be nam dogo, noḡu hala. Gon huri noḡu binihimwasigi garagusi, noḡu ron̄ mwan̄ava, i lolotabetabe, i gom iloe be nan hav lin̄ia tehe,