1 Timoti 5:17 - Hano Niu Testamen

¹⁷ Ira tomuai be ram domuai tavuha uloilua rav lai tanon binihi marahi amare liu, liuhage hurira be ram lol rovoga hahavwani gin avoana i silo vagahi.

1 Timoti 5:17 ပူးပေါင်းရင်းမြစ်များ

Matiu 24:25

Giv ron̄oe! Nam seserai ginau kera geki lalai kimiu amua gim siv loli.

Leo Tavuha gabe Luk nu Ravae 10:7

Giv togo lol imwa gea, giv gan ginau i giv mwin wai gabe ram laia lalai kimiu, bwatuna mwa du be atatun rovoga vi lai dum tavwena. Gisav van te nin imwa vwate vai lol vwate.

Leo Tavuha gabe Luk nu Ravae 12:42

Haḡe Ratahigi mwa bwaliua mwa bevea be, “Matu ihei atatun rovoga binihi marahi i mataisao? Kea be non ratahigi vi taria be vi ratahigi ḡoro imwa i vi harabora tatan̄an ginaganiana lalai atatun rovoga rituai la mwasin mahavana.

Leo Tavuha gabe Jon nu Ravae 4:38

Nam hora lua kimiu be giv harahara lol talu gabe gin hav lol te rovoga aia. Atatu dodolua ran lol rovoga aia amua, i kimiu gim lai vurovuroi ginau nin nora rovoga.”

Lalaḡova 11:30

Haḡe ram lolia vuvuri ram hora Banabas i Sol mai vai lol liman ira bwat metua ḡoro imwa tataro aia.

Lalaḡova 20:35

Nam lol seserai hala duluai lalai kimiu huri rovoga hahavwani la hala geki be tav buluira gabe ram rihu holhole, i gin vinihi dum avoana be Ratahigi Jisas Sibona nu vevea be, ‘Samwarana liu huri ginau be gom hogoinia ninia be atatu mwa hogosigo ginia.’ ”

Lalaḡova 28:10

Kera ram lai nora hogoi ivusi lalai kamai, i mahavana be gam mwalue ram dau ginau duluai be gam doronia huri halamai.

Ravrava non Pol lalai ata Rom 12:8

Ihei tehe be nu lai hogoi huri be vi lai avoan dura lalai atatu, kea vi lolia kunia. Ihei be nu lai hogoi be vi hogos atatu dolua, kea vi hogoi vuroinia. Ihei be nu lai hogoi be vi vora tomuai vi n̄aitai lol taro be mwa domua. Ihei be nu lai hogoi huri sine hagavi huri atat dolua vi lolia kunia gin samwarana.

Ravrava non Pol lalai ata Rom 15:27

Kera ram ron̄ mwandavuha be rav lolira geki, i mwasigi ran laia lalainira. Geki atatu be ira Lolobon̄i nu harae lalainira na vatavuha Sabuga non ira Jius, i kera ras lai nora vatavuha be nora abena lol ureure ba bului ira Jius.

Ravrava non Pol lalai ata Rom 16:12

Avoan helheloi mulei lalai Trivena i Trivosa, ira vavine gabe ran lol rovoga hahavwani huri God. Avoan helheloi lalai buluana Pesis, kea gabe nu lol rovoga hahavwani mulei huri God.

1 Korin 15:10

Take hogoi non God mwa loliau nam bora kunia, i non hogoi lalaiau vorate mwa mai bonogai. Sigai! Nam lol rovoga wasi liu ira hala dodolua. (Take vorate inau mwasigi; take hogoi non God mwa dogo maiau.)

1 Korin 16:16

be giv huri tomuai non atatu kungeki mai irahei tehe be ram lol rovoga i ram lalaḡo maira.

1 Korin 3:9

Gida duluai atatun rovoga non God, tam lol rovoga bulbulu haragaituvwa. Kimiu kun gabe ute loloara bilan God, i imwan God.

2 Korin 6:1

I gam lol rovoga bul mai God, i gam hudali kimiu be gisav lin̄ te hogoi be gin laira huba nin God be rai van sabwelei.

Kelesia 6:6

Ihei tehe be mwa huhui silo vagahi non God, mwa du be vi hara ginau tavuha duluai be vi betea mai non vagahi.

Filipae 2:16

Giv hagai silo vagahi be vi mai mulei, inau nav samsamwara dumwi bwatuna be noḡu rovoga mwa hav van te sabwelei. Nan rovo huri tavwe i nan laia.

Filipae 2:29

Giv lai ḡoḡoe la ihan Ratahigi mai samsamwara. Giv lai binihi marahi lalai sinombu be kunia,

Filipae 4:3

I nam hudali kimiu, ira tuaku be gin masiri gin binihimwasigi, giv bului ira vavine uhu. Kera ram lol rovoga buluiau be ramen vev Roroi tavuha, kera mai Klemen i rituai mulei be ram lol rovoga maiau, ihara nu ravana lol bukan rahuana.

1 Timoti 3:5

Be atatu vwate mwa hav ilo te halana be vi tomuai ata la imwa kun hanigi. Kun hanigi wani gea vi gitaḡoro uloilua non God?

1 Timoti 4:10

Bwatuna haḡe geki be tam lol rovoga hahavwani; tam doronhohov huri God be mwa dogo vai tuai, kea be varahun sinombu duluai, liuhage kera kebe ram binihimwasigi.

1 Timoti 4:14

Batena be ira atatun vevsera ran lai avoana lalainigo i ira tomuai lol uloilua, ran tau limara alun bwatumwa. God nu lai muramura lalainigo be gov lol non rovoga. Gosav mom dau te muramura gea be vi togo bonogai.

1 Timoti 4:16

Gov gitaḡoro tavuhai alen̄amwa, i avoana be gom do gom laia lalai sinombu. God gov lol silo vagahi be gom bevea. Be gov lolia kunia gov varahu dum muleinigo, maira be ram roron̄tainigo.

1 Timoti 4:6

Be goi vev ginau kera geki lalai ira, tua goi vora atatun rovoga tavuha non Kraes Jisas. Avoana ata lol binihimwasigi garagusi vi loligo gov wasi lol binihimwasigi i silo vagahi tavuha be gov huria.

1 Timoti 5:19

Gisav roron̄tai te ihei be, mwa av vai alun tomuai vaivotu be atatu gairua sa gaitolu ran gitae.

1 Timoti 5:3

Gov gitaḡoro ira bwero kera be mwasin ira bwero.

2 Timoti 2:6

Atatun ute loloara be mwa lol rovoga hahavwani huba mwa du be kea muan atatu be vi lai tavwena alun ginaganiana be ran mauri.

2 Timoti 4:2

Inau nam hudalinigo be gov toretore huri Leo Tavuha. Lol vatuvwai vataha taro, i vevea lalai sinombu havanau be mwa du be rav lolia. Vevea lalainira lol taro be ram bahala. Av durara gin sine maḡemu gaivua, i silo vagahi vavtutu.

Hibru 13:17

Giv ron̄ silon nomiu tomuai, i giv huri nora avoana. Ram gitaḡoro tavuhai kimiu be ram hav mambu tehe. I rav vev ginau n̄oton̄oto lalai God huri havanau be ram lolia. Be giv ron̄ silora kera rav ron̄ mwandavuha lol nora rovoga. Be gosav ron̄ora tehe kera rav ron̄ mwahantai. Ginau gea barabe vi bului dum kimiu.

Hibru 13:24

Nam navohi kimiu be giv lai noḡu avoan helheloi lalai nomiu ira tomuai mai ira sinombu non God duluai. Ira non atatun rovoga Itali mulei, ran lai nora avoan helheloi lalai kimiu.

Hibru 13:7

Giv vinihi dum nomiu ira tomuai, gabe ran vev avoana non God lalai kimiu. Giv binbinihi mulei alun rahura be ran togo ram lalaḡo i halan mateanara kun hanigi. I giv huri malelera la halan nora binihimwasigi garagusi.