1 Timoti 5:10 - Hano Niu Testamen

¹⁰ Vi iloana mulei na non rovoga tavuha, rovoga be nu gitaḡoro tavuhai ira nituna, nu laiḡoḡo ira tausala, nu bwaga lolonen atat sinombu non God, nu buluira be ran togo lol taro ririhai, i nu lin̄ rahuna be vi lol lalan̄an rovoga tavuha.

1 Timoti 5:10 ပူးပေါင်းရင်းမြစ်များ

Matiu 25:17

Kunia mulei atatun rovoga gabe nu lai dola vasan̄vul varua mwa bano mwa lol rovoga aluna i mwa lai dola vasan̄vul varua mulei aluna.

Matiu 5:16

Kunia mulei kimiu giv lol seserai nomiu gigitana vi gigita la lolmatara atatu, be rav gita batoi nomiu lalaḡova tavuha. Haḡe rav siv uloi roron Tamamiu atamare.

Leo Tavuha gabe Luk nu Ravae 7:38

mwa du atagun Jisas, mwa dei i mwa mehoi bwalagena gin mataruana. Haḡe mwa man̄ mamahainia gin iluna, i mwa rimrim bwalagena, i mwa salil hun wai sasavi bonboni alura.

Leo Tavuha gabe Luk nu Ravae 7:44

Haḡe mwa ban burigai huri vavine i mwa bevea lalai Saemon be, “Gom ḡita vavine uhu? Nam haroro lol imwamwa, i gom hav lai te wai lalaiau huri bwalageku, take kea nu bwaga bwalageku gin mataruana i mwa man̄ mamahainira gin iluna.

Lalaḡova 10:22

Haḡe ram bwaliua ram bevea be, “Tomuai Konilias mwa hora kamai. Kea mwasin atat tavuha mwa ḡogonai God i ira Jius ram binihi marahi maragainia. Enjel non God nu vevea lalainia be vi warego vai la imwana, huribe vi ron̄ hano be mwa du be goi vevea.”

Lalaḡova 22:12

“Lol bwatutun vanua gea atatu vwate ihana Ananias, gabe mwa binihimwasigi God maragai i mwa dabe nonda Silo, i ira Jius be ram dogo aia ram binihi marahinia.

Lalaḡova 6:3

Mwa du be giv gita lua atatu gaibitu alolomiu be ran masiri gin Vui sabuga i mataisao, vuvuri tav tarira huri ginau geki.

Lalaḡova 9:36

Lol vanua Jopa vavine vwate ihana Tabita, kea binihimwasigi vwate (Ihana la avoana ata Krik be Dokas, binihiva be Dia). Lol mahavan rahuna duluai nu lalaḡo tavuha i mwa bului ira hiru.

Lalaḡova 9:39

Haḡe Pita mwa lol vatuvwai i mwa bano maira. Mahavana be kea mwa botu, ram laia vai lol vwavwan imwa va halamare, i aia ira bwero duluai ram haravuinia ram dei i ram bagahia gin soti duluai mai koti gabe Dokas nu ligora mahavana gabe nu rahu.

Ravrava non Pol lalai ata Rom 12:13

Gov hogos atat non God be ram do ririhai. Gov lai tausala be ram doron ginau, vai la imwamwa.

Ifisas 2:10

God nu loli gida be tav togo haḡea kun geki. Lol Kraes Jisas, God nu lol gida be tav lol rovoga tavuha, gabe God mwa lol daua lol non hogoi huri gida be rahuda vi togo mai nonda lalaḡova.

Kolosi 1:10

Gov togo lol rahuana be mwa lol doroniva non God la hala duluai. Nom rovoga tavuha vi vwaevwae i vi mauri lol mataisao non God.

1 Timoti 2:10

Leahia gea, rav lol lalaḡov gin sine tavuha, kea be nu vavtutu huri ira vavine kera be ram bevea be ram ḡogonai God.

1 Timoti 3:2

Tomuai non uloilua sihav lol te ginau be sinombu rav vinihi hantainia, i vivora tasalana n̄an gaituvwa. Kea vi vwalaunia sibona gin mataisao, atat dodolua rav binihi marahinia. Vi laiḡoḡo dumwira be non tausala, i vi vagahi dumwi.

1 Timoti 3:7

Tomuai lol uloilua mulei mwa du be vi vora atatu be sinombu be ram hav togo te lol uloilua rai vinihi marahinia huribe rasav huriana tehe i nu hav sani tehe alun vidi non Setan.

1 Timoti 5:16

Haḡe be ihei vavin binihimwasigi, bwero alolon imwana, kea vi gitaḡoroe mau sibona. Mwa hav tu tehe be uloilua vi gitaḡoroe. Haḡe uloilua vi gitaḡoro dumwira be mwasin ira bwero.

1 Timoti 5:25

Haḡe kunia mulei rovoga tavuha nu maron̄ron̄o be vi gitan dumwi, take kera mulei be mwa hav gitana te dumwi rasav hili tehe.

1 Timoti 6:18

Goi vevea lalai sinombu rosoga be rav lol lalaḡov tavuha, be rav rosoga be rasav bugura tehe, i rav lol vatuvwai be rav hogohogo lalai atat dodolua.

2 Timoti 1:5

Nam binihi dum nom binihimwasigi garagusi be nu mwasigi. Binihimwasigi garagusi gea nu togo muana lol tuagamwa Lois i lol ratahimwa Iunis, i nam iloe be giḡo kadogaha gom do mai binihimwasigi gea.

2 Timoti 2:21

Kera be ram lolira sibora ram melmelo nin Setan, rav haḡoana huri raumatan hala. Kera rav sabuga, rai vora huri Ratahigi, rav lol dautau huri lalan̄an rovoga tavuha.

2 Timoti 3:15

La mahavana be giḡo naturigi gon ilo Avoan Sabuga kea be mwa domuainigo vai lol varahuva sivi binihimwasigi garagusi lol Kraes Jisas.

2 Timoti 3:17

Haḡo avoan sabuga, atatu be mwa lol rovoga lalai God vi lol dumwia, vi lai duluai hano be mwa doronia be vi lol rovoga tavuha duluai.

Taetas 2:14

Nu lin̄ia sibona huri gida be vi lol tavwe be vi ribwes gida nin ginau hantai duluai i be vi lol gida tai vora sinombu melmelo be tai vora bilana n̄an gahena. Sinombu be tagaro tam doron be tav lol lalaḡov tavuha.

Taetas 2:7

Lol hala duluai gov vora malele huri lalaḡov tavuha duluai. Batena be gom bagahi, gov vagahi gin vavtutu i binihi marahi.

Taetas 3:1

Vev serae lalai ira binihimwasigi be rav binihi marahi ira tomuai be ram haḡo roron̄o ira tomuai be ram muai ḡoro vanua, rav roron̄tainira rav lol vatuvwai be rav lalaḡoi tavuha,

Taetas 3:14

Nonda sinombu ran huhuinia be rav lai rahura huri lalaḡov tavuha be mwa lai havanau huri nora togoan tavuha be sihav hantai tehe.

Taetas 3:8

Silo vagahi geki mwasigi, i nam doronia be giv ilo tavuhainia huri be sinombu rav ilo tavuhai halan ginau kera geki. Vuvuri kera be ram binihimwasigi alun God rav gitaḡoro be rahura rav lalaḡoi ginau tavuha. Ginau kera geki ran tavuha i rav bului atatu duluai.

Hibru 10:24

Nu tavuha be tav binbinihi huri gida gaitutuvwai be tav bulubului gida be vi lol gida tav wasi be tav bului atatu i be tav lol alen̄ tavuha.

Hibru 13:2

Giv vinihi dum silo lai laiḡoḡo tausala la vanuamiu. I atatu rituai ram laiḡoḡo ira enjel vai la vanuara take ram hav iloe tehe.

Hibru 13:21

Nam dataro huri be God huri tamwata vi lol kimiu giv lol vatuvwai be giv ron̄oe, i be giv lalaḡo bavtutu vataha mahavana. Nam dataro be Jisas vi bului kimiu be nomiu lalaḡova vi vavtutu lalai God. Lalai Jisas Kraes roroai vai tuai vai tuai! Amen.

1 Pita 2:12

Ira len̄len̄aga ran masiri i ram dogo dalis kimiu i rav vev dumwia be kimiu gim lol ginau hantai. Giv togo lol togoana tavuha huribe rav gita ginau tavuha be gim lolia i vi lai roroai lalai God lol taro be Kraes vi mai mulei. Ron̄ maḡemu huri roron̄o non atatu duluai.

1 Pita 4:9

Giv havan̄ imwamiu lalai kimiu gaitutuvwai, i gisav ḡurutu tehe huria.

3 Jon 1:12

Atatu n̄oto ram bev ginau tavuha huri Demetrias, i mwasigi mwa dame huri hano be ram bevea kamai mulei gam bev tavuhainia i gim iloe be ginau be gam bevea kea mwasigi.