1 Timoti 4:16 - Hano Niu Testamen

¹⁶ Gov gitaḡoro tavuhai alen̄amwa, i avoana be gom do gom laia lalai sinombu. God gov lol silo vagahi be gom bevea. Be gov lolia kunia gov varahu dum muleinigo, maira be ram roron̄tainigo.

1 Timoti 4:16 ပူးပေါင်းရင်းမြစ်များ

Leo Tavuha gabe Mak nu Ravae 13:9

“Kimiu sibomiu giv gitaḡoro. Rav haḡo batugehi kimiu i rav lai kimiu vai lol imwan harahara. Rav wehi kimiu lol imwa tataro, i giv tu la lolmatara tomuai mai ira Ratahigi lavoa huriau, be gimen vev lua Roroi Tavuha lalainira.

Leo Tavuha gabe Luk nu Ravae 21:34

“Giv mamata ḡoro kimiu sibomiu! Gisav mahin̄a tehe be giv van lol ginaganian lalavoa tagaro i gisav mwin te maragai wai i gisav binbinihi tehe huri rahuana geki, bereva Gubwen̄imwa gim mai vilvilehi,

Lalaḡova 26:22

Take God mwa buluiau, i kunia nam du teti nam lai noḡu avoana lalai sinombu duluai, atatu kolo vaivotu atatu gaivua. I ginau gabe nam bevea kea n̄an haḡea be ira atatun vev sera mai Moses ran vevea be vi loli:

Lalaḡova 6:4

I kamai sibomai vataha gubwen̄i gav togo nan ba tataro i ba doretore.”

Ravrava non Pol lalai ata Rom 11:14

Nam binihia be nav lol noḡu atatu siboku rav binbinihi hantai, i hala geki vi bului be nav varahu dum tavalura.

Ravrava non Pol lalai ata Rom 16:17

Ira tuaku, nam hudali kimiu be giv gita ḡoro hurira be ram lol atatu be ramen vigaigai ginginira, i ram lol hantai binihimwasigi garagusi non atatu. Kera ram hae la mwasin silo vagahi gabe gin huhuinia, i giv togo dagai ninira.

Ravrava non Pol lalai ata Rom 2:7

Atatu rituai, be ram lol rahurahui ginau tavuha, rav togo huri lalaḡova non God, huri binihi marahi, i huri rahuana be nogonana sigai. God vi lai lalainira rahuana vai tuai.

1 Korin 1:21

Alolon mataisao non God ureure mwa hav ilo te God sivi non mataisao sibona. Haḡe kunia God mwa ḡita luae be vi varahu atatu n̄ano be ram binihihimwasigi toretore bwaḡelega be tam doretore aluna.

1 Korin 9:22

Lalainira be ram mandamanda, inau mulei nam bora kunira, huribe nav lai dum ira mandamanda. Nam mai gi ginau duluai lalai atatu n̄oto huribe nav lol dum rovoga lalainira la hala duluai be vi dumwi.

1 Korin 9:27

Nam lol vatuvwai rebehiku i nam lolia gi noḡu turi. Inau nam uloi atatu n̄oto huri rovoana geki. Bwatuna gea nas sav lin̄ te atatu vwate be vi rav luae nin rovoana geki.

Ifisas 4:14

I sihav n̄ava tehe gida tas hav mom bora te kun naturigi mulei. Tasav vora te kun waḡa be mwa halahala dadaligi navo mwa bohainia ban mwa mai. Sihav avte lumlum gida gin silo vagahi gara duluai gam ron̄oe non sinombu be ram lol ron̄oe be ramen saruruhi kamai. Ram dari halana i ram lol ron̄ hal saruruhi be men ruruhi sinombu vai alolon halan salana.

Kolosi 4:17

Vevea lalai Akibas, “Gov lol ron̄oe be gov nogoi rovoga gabe God nu laia lalainigo.”

1 Tesalonaeka 2:16

Ram lol ron̄oe be rav tuḡoro kamai nin silo vagahi lalai ira Lolobon̄i be ram lai varahuva. Ram lolia kungeki, ram buroga mwa liu tovtovona. Lolhoro non God mwa mai mwa botui nogonana lalainira!

1 Timoti 1:3

Nam hudalinigo be gov togo hen vain̄ava Ivisas kunia be nan vevea lalainigo amua batena be nan haroro Masedonia i giḡo goi vev wasi dumwia be sinombu rituai aia be rav mambui vagahi tentene.

1 Timoti 4:15

Mwa du be gov lol rovoga kera gea, i gov tau binihimwa duluai vi tu wasi alun ginau kera gea, huri be sinombu rav gitae be giḡo gom ban rahurahu tavuhai lol rahumwa i lol nom rovoga mulei.

1 Timoti 4:6

Be goi vev ginau kera geki lalai ira, tua goi vora atatun rovoga tavuha non Kraes Jisas. Avoana ata lol binihimwasigi garagusi vi loligo gov wasi lol binihimwasigi i silo vagahi tavuha be gov huria.

2 Timoti 2:10

Kunia inau nam dame gin maḡemu lol taro ririhai kera geki huria be kera be God nu gita luara rav lai dum varahuva gea be mwa du mai Kraes Jisas i mwa lai sarisari be sihav nogo tehe.

2 Timoti 3:14

Take giḡo mwa du be gov huri rahurahui silo vagahi be gon huhuinia. Gom iloe be kera silo vagahi mwasigi, bwatuna be gom butu alura be ran vagahigo.

2 Timoti 4:2

Inau nam hudalinigo be gov toretore huri Leo Tavuha. Lol vatuvwai vataha taro, i vevea lalai sinombu havanau be mwa du be rav lolia. Vevea lalainira lol taro be ram bahala. Av durara gin sine maḡemu gaivua, i silo vagahi vavtutu.

Taetas 1:9

Vi haḡo batugehi avoana be tanon butuana kea be tam bagahi ginia, tomuai vi bului sinombu gin mwasin silo vagahi i vi seserai dumwia lalainira be ram banburigai mwasin silo vagahi huri be kera ram bahala.

Taetas 2:15

Vev ginau kera geki i av dura sinombu i vev lua havanau be ran vahala lol rahura, vevea gin roron̄o. Gosav lin̄ te ihei be vi gitago kun be giḡo gom hav vora te atat binihi marahi.

Taetas 2:7

Lol hala duluai gov vora malele huri lalaḡov tavuha duluai. Batena be gom bagahi, gov vagahi gin vavtutu i binihi marahi.

Filimon 1:19

Inau, Pol, nam ravae kunia gin mwasin limaḡu. Nai vol muleinia, i nasav vevea te huri ginau vwate be gin lolia lalaiau huri rahumiu sibomiu.

Hibru 12:15

Giv gitaḡoro tavuhai kimiu be vwate nin kimiu sihav taleva tehe, be men van dagai nin hogoi non God. Gosav vora te kun bwatun vutu be mwa mauri i mwa mai gi gai garagara.

Hibru 13:9

Gisav huri te lalan̄an silo vagahi dodolua be mwa eno dagai nin hal vavtutu. Tav lai silo vagahi alun hogoi non God gabe mwa dabe gida, huria be vi lol wasi gida, take nu hav tavuha tehe be tav togo ba ḡita silo huri ginaganiana be vi lol gida tav wasi huria be ira hei gea be ram huri silo huri gina ganiana mwa hav buluira te n̄an haḡea.

Jemes 5:20

kea mwa barahu wani geki sihav mate tehe. Atat vavtutu geki mwa lol hal tavuha i mwa dugu kaburai vurona nin lalan̄an bwatigoro duluai.