1 Timoti 4:1 - Hano Niu Testamen

¹ Kadogaha Vui Sabuga mwa bevea mwa melmelo be vai ataguna atatu rituai rav van dagai nin nora binihimwasigi garagusi. Rav huri Vui be mwa dentene i mwa huri silo vagahi non atmate.

1 Timoti 4:1 ပူးပေါင်းရင်းမြစ်များ

Matiu 18:7

Hahagavi maragai huri ureure, bwatuna kalkaliana abena mwa lol atatu nora binihimwasigi garagusi ram hovi! Kalkaliana kunia vi loli tagaro take hahagavi lalai wani gabe mwa lol atatu ram daturai!

Leo Tavuha gabe Luk nu Ravae 17:1

Haḡe Jisas mwa bevea lalai non roron̄tai be, “Ginau gabe ram lol atatu ram buroga mwa du mahaḡea be rav loli, take vi hantai lalai wani gabe mwa lol ute kera uhu ram loli!

Leo Tavuha gabe Jon nu Ravae 16:13

Mahavana be Vui vi mai, vi lol bisirai mwasigi huri God i kea vi tomuai kimiu vai lol mwasigi duluai. Kea sihav avo te alun non roron̄o sibona, take vi avo alun ginau gabe nu ron̄oe i vi vev ginau lalai kimiu gabe rav mai radu.

Lalaḡova 13:2

Mahavana be ram lol rovoga lalai Ratahigi i ram ḡaragaravwavwa, Vui Sabuga mwa bevea lalainira be, “Nam doron be giv tari Banabas mai Sol, huri rovoga be nan uloinira huria.”

Lalaḡova 17:18

Haḡe ata Kris rituai ram dogo gabe ran mataisaoga maragai la halan alen̄an nora avoana. I kera n̄an radu gea ram dogo ram biavo avo maia. Kera rituai ram bevea be, “Wani gea mwa siv lai avoana gea n̄an bonogai kunia. Mwa do mwa bev hano gea?” I atatu mulei rituai ram bevea be, “Kamai gam ron̄oe be kea mwa do mwa avo huri ira tagaro ata lol ute dodolua.” Ram do ram avo bwatuna be Pol mwa do mwa bev seserai Jisas i mwa bevea be God mwa lolia mwa rahu mulei atagun mateanana.

Lalaḡova 20:23

Nam iloe n̄ano be lol bwatutun vanua duluai, Vui Sabuga mwa lol bisirainia lalaiau be nav togo lol imwa vauvauhi i nav ron̄ ḡagarasi.

Lalaḡova 21:11

Kea mwa mai abemai, mwa lai gaon Pol, mwa bauhi saraḡo limana i bwalagena ginia, mwa bevea be, “Geki haḡea ginau gabe Vui Sabuga mwa bevea be: Wani be gaona geki vi vauhiana la hala geki gin kamai ira Jius la vanua Jerusalem, i rav lin̄ia vai lol liman ira Lolobon̄i.”

Lalaḡova 28:25

Haḡe kunia ram bano, take ram hav dara tehe alun nora binihiva sibora ataguna be Pol mwa avo huri ginau gaituvwa geki: Pol mwa bevea be “Nu vavtutu mahaḡea be Vui Sabuga nu avo sivi atatun vevsera Aesaia lalainira ira sibimiu!

1 Korin 10:20

Sigai! Take nam bevea be hano be mwa laiana lalai nun vatu kea mwa bano lalai ira atmate, vorate lalai God. I nam hav doron tehe be giv hara ginau vwate mai ira atmate.

1 Korin 11:19

(Si tavuha be gis haḡo alen̄ lealea alolomiu huribe vi melmelo be ihei haḡea mwa lol doroniva non God.)

1 Korin 12:11

Vui Sabuga n̄an mahaḡea mwa horae be vi lai hano lalai vatvataha atatu.

1 Korin 2:10

Take God mwa baseserai ginau geki sivi Vui Sabuga. Vui Sabuga mwa seserai lua ginau kera geki, vaivotu be ginau dahuligi non God.

2 Korin 11:3

Take nam matagu be binihimiu rav sala dagai nin halamiu mwasigi i hal melmelo be gim huri Kraes kunia be teltele nu ruruhi Iv mai non hal hahantai.

Kolosi 2:18

Gosav lin̄ te atatu vwate be vi vevegigo huribe atatu keragea ram binihi sagera huri kera ira mataigigila i ram ḡogonai ira enjel. Bwatbwatun nora binihiva sigai i ram ravravwega huribe binihin atatu n̄ano.

2 Timoti 3:13

Take sinombu be ram hantai i ram ruruhi rituai rav tau bwatuna rav hantai i rav hantai liu. Rav ruruhi rituai, take mulei rav ruruhira sibora.

2 Timoti 4:4

Rasav mom doron tehe be rav roron̄tai huri mwasigi i rav tau bwatuna ba huri silo vagahi tentene.

Jemes 3:15

Lalan̄an mataisao kun geki mwa hav mai te nin amare. Take nin ureure, kea nu hav vorate non vui, kea mwa mai nin atmate.

1 Pita 1:20

Kraes nu gita luana amua mwa siv tau ureure, take kea nu vagahiana lalai ureure lol nogonan taro geki huri kimiu.

2 Pita 2:1

Tuai nu vora atatun vev sera dentene lol sinombu non God, kunia n̄an be kimiu ira vagahi tentene rituai abena lol nomiu tatan̄ana. Kera rav hili ba bagahi ginau be ran hav vavtutu tehe---vagahi be rav lol atatu rav sala. Kera mulei rav varihai didi lai Ratahigi Jisas, Be nu vol mulei nora togoan mwaribwesi. Kera rav lol hantai vilvilehi nira sibora.

2 Pita 3:3

Nu tavuha maragai huri kimiu be giv ilo tavuhai havanau be vi loli lol ira nogonan gubwen̄i. Atatu rav manuhi kimiu. Kera rav rahu ba lol ira bwatigoro kun be ram doroni.

1 Jon 2:18

Ira nituku, mwa abena be ureure men nogo. Gim iloe be ivwalu Kraes men mai kadogaha, ira ivwalu non Kraes ran mai huba. Bwatuna haḡea tam iloe be nogonan ureure mwa abena.

1 Jon 4:6

Gida ira atatu God, i irahei duluai gabe ram ilo God, rav tai bwero huri gida. Take sinombu be ram hav ilo te God, rasav taibwero te dum huri gida. Haḡe bwatuna gea tav gigilai dum Vui be mwa dentene.

Ravrava nin Jud 1:18

Ran vevea lalainigo be, “La nogonan taro, vi vora atatu be ram manuhi God, ram huri nora doroniva sibora be nu vahala la silo non God.”

Ravrava nin Jud 1:4

Atatu len̄len̄aga rituai ran haroro dahuligi vai lol nom tatan̄ana, kera ran avo vai alun God i ran leahi silo vagahin hogoi non nonda God be ram lol dum ginau hahantai, ram barihai didi lai Jisas Kraes vai alolora, nonda Ratahigi i God. Take tuai avoan sabuga mwa bevea be atat len̄len̄aga keragea rav lai silo vevegi.

Visirai 13:14

Haḡe mwa ruruhi sinombu duluai be mwa dogo lol ureure, ginia be God mwa mahin̄ainia mwa lol ginau dan̄an̄a i tagaro la lolmatan muan ginau rahu gea. I kea mwa bevea lalainira be rav tai nunu vwate gabe nunun muan ginau rahu gabe ran saria gin buan bwaloana take mwa rahu mwa dogo radu, be kera rav gogonainia.

Visirai 16:14

Kera haḡea ira vui son̄son̄o gabe ram lol lalan̄an ginau dan̄an̄a. Ira vui gaitolu kera geki ram mwalue vai lol ureure huri ira ratahigi lavoa ata lol ureure, be rav laira vai ute gaituvwa huri bwaloana la gubwen̄in tomareana non Ratahigi God mwasin Roron̄o.

Visirai 18:2

Enjel mwa bato amare mwa bevea be, “Hovita! Babilon muramura nu hovi i kadogaha vanuan ira vui hantai. Kea lulun ira vui ginau rahu bibili hantai i mai ira manu bibili duluai, i mai ira ginau rahu bibili varihaiana duluai.

Visirai 18:23

Here sihav mom ḡigita te mulei halabehe lol vanua Babilon, i ira atat rasav mom bev te mulei tatauleon lagiana. Kera duluai be non atatun salsalei i volvoligi lol ureure, i gin non muramura hahantai kea mwa saruruhi varan sinombu duluai.”

Visirai 19:20

Take ginau rahu gea ram laia gi atat vauvauhi bul mai atatun vevsera tentene. (Geki atatun vevsera n̄an haḡe gea be nu lol ira ginau dan̄an̄a la ihan ginau rahu, huria be kea vi vataltale kera dolua be dovon̄a non ginau rahu mwa en alura, i ram ḡogonai nunu vatu.) Mwa bohai rahui ginau rahu mai atatun vevsera tentene vai ata lol numbun wain gabi tabwalue mai salva.

Visirai 2:11

Atatu be bwerona abena na roron̄tai tavuhai avoana duluai be Vui Sabuga mwa bevea lalai uloilua duluai!” “Ira hei gabe ram muramuraga lol nora garogaroana, lol taro be mateana vi mai varuana sihav wehi te dumwia.”

Visirai 2:17

“Atatu be bwerona abena, na roron̄tai tavuhai huri havanau gabe Vui mwa bevea lalai uloilua duluai!” “Lalainira gabe ran muramuraga lol bwaloana, nav lai ginaganiana mwa du dahuligi be mana. Nav lai vatu maita lalainira batvatahara mulei gabe iha gara mwa ravana aluna be atatu vwate mwa hav iloe tehe vaivotu be atatu n̄an gabe mwa laia lalainia.”

Visirai 2:29

Atatu gabe bwerona abena na roron̄tai tavuhai huri havanau gabe Vui mwa bevea lalai uloilua duluai.”

Visirai 2:7

“Atatu be bwerona abena na roron̄tai tavuhai avoana duluai be Vui Sabuga mwa bevea lalai uloilua duluai. I lalainira be ran muramuraga lol bwaloana, nav lai mahin̄ana lalainira be rav gan vwaigain rahuana be mwa mauri alolon ute loloara bilan God.”

Visirai 20:10

Haḡe atmate be mwa ruruhira vi vohai kaburainia vai lol numbun wain gabi tabwalue mai salva. I Kea vi togo aia maira ginau rahu turu i ira atatun vevsera tentene, i rav ron̄ḡagarasi bon̄i i rani mosmosianana sigai.

Visirai 20:8

Kea vi vano lol ute duluai be men ruruhi varan sinombu duluai ata lol ureure i non Kok mai Makok, i vi hara ḡoḡo sinombu duluai ata lol ureure be rav bwalo mai atatu non God, i non sinombu gea rav ivusi kun one huri tahi.

Visirai 3:13

“Be bweromiu abena, giv roron̄tai huri havanau gabe Vui mwa bevea lalai ira uloilua!”

Visirai 3:22

“Be bweromiu abena, giv roron̄tai huri havanau gabe Vui mwa bevea lalai ira uloilua!”

Visirai 3:6

“Be bweromiu abena, giv roron̄tai huri havanau gabe, Vui mwa bevea lalai ira uloilua!”

Visirai 9:20

I sinombu duluai maira duluai gabe nu hav wehira tehe huri harova geki, ram hav van te burigai nin vahalana gabe kera sibora ran lolia. I kera ram ḡogonai radui vui son̄son̄o, sage nun vatan̄oga mai vatlegiga, i vatmerameraga, vatu i gai gabe ram hav lago te dumwi, sage roron̄tai, sage ram hav gita te dum ute.