1 Timoti 3:7 - Hano Niu Testamen

⁷ Tomuai lol uloilua mulei mwa du be vi vora atatu be sinombu be ram hav togo te lol uloilua rai vinihi marahinia huribe rasav huriana tehe i nu hav sani tehe alun vidi non Setan.

1 Timoti 3:7 ပူးပေါင်းရင်းမြစ်များ

Leo Tavuha gabe Mak nu Ravae 4:11

Haḡe mwa avkarira be, “Mwa hogoi lalai kimiu be gimen ilo ginau ririhai huri rahuan gara gabe God mwa Ratahigi alolona. Take lalainira ata avare ram ron̄ ginau duluai gin avoan dalogai,

Lalaḡova 10:22

Haḡe ram bwaliua ram bevea be, “Tomuai Konilias mwa hora kamai. Kea mwasin atat tavuha mwa ḡogonai God i ira Jius ram binihi marahi maragainia. Enjel non God nu vevea lalainia be vi warego vai la imwana, huribe vi ron̄ hano be mwa du be goi vevea.”

Lalaḡova 22:12

“Lol bwatutun vanua gea atatu vwate ihana Ananias, gabe mwa binihimwasigi God maragai i mwa dabe nonda Silo, i ira Jius be ram dogo aia ram binihi marahinia.

Lalaḡova 6:3

Mwa du be giv gita lua atatu gaibitu alolomiu be ran masiri gin Vui sabuga i mataisao, vuvuri tav tarira huri ginau geki.

1 Korin 10:32

Gosav lol te ginau be vi lol atat dolua vi ron̄ mwahantai, vara ira Jius, sage ira Lolobon̄i, sage uloilua non God.

1 Korin 5:12

Nu hav vora te noḡu be namen vevegi atatu kera gabe ram hav vora te ata lol uloilua. God vi vevegira. Take gov vevegi dum atatu be gim dogo utegaituvwa. Ravrava sabuga mwa bevea be, “Mwa du be gov tau dagai atat vuroga be ram dogo maigo lol tatan̄ana.”

2 Korin 6:3

Gam hav doron tehe be ihei vi habwe vahalana lol nomai rovoga, be havanau be gam lolia vi mai gi taro ririhai lalai ihei tehe.

2 Korin 8:21

Gam lol rovoga hahavwani be gav lol havanau be Ratahigi vi dameinia kun be nu vavtutu kunia.

Kolosi 4:5

Giv mataisaoga lol alen̄amiu mai kera be ram hav binihimwasigi tehe, giv lol nomiu mwasigi duluai.

1 Tesalonaeka 4:12

Be giv lolia, kunia sinombu be ram hav binihi te mwasigi rav binihi marahi kimiu, i kimiu gisav butu tehe alun atat dodolua huri havanau be gim doronia.

1 Tesalonaeka 5:22

i giv to dagai nin ginau duluai be ram hav tavuha tehe.

1 Timoti 3:6

Take tomuai huri uloilua vi vora atat metuaga sihav vora te malaḡel vuroi lol binihimwasigi garagusi sage kea mwa hav binihi te sagea sibona huribe kea sihav hovi tehe lol gaosani non atmate.

1 Timoti 5:14

Haḡe nam doronia be ira bwero bweihe rav lagi, rav bav naturirigi, i rav gitaḡoro imwara sibora. Kunia ivwalu halan nora vi sigai be rav av vai alura.

1 Timoti 6:9

Kera be ram doron be rai mai gi atat rosoga ran lai ḡoḡo kalkaliana vai alura sibora i ram saḡa alun visi. Ram doron doroniv taltale ivusi be rav lol hantai ginau be ram lol bwarebwarea, i ram lol kaburai sinombu.

2 Timoti 2:26

I rav mamata rav romaragai nin Vidi non Setan, be mwa haḡo dumwira be rav lol hano be mwa doronia.

Taetas 2:5

be rai mataisaoga i rav melmelo, be rai vora vavinen rovoga tavuha alolon imwara, be rav haḡo alen̄ laiḡoḡo i rav binihi marahi ahoara. Kunia ihei sihav avte dumwi vai alun silo vagahi non God be nu laia lalai gida.

Taetas 2:8

Goi vev mwasigi huri be rasav av te vai alumwa. Vuvuri kera be ram hun̄ainigo rav busbusi bwatuna be ginau hantai sigai be rai vev dumwia vai aluda.

3 Jon 1:12

Atatu n̄oto ram bev ginau tavuha huri Demetrias, i mwasigi mwa dame huri hano be ram bevea kamai mulei gam bev tavuhainia i gim iloe be ginau be gam bevea kea mwasigi.