1 Timoti 3:16 - Hano Niu Testamen

¹⁶ Tanon binihiv gairuruai sigai, rahuda dahuligi huri gogonai gaivua maragai: Kea nu seserainia lalai gida lol rebehin atatu, nu dovon̄ainia be nu vavtutu lol Vui, i nu gitana gin ira enjel. Kea nu toretore lalainira be ram hav vora te ira varan Israel, binihimwasigi lol ureure, i God mwa lai luau vai amare lol sarisari.

1 Timoti 3:16 ပူးပေါင်းရင်းမြစ်များ

Matiu 1:23

“Daulato vwate be mwa hav ilo te atamwani radu, vi ros atatu. Vi haḡo nituna atamwani i rav huri ihana gi Emanuel.” Iha gea Emanuel binihiva be “God mwa dogo mai gida.”

Matiu 13:11

Haḡe kea mwa avkorora be, “Mwa hogoi lalai kimiu be gimen ilo ginau ririhai huri Ute Lavoa atamare, take mwa hav hogoi tehe lalainira.

Matiu 28:2

Haḡe gita, mwa sogai gaivua maragai, bwatuna be enjel non God Ratahigi mwa himai nin ute atamare, mwa datui dagai vatu nin bwan̄on malan̄a i mwa do mahuri aluna.

Matiu 3:16

La mahavana be Jisas mwa ḡaruhisabuga vuvuri, mwa mwalue nin wai, i mwa ḡita ute atamare mwa mahavan̄i lalainia i Vui non God mwa hiv aluna kun manbona.

Matiu 4:11

Haḡe Vui hantai mwa siv derainia, haḡe ira enjel ram mai ram ḡitaḡoro Jisas.

Leo Tavuha gabe Mak nu Ravae 1:13

mwa dogo aia huri gubwen̄ n̄avul gaivasi i Setan mwa lol ron̄oe. Ginau rahu turu ivusi aia mulei, take ira enjel non God ram durae.

Leo Tavuha gabe Mak nu Ravae 16:19

Haḡe ataguna be Jisas nu avo vuvuri maira, kea mwa hae mulei vai amare mwa dogo la mwatuan God.

Leo Tavuha gabe Mak nu Ravae 16:5

I ramuru haroro lol malan̄a, ramuru ḡita mwalaḡelo vwate mwa dogo la mwatuan malan̄a nu saga gaisaga maita ramuru dan̄an̄a maragai.

Leo Tavuha gabe Luk nu Ravae 2:32

Naturigi gea kea gigita be vi lol bisirai nom hala lalainira len̄len̄aga, i roroa be vi lol roroai nom sinombu Israel.”

Leo Tavuha gabe Luk nu Ravae 20:44

Deved nu uloinia be ‘Ratahigi.’ Be kunia Kraes vi vora ata la varan Deved kunhanigi?”

Leo Tavuha gabe Luk nu Ravae 22:43

Haḡe enjel atamare mwa bisirai abena i mwa dura wasinia.

Leo Tavuha gabe Luk nu Ravae 24:4

Ha kera ram du aia ram hav lai te dum binihiva huri ginau geki, haḡe darihou n̄an atatu gairua gaisagara ran abwaga ramuru du abera.

Leo Tavuha gabe Luk nu Ravae 24:51

I batena be mwa batavuhainira, kea mwa ban dagai nin lolmatara i mwa lai muleinia vai amare.

Leo Tavuha gabe Jon nu Ravae 1:14

Haḡe Avoana mwa bora atatu, mwa masiri gin hogoi i mwasigi, i mwa dogo mai gida. Tam ḡita sarisarina, sarisari gabe nu laia kun gabe Nitun vora gaituvwa non Tamana.

Leo Tavuha gabe Jon nu Ravae 13:3

Jisas nu iloe be Tata nu lai muramura duluai lalainia; nu iloe be kea nu mai nin God i vi vano vai aben God.

Leo Tavuha gabe Jon nu Ravae 15:26

“Taro vi mai gabe Vui vi lol bisirai mwasigi huri God i kea mwa mai nin Tata. Nav horae huri kimiu nin Tata, i kea vi avo huriau.

Leo Tavuha gabe Jon nu Ravae 16:28

Inau nam mai nin Tata, i nan mai vai lol ureure; i kadogaha nav lin̄ ureure ba ban mulei vai aben Tata.”

Leo Tavuha gabe Jon nu Ravae 17:5

Tata! Gov lol roroaiau kadogaha la lol matamwa, huri be nav roroa, nav roroa kun gabe nan togo maigo la bwativuna.”

Leo Tavuha gabe Jon nu Ravae 20:12

i mwa ḡita enjel gairua ramuru sagasagai gaisaga maita, ramuru dogo lol ute be rebehin Jisas nu en aia, vwate la bwatuna i vwate la bwalagena.

Leo Tavuha gabe Jon nu Ravae 6:62

Kunhanigi be gis gitau inau Nitun Atatu be nas hae mulei vai lol ute gabe nan togo aia amua?

Lalaḡova 1:19

Haḡe sinombu duluai Jerusalem ran ron̄oe, haḡe la mwasin nora avoana ram uloi ute gea be Akeldama, gin binihiva be, “Tanon Daga.”)

Lalaḡova 10:34

Haḡe Pita mwa bavora mwa avo mwa bevea be, “Inau nam binihimwasigi be God mwa domuai atatu duluai la hala n̄an gaituvwa.

Lalaḡova 14:27

Haḡe mahavana be ramuru botu Antiok, ramuru hara ḡoḡo sinombun uloilua duluai ute gaituvwa, i ramuru bevea lalainira huri ginau duluai gabe God nu lolia bul maira, i kun hanigi kea nu havan̄ hala huri ira Lolobon̄i be rav binihimwasigi.

Lalaḡova 20:28

Giv gita ḡoro kimiu sibomiu, i giv gita ḡorora gabe Vui Sabuga nu taura la limamiu. Kimiu giv vora radaiḡoro huri uloilua non God, gabe kea nu lolia huria sibona sivi mateanan Nituna.

Ravrava non Pol lalai ata Rom 10:18

Ta nam hudaligi be: Atatu ram hav ron̄ te Roroi Tavuha? Uwe, ram ron̄oe kunia be ravrava sabuga mwa bevea be: “Nora roroi mwa bano vataha ureure duluai; nora avoana mwa lon̄ahi ureure duluai.”

Ravrava non Pol lalai ata Rom 16:25

Tav uloi roroai ihan God gabe vi lol dumwigo gov wasi lol binihimwasigi garagusi gin Roroi Tavuha gabe nu vevea lalai atatu i huri roroi huri Jisas Kraes. Roroi huri Kraes kea ginau hili gabe mwa dahuliana huri taul ivusi huba ta kadogaha mwa loliana mwa iloana.

Ravrava non Pol lalai ata Rom 16:26

Nu loliana mwa melmelo sivi ravrava nin ira atatun vevsera. I hurin avoan wasi non God, be mwa dogo vai tuai mwa loliana lalai ureure duluai huribe kera rav binihimwasigi i rav gogonainia.

Ravrava non Pol lalai ata Rom 3:4

Sigai! God vi garoinia vi vev mwasigi vi vut be sinombu duluai rav tentene. Kunia be ravrava sabuga mwa bevea be: “Giḡo gov maserasera huri mwasigi lol taro be ram bevegigo, tagaro giḡo gom haravira.”

Ravrava non Pol lalai ata Rom 8:3

Silo gea roron̄ona sigai, huribe silo gea mwa loliana mwa mamara gin vuroda siboda. Ta God mwa lol hano gabe silo si hav lol te dumwia. Nu hora nituna vai lol ureure mai rahuana n̄ano kun gida, ke atatu rituai ram lol rahu gi tanon vuro. Mwa hora nituna kun gabe tataroi tuntun be men vol vuroda, God mwa lol rahun atatu be men lol kaburai vuro.

Ravrava non Pol lalai ata Rom 9:5

Kera haḡea varan ira sibida, i kera mulei ran togo lol taron Kraes be nu vora, kea be God ḡoro gida sinombu duluai, tav uloi roroainia vai tuai i tuai! Amen.

1 Korin 15:47

Muan Adam nu mai nin taniavu ata lol ureure. Gairuan Adam mwa mai nin amare.

1 Korin 2:7

Nam avo gin mataisao dahuligi non God gabe mwa du dahuligi radu, take kea nu gita luae huri nonda lol roroai amua mwa siv tau ureure.

2 Korin 1:19

Nitun God, Jisas Kraes, kea be Sailas i Timoti i inau nan toretore lalai kimiu nu hav vora te uwe i sigai. Lol Kraes kea uwe n̄ano.

Kelesia 2:8

God nu lai lalaiau muramura be vi lol rovoga kun gabe hala huri ira Lolobon̄i, kunia be nu lol Pita gi hala lalai ira Jius.

Kelesia 4:4

Take lol taro be taro vavtutu mwa mai, God nu hora nituna, be nu vora nin vavine i nu togo halaten silo.

Ifisas 1:9

tav ilo bwatuna be mwa lol taritari dahuligi. Geki havanau be God nu doronia, i nu tari halana be vi lolia sivi Kraes.

Ifisas 6:19

Giv tataro huriau be nav avo, be God vi hogoi avoana be nav vev dum ute hili huri Roroi Tavuha be mataguana sigai.

Kolosi 1:23

Geki vi loli be gov tu rahurahu wasigi i gov ilo didinigi lol non binihimwasigi. Gosav tagara te dagai nin doronhohov be nu laiana lalainigo sivi Roroi Tavuha. Inau Pol, atatun rovoga be nam bului lol toretoreanan Roroi Tavuha gea, Roroi Tavuha gea be atatu n̄oto lol ureure ram ron̄oe.

Kolosi 1:27

Taritari non God be vi lol non sinombu rav ilo huri non roso sabuga i ginau dahuligi mutai be mwa haḡoe huri sinombu duluai. Ginau mutai dahuligi gea kea Kraes be mwa dogo alolomwa, doronhohov huri sarisari.

Kolosi 1:6

Lol ute duluai lol ureure, Roroi Tavuha gea mwa lon̄ahi ute n̄oto lol ureure. Roroi Tavuha geki mwa lai vatavuha vataha ute lol ureure, kun vatavuha be nu mai alumwa lol muan gubwen̄i be gon ron̄oe huri hogoi non God. Kadogaha gom iloe ginau n̄oto i mwasigi huri hogoi non God.

Kolosi 2:2

Nam doronia be rav muramuraga i rav bul gaituvwa lol lolotabetabe be rav rosoga lol nora iloilo. La hala n̄an gea ram ilo ute rosoga dahuligi non God, kea Kraes sibona.

2 Tesalonaeka 1:10

Geki vi loli lol gubwen̄i be God ratahigi vi mai i atatu be non atatu rav uloi roroainia. I sinombu duluai be ram binhimwasigi rav dan̄an̄a gin Jisas. Giḡo gov togo lol tatan̄ana gea bwatuna be gom binihimwasigi havanau be gam bevea lalainigo.

2 Tesalonaeka 2:7

Muramura dahuligi non atat vuroga mwa lol rovoga huba lol ureure, take atatu vwate mwa duḡoro muramura gea. I kea vi tuḡoro rahurahuinia vaivotu be vi laian lua nin hala.

1 Timoti 3:9

Mai binihiv melmelo mwa du be rav huri hal dahuligi alun binihimwasigi garagusi kea be God nu lolia tam iloe.

Hibru 1:3

I Nitun God mwa haḡo mwasin roron̄o non God i sarisarina duluai, i kea nu ḡun God la hala duluai. Kea mwa haḡo bul ureure duluai, gin non avoan muramura. Ataguna be Nituna mwa dugu kaburai vuroda duluai, kea mwa domahuri la mwatuan roron̄o non God lol ute ata amare.

Hibru 12:2

Matada vi tutu alun Jisas vataha mahavana, huria be alen̄an nonda binihimwasigi garagusi nu mwalue n̄an ninia, i nu bwativuga la vavorana vai votui nogonana. Mahavana be nu hae be men mate la volovolo, nu hav derai te dagai hala gea. Nu gita batoia, be kea vi ron̄ mwa davuha nu hav mom binihia tehe be non duleana la volovolo gea vain busbusiana lalainia, kea nu samsamwara n̄ano. I kadogaha, kea mwa dogo lol ute ata amare la mwatuan Tanon togotogon Ratahigi God.

Hibru 7:7

Kadogaha mwa melmelo tavuhai be atatu be mwa batavuhaiau, atatu gabe ihana nu lavoa vi vatavuhai atatu be mwa dogo gin alen̄a hivhivo.

Hibru 8:1

Geki haḡea kun be muana huri bwativun nomai avoana duluai. Nonda muai tataroi gaituvwa, be nu vavtutu kun gabe kamai gam bevea. Kea mwa dogo lol ute atamare huba, i mwa dogo la mwatuan God gabe muramura duluai nona.

1 Pita 1:12

God nu seserainia lalainira be nora rovoga nu hav vorate hurira Sibora take huri kimiu, lol taro be nu veveana na ira mwasigi be gim ron̄oe kadogaha. Kera be ram doretore huri Roroi Tavuha lalai kimiu ran vev ginau kerageki mai buluiana non Vui Sabuga gabe nu horana nin ute atamare ginau alolona gabe ira enjel ram doronia be rav gitae.

1 Pita 1:20

Kraes nu gita luana amua mwa siv tau ureure, take kea nu vagahiana lalai ureure lol nogonan taro geki huri kimiu.

1 Pita 1:21

Sivi Kraes gim binihimwasigi God, gabe nu tomarei Kraes nin mateana i nu lai lalainia ute Sarisari. Nomiu binihimwasigi garagusi i nomiu doronhohov mwa do alolon God.

1 Pita 3:18

Kraes sibona nu ron̄ ḡagarasi huri Vuro vatuvwa n̄an huri sinombu duluai. Kea nu hav matagu tehe be vi lai kimiu vai aben God. Rebehina nu wehiana, take kea nu rahu alolon vui.

1 Pita 3:22

Kadogaha Jisas nu vano vai lol ute atamare i mwa dogo la mwatuan God i mwa ḡitaḡoro ira enjel, ira roron̄o i ira muramura.

1 Jon 1:2

Kea gabe nu lai rahuana nu visirai! I kadogaha gam bevea rahuan gara gabe nu togo mai Tata i mwa bisirai lalai gida.

1 Jon 3:5

Gim iloe be Kraes nu mai be vi lai dagai vuron sinombu. I vuro vwate sigai aluna.

1 Jon 3:8

Atatu gabe ram buroga ḡaoḡao, kera nitun setan. Setan nu vuroga la bwativuna, take Nitun God nu mai be men lol kaburai Lalagova non setan.

Visirai 17:5

Iha vwate nu ravana la bwatuna binihivanana mwa hili, i mwa bevea be: “Inau bwatutun vanua Babilon, ratahin bwatigoro duluai mai ginau hantai ata lol ureure.”

Visirai 17:7

i enjel mwa bevea be: “Hurihano gom dan̄an̄a maragai? Nai vev melmeloinia huri halana be mwa du dahuligi huri vavine geki i huri ginau rahu be kea mwa dogo aluna mai bwatuna gaibitu i mauana han̄vulu.

Visirai 7:9

Atagun ginau geki nam ḡarere i nam ḡita dum tatan̄an sinombu be atatu vwate sihav vului te dum sinombu duluai! Kera nin vataha lalan̄an atatu be gulira dodolua, i vanua i varan sinombu, i avoana, i ram du la lolmatan tanon togotogon ratahigi mai nitui sipsip, ram sagasagai gaisaga maita, i rauniuniu la limara.