1 Timoti 2:6 - Hano Niu Testamen

⁶ Nu mahin̄ainia sibona be vi vora varahun sinombu. Geki mwa lol ḡigilainia la mwasin tarona be God mwa doron atatu duluai be rav rahu.

1 Timoti 2:6 ပူးပေါင်းရင်းမြစ်များ

Matiu 20:28

Kun inau, Nitun Atatu, nam hav mai tehe be ramen lol noḡu rovoga. Take nam mai be namen lol nora rovoga, i nam lin̄ rahuku be men vol rahun atatu ivusi.”

Leo Tavuha gabe Mak nu Ravae 1:15

Mwa bevea be, “Mwasin mahavana nu votu huba i Rahuan gara gabe God mwa Ratahigi ḡoro non sinombu alolona mwa sosori! Giv van burigai nin vuromiu ba binihimwasigi Roroi Tavuha!”

Leo Tavuha gabe Mak nu Ravae 10:45

Kunia n̄an be inau Nitun Atatu nan hav mai tehe be atatu ramen lol rovoga lalaiau; take nan mai be nav lol rovoga lalainira, i nam lin̄ rahuku be men vol rahun atatu ivusi.”

Leo Tavuha gabe Jon nu Ravae 6:51

Inau haḡea bereti rahu gabe mwa himai nin lol ute atamare. Be ihei tehe be mwa ḡan bereti geki kea vi rahu vai tuai. Bereti gabe nav laia lalainia gabe vigohoku, gabe nam laia be ureure vi rahu ginia.”

Ravrava non Pol lalai ata Rom 16:26

Nu loliana mwa melmelo sivi ravrava nin ira atatun vevsera. I hurin avoan wasi non God, be mwa dogo vai tuai mwa loliana lalai ureure duluai huribe kera rav binihimwasigi i rav gogonainia.

Ravrava non Pol lalai ata Rom 5:6

Lol taro gea be nonda muramura sigai radu be tamen mai gi atat vavtutu la lolmatan God, lol mahavan taro be God nu tovoe, Kraes nu mate be vi varahu atat vuroga.

1 Korin 1:6

Roroi Tavuha huri Ratahigi Jisas Kraes kea mwa mai gi ginau wasi huba alolomiu.

2 Korin 5:21

Kraes kea non bwatigoro sigai, take God nu lolia mwa mai kun be atat bwatigoro huribe sivi Kraes tav mai bavtutu dum mulei mai God.

Kelesia 1:4

Jisas mwa laia sibona huri vuroda be men lai lua gida nin ureure vuroga geki be tam dogo alolona, kunia be God tamanda nu lol vatuvwainia.

Kelesia 4:4

Take lol taro be taro vavtutu mwa mai, God nu hora nituna, be nu vora nin vavine i nu togo halaten silo.

Ifisas 1:17

nam hudali God non nonda Ratahigi Jisas Kraes, Tata be nu roroa liu be vi lai vuin mataisao i visirai lalai kimiu huri be giv ilo tavuhainia.

Ifisas 1:7

Kraes gida tam maribwesi gin dagan mateanana, i bwatuna gea gida tam lai tugu kaburai vuroda. Hogoi non God nu rosoga maragai,

Ifisas 3:5

Sinombu be ran togo lol taro dolua nu hav vev te ginau dahuligi gea lalainira. Take kadogaha, sivi Vui, God nu seserai ginau dahuligi gea lalai non ira hala sabuga mai ira atatun vevsera.

Ifisas 5:2

Gov togo lol rahuana lolotabetabe kunia gabe Kraes nu tabe gida i nu lin̄ia sibona huri gida kun gabe hogoi bonboni i tataroi lalai God.

2 Tesalonaeka 1:10

Geki vi loli lol gubwen̄i be God ratahigi vi mai i atatu be non atatu rav uloi roroainia. I sinombu duluai be ram binhimwasigi rav dan̄an̄a gin Jisas. Giḡo gov togo lol tatan̄ana gea bwatuna be gom binihimwasigi havanau be gam bevea lalainigo.

1 Timoti 6:15

God vi lolia vi loli lol mwasin tarona. Kea n̄ano gaituvwa God gabe nu sabuga. Kea Ratahigi alun Ratahigi i Ratahigi lavoa alun ira Ratahigi lavoa.

2 Timoti 1:8

Haḡe gosav busbusi tehe be gov vevea lalai sinombu huri nonda Ratahigi Jisas, i gosav busbusi tehe giniau, be nam do lol imwa vauvauhi huri Kraes. Take gov ron̄ ḡagarasi maiau huri Leo Tavuha. God, kea be mwa lai muramura lalai gida be tav lolia kunia.

Taetas 1:3

La mwasin tarona be nu vavtutu, God mwa lin̄ ureure be vi iloe huri rahuana gea sivi toretore. Nu tau rovoga gea aluku i nan toretore gin avoan ḡaragara non God varahuda.

Taetas 2:14

Nu lin̄ia sibona huri gida be vi lol tavwe be vi ribwes gida nin ginau hantai duluai i be vi lol gida tai vora sinombu melmelo be tai vora bilana n̄an gahena. Sinombu be tagaro tam doron be tav lol lalaḡov tavuha.

Hibru 9:12

Kraes nu haroro huba lol vwavwana be Ute Sabuga Liu take nu hav lai te dagan buluki i nani. Take nu lai dagana sibona i nu lai varahuva be mosmosianana nu sigai.

1 Pita 2:24

Kraes nu tatal vuroda alolon rebehina la volovolo i gida mwa du be tas lin̄ rahuan vuroga i tav tau bwatuna ba rahu lol rahuan vavtutu. I gida tam rahu bwatuna halan duru alun volovolo.

1 Pita 3:18

Kraes sibona nu ron̄ ḡagarasi huri Vuro vatuvwa n̄an huri sinombu duluai. Kea nu hav matagu tehe be vi lai kimiu vai aben God. Rebehina nu wehiana, take kea nu rahu alolon vui.

1 Jon 4:10

Geki mwasin lolotabetabe: nu hav vora te gida be tan lolotabei God, take nu lolotabetabe gida i nu hora Nituna be vi mate huri gida be men lai dagai vuron ureure.

Visirai 1:5

Nam dataro be tavuha mai tamwata non Jisas Kraes gabe God du lol domarei muleinia nin mateana i kea haḡea muai ḡoro ira ratahigi lavoa duluai ata lol ureure. Kraes mwa dabe gida, i gin dagana mwa dugu gida nin vuroda.

Visirai 5:9

Ram lol iboi gara ram bevea be: “Giḡo gon dadariha be gov lai buk lulun̄i i gov roto tigoro huri buka be vi mavugeri. Huri be giḡo gon bwalo, i gin mateanan gin mateanan nom ron̄ ḡagarasi mwa boligo huri sinombu non God alun varan sinombu duluai, lalan̄an avoana, i lalan̄an vanua mai lalan̄an atatu be gulira dodolua.