1 Timoti 2:10 - Hano Niu Testamen

¹⁰ Leahia gea, rav lol lalaḡov gin sine tavuha, kea be nu vavtutu huri ira vavine kera be ram bevea be ram ḡogonai God.

1 Timoti 2:10 ပူးပေါင်းရင်းမြစ်များ

Lalaḡova 9:36

Lol vanua Jopa vavine vwate ihana Tabita, kea binihimwasigi vwate (Ihana la avoana ata Krik be Dokas, binihiva be Dia). Lol mahavan rahuna duluai nu lalaḡo tavuha i mwa bului ira hiru.

Lalaḡova 9:39

Haḡe Pita mwa lol vatuvwai i mwa bano maira. Mahavana be kea mwa botu, ram laia vai lol vwavwan imwa va halamare, i aia ira bwero duluai ram haravuinia ram dei i ram bagahia gin soti duluai mai koti gabe Dokas nu ligora mahavana gabe nu rahu.

Ifisas 2:10

God nu loli gida be tav togo haḡea kun geki. Lol Kraes Jisas, God nu lol gida be tav lol rovoga tavuha, gabe God mwa lol daua lol non hogoi huri gida be rahuda vi togo mai nonda lalaḡova.

1 Timoti 2:11

Vavine vi lin̄ia vi huhui gin roron̄tai ḡoḡonai i vi lol vatuvwai be vi bulbulu lol ginau duluai.

1 Timoti 2:9

Mulei, ira vavine rav saga gaisaga tavuha be rav seserai binihi marahi i vwalaunia sibona rasav lol te il n̄an̄ava be rai viria sa be rav ulia gin ul an̄oga sa lalan̄an gitavanana sa gaisaga be volvol marahi.

Taetas 2:14

Nu lin̄ia sibona huri gida be vi lol tavwe be vi ribwes gida nin ginau hantai duluai i be vi lol gida tai vora sinombu melmelo be tai vora bilana n̄an gahena. Sinombu be tagaro tam doron be tav lol lalaḡov tavuha.

Taetas 3:8

Silo vagahi geki mwasigi, i nam doronia be giv ilo tavuhainia huri be sinombu rav ilo tavuhai halan ginau kera geki. Vuvuri kera be ram binihimwasigi alun God rav gitaḡoro be rahura rav lalaḡoi ginau tavuha. Ginau kera geki ran tavuha i rav bului atatu duluai.

1 Pita 2:12

Ira len̄len̄aga ran masiri i ram dogo dalis kimiu i rav vev dumwia be kimiu gim lol ginau hantai. Giv togo lol togoana tavuha huribe rav gita ginau tavuha be gim lolia i vi lai roroai lalai God lol taro be Kraes vi mai mulei. Ron̄ maḡemu huri roron̄o non atatu duluai.

2 Pita 3:11

La hala gea ginau duluai vi lolian kaburai! Haḡe hava lalan̄an atatu haḡea mwa du be vi vora kunia? Kimiu mwa du be giv rahu lol rahuanan vui i giv lol rovoga lalai God,

Visirai 2:19

Nam ilo havanau be gom lolia nam ilo nom lolotabetabe, i nam iloe be gim bului maragai sinombu, i nomiu binihiva mwa du wasigi n̄avaigi, mwa hav hovi tehe, i nam iloe nomiu rovoga kadogaha mwa davuha nin amua.