1 Timoti 1:9 - Hano Niu Testamen

⁹ Gam iloe mulei be silo mwa hav vora te huri atat tavuha take hurira be ram du ḡoro silo i hurira be ram hav doron tehe be rav huria. Hurira be ram du ḡoro God, i ran masiri gin bwatigoro, kera be ran hav sabuga tehe i ram hav haḡo te halan binihimwasigi, kera ram wehi ira tamara i ratahira, kera ram wehi surai.

1 Timoti 1:9 ပူးပေါင်းရင်းမြစ်များ

Matiu 10:21

“Ira huhugaituvwa rav lin̄ mulei ira tuara huri mateana. Ira tama rav lin̄ ira nitura, ira naturigi rai van burigai tamara i ratahira ba lin̄ira huri mateana.

Ravrava non Pol lalai ata Rom 1:30

i ram bev avoan hantai ginginira sibora. Ram hav doron te God. Ram lol bwarebware ira tuara i ram lol avoan dentene ginginira sibora. Ram hiḡe hala be rav lol bwarebware ginau. Ram hav tabe te tamara i ratahira.

Ravrava non Pol lalai ata Rom 4:13

Ebraham mai ira vara ata aluna ram lai tatauleo be rav haḡo ureure duluai. Mwa hav lai te tatauleo gea sivi silo, ta sivi non binihimwasigi alun God.

Ravrava non Pol lalai ata Rom 5:20

Silo mwa mai be vi lol vuro vi liu; take la mahavana be vuro mwa mauri mwa liu, hogoi non God mwa ḡaivuaga.

Ravrava non Pol lalai ata Rom 6:14

Vuro si hav vora te nom radaiḡoro, huribe gom hav togo tehe halaten silo ta halaten hogoi non God.

Kelesia 3:19

Haḡe hano haḡea silo huria? Mwa laiana be men seseraiana be ginau hahantai be atatu ram lolia nu hav huri te doroniva non God. I nu loli rahurahu vaivotu raumatan vara, be nu tatauleo ran mai. Silo gea nu laiana sivi ira Enjel be ran haḡo Moses gi nora tamwata be vi lai silo lalai atatu.

Kelesia 5:18

Take be Vui mwa domuai kimiu, gim hav togo tehe halaten silo.

Kelesia 5:21

ram botui tovtovo non atat dolua, ram mwinmwinu daltale, ram lol ginaganian lalavoa gin doroniv hantai i ram lol ginau dodolua kungeki. Nam lai avoan wasi lalai kimiu kadogaha kunia be nan laia amua: Kera be ram lol ginau keragea rasav haḡo te houn ute ratahigi non God.

Kelesia 5:23

lin̄muleini i sine togonai. Silo vwate sigai be men vevea be ginau kerageki ran vahala.

2 Tesalonaeka 2:8

I atatun vui son̄son̄o vi visirai, i ratahigi Jisas vi wehia gin mambuha be mwa mai nin bwan̄ona i vi lol kaburainia gin sarisarin non maiana.

1 Timoti 4:7

Take gosav huri te vevuri dadaloiga be ram hav dame tehe mai mwasigi non God, take gov vagahigo sibomwa be gov lol rovoga mai God.

1 Timoti 6:20

Timoti gov gitaḡoro havanau be God nu taua huba alumwa. Gov tu dagai nin alen̄ taltale, avoan hahantai i nin vigaigaiana huri hano be mwa uloiana be, “iloute.”

2 Timoti 2:16

To dagai nin avoan dadaloiga i avoan hahantai bwatuna be kunia vi tomuai sinombu hautu dagai nin God.

2 Timoti 3:2

bwatuna be sinombu rav tabera sibora, rav tabe homu, avoan sasagerega, i ram binihi sagera. Rai vev ginau hahantai vai alura rituai, rasav ron̄ te maḡemu alun ira tamara i ratahira sage ram hav avkari tehe sa ram hav vinihi te dum God.

Taetas 1:10

Atatu ivusi ram lol ginau deḡeteḡe i ram bev ginau deḡeteḡe, huribe ram binhimwasigi non ira Jius.

Taetas 1:16

Ram bevea be ram ilo God, take nora lalaḡova mwa dovon̄ainia be ram hav lai te ḡoḡoe. Kera ram barihai atatu, ram hav roron̄tai tehe, ira atat hahantai huri be rav lol te havanau be nu tavuha.

Taetas 1:6

Tomuai sihav vora te atatu be nu vuroga, tasalana vivora gaituvwa n̄ano, ira nituna atatu binihimwasigi. Take rasav vora te naturigi be ram daha i ram hav bulbulu tehe.

Taetas 3:3

Amua radui gida mulei tan dadaloiga. Tan dahadaha, tan lol bahala, i tan vora turi huri ginau ivusi be rebehida ran doronira i ran samsamwara ginira. Tan lin̄ rahuda vai lol vahalana i tam binbinihi hantai. Sinombu ran varihai gida, i gida mulei tan varivarihai gida.

Hibru 11:31

Gin binihimwasigi garagusi haḡea mwa lol atatu be ram hav dabe te silon God ram hav wehi te vavinen rovrovoi homu Rehab; huribe mwa bului atat gita surai ata Israel.

Hibru 12:16

Giv gita ḡoro tavuhai be vwate nin kimiu sihav vora te kun Iso, be rahuna nu hav vavtutu tehe, i mwa hav vinihi te dum God mulei. I kea mwa salei non tanon tuagai mai non roso. Take volin non tanon tuagai mai roso duluai gina ganiana n̄an vuroi, be kea nu gania vatuvwa mamaha.

1 Pita 2:7

Vatu geki vat binihi marahi lalainigo be gom binihimwasigi. Take lalainira be ram hav vinihi te mwasigi, “Vatu gabe kera be ran vohae ram barihainia mwa mai gi bwatbwatun Siguna.”

1 Pita 3:20

be ran varihai didi lin̄ maḡemu huri God tuai lol taron Noa. God nu hohovira lol maḡemu lol taro be Noa mwa boha waḡa. Atatu n̄an gaiviha, gaivwelu lol tatan̄ana ram rahu gin wai.

1 Pita 4:18

“Kebe nu ririhai lalai atat tavuha non God be rav habwe rahuana, atatu be ram hav lin̄ te maḡemu huri Silon God, mai atat Vuroga rav sala mwasigi!”

Ravrava nin Jud 1:15

men vevegi atatu n̄oto be ram hav doron te God huri ginau hantai duluai be ran lolia vai aluna. I vi lol ḡagaras ira atat vuroga be ram buroga vai alun God i huri ginau hantai duluai be ram bevea vai aluna.”

Visirai 21:8

Take nai vevea lalai kimiu huri havanau be vi loli lalai ihei tehe be ram matmatagu; i lalainira be ram lol salil silo, i lalai ira hei be ram lol alen̄ bibili, sage ram wehiwehi bonogai, sage hovita lol bwatigoro, ira hei gabe ram lalaḡoi mateana i mera, i lalai nira be ram ḡogonai nun vatu dodolua, i lalai ira tenteneana. I vi vohainira gea vai lol numbun wain gabi tabwalue mai salva, geki gairuan mateana.”

Visirai 22:15

Take atatu be ram lalaḡo hantai, ira vwiriu meto, gabwaleva i ira atat bwatigoro, i kera be ram gogonai nunu buhiga, maira duluai be ram doron be ramen tentene tagaro i ramen togo deḡeteḡe tagaro.