1 Timoti 1:5 - Hano Niu Testamen

⁵ Binihiva huri avoan wasi geki huri be sinombu rav haḡo lolotabetabe, kea be mwa mai nin lolo melmelo i binihiva be nu tavuha i binihimwasigi garagusi vavtutu.

1 Timoti 1:5 ပူးပေါင်းရင်းမြစ်များ

Matiu 12:35

Raumatan atatu mwa lai lua raumatan ginau nin raumatan ginau mwa lol ḡoḡora lol lolona i han̄oran atatu mwa lai lua han̄oran ginau nin han̄oran ginau mwa lol ḡoḡora lol lolona.

Matiu 5:8

Irahei be nora binihiva nu melmelo, kera haḡea rav ron̄ mwandavuha, huri be rav gita God.

Lalaḡova 15:9

Nu lolia la hala gea nuhav dolua tehe nin kamai; Kea nu binihi kaburai vurora bwatuna gabe ran binihimwasigi.

Lalaḡova 23:1

Pol mwa ḡarere lolmatan kansel mwa bevea be, “Ira tua ata Israel! Noḡu binihiva i lalaḡova mai God alun rahuku la hala be nam dogo vaivotu lol gubwen̄ garigi, nu vavtutu n̄ano.”

Lalaḡova 24:16

Nam lol ron̄oe vataha mahavana be noḡu binihiva vi vavtutu mai God i atatu.”

Ravrava non Pol lalai ata Rom 10:4

Kraes mwa lol nogonogoi silo huribe atatu duluai gabe ram binihimwasigi rav vavtutu mai God.

Ravrava non Pol lalai ata Rom 12:9

Nom lolotabetabe vi vora mwasigi. Gov varihai ginau hantai, i gov haḡo wasi havanau be nu tavuha.

Ravrava non Pol lalai ata Rom 14:15

Kebe gov varihai binihimwasigi non tuamwa, huribe huri ginau be gom ḡania, gom hav huri te mwasin silon lolotabetabe. Gosav lol te kaburai binihimwasigi non atat dolua be gov gan ginau be kea mwa binibe nu hantai, huribe Jisas mwa mate huria.

Ravrava non Pol lalai ata Rom 9:1

Inau nam dogo alolon Kraes, i nam bev mwasigi lalai kimiu; nam hav tentene tehe. Binihiḡu Vui Sabuga mwa domuai nia, i mwa bevea lalaiau be nam hav tentene tehe.

1 Korin 13:1

Kadogaha nav vagahigo gin raumatan ginau. Nav avo la avoan dodolua non atatu i non ira enjel. Take be nas hav haḡo te lolotabetabe, kea nan kun sin̄sin̄i be mwa sosobwero sage ginau vuroi vwate.

2 Korin 1:12

Geki hano be gam ron̄ mwandavuha huria, i nai vev dumwia gin binihi melmelo be: lol ginau duluai be gan lolira huba lol ureure, liuhage mai kimiu gan vavtutu i gan mwasigi lol irubwi huri God. Gan lol dumwia gin hogoi non God, nu hav vora te gin mataisao be ureure mwa do maia

Kelesia 5:22

Take Vui mwa baivusi vwain lolotabetabe, samwarana, tamwata, ron̄ mwan̄ava, lolotavuha, tavuha, binihimarahi,

Kelesia 5:6

Mahavana be gida lol Kraes Jisas, mwa hav vora te maragai be tav lai tav dovon̄a sa sigai. Muan ginau mutai be binihimwasigi lalan̄an binihimwasigi garagusi be mwa lol rovoga sivi lolotabetabe.

1 Timoti 1:18

Timoti, nituku, nam laia lalainigo avoan wasi be mwa dadariha mai avoan vevsera be nu hagainia hurigo lol taro nu ḡao huba. Nam bevea kunia lalainigo huri be gov hurira i gov bwalo tavuhai.

1 Timoti 1:19

Gov binihimwasigi garagusi tagaro i gov lol havanau be gom iloe be nu vavtutu. Atatu rituai ram binihi marahinia, i nora binihimwasigi garagusi mwa bora kun waḡa be mwa saḡa.

1 Timoti 3:9

Mai binihiv melmelo mwa du be rav huri hal dahuligi alun binihimwasigi garagusi kea be God nu lolia tam iloe.

2 Timoti 1:3

Nam avkari God be nam dataro nam sibweri ihamwa, rani i bon̄i, nam lol rovoga huria, nam lol havanau be nam iloe be nu vavtutu kunia be ira sibiku ran lolia.

2 Timoti 1:5

Nam binihi dum nom binihimwasigi garagusi be nu mwasigi. Binihimwasigi garagusi gea nu togo muana lol tuagamwa Lois i lol ratahimwa Iunis, i nam iloe be giḡo kadogaha gom do mai binihimwasigi gea.

2 Timoti 2:22

Giv romaragai nin ginau hantai be ira malaḡelo mai ira dadaulato ram doron be rav lolia. Butu wasigi be gov lago bavtutu i haḡo binihimwasigi garagusi, lolotabetabe, i tamwata, bulbulu maira be ram butu alun Ratahigi alolon lolo melmelo duluai.

Taetas 1:15

Ginau duluai ran melmelo lalainira be ran melmelo; take lalainira be ran masiri gin binihiv hahantai i ram hav binihi te mwasigi, lalainira ginau vwate nu hav melmelo tehe. Binihira mai alen̄ara ran hantai.

Hibru 10:22

I huri ginau geki nu tavuha be tam mai sosori aben God be binihinda vi melmelo i nonda binihimwasigi garagusi ran wasi. Amua binihinda ran bibili gin vuroda, mwa melmelo be tam ḡagaru lol wai melmelo.

Hibru 13:18

Giv tataro huri kamai. I lol nomai binihiva gam samsamwara, i gam lol ron̄oe be nomai lalaḡova vi vavtutu vataha mahavana.

Hibru 9:14

Take dagan Kraes vi lol rovoga wasi maragai. Kraes nu kun ginau rahu be ginau vwate nu hav hantai tehe lol rebehina be ram wehia huribe men lai dagai vuron atatu. Gin muramura non Vui Sabuga be mwa dogo vataha mahavana mwa lai rahun Kraes vai aben God. Dagana mwa lol binihinda mwa melmelo lol ginau duluai be tam lolia, huria be tav lol dum rovoga non God be mwa rahu.

Jemes 4:8

Mai sosori vai aben God, i God vi mai sosorigo. Giv bwaga limamiu ira atat vuroga! Giv lol melmeloi irubwimiu, kimiu ira hoḡoiḡoro!

1 Pita 1:22

Kadogaha be gin lol rahumiu ram melmelo ginia be gim dabe mwasigi, gov haḡo dum tabean mwasigi huri ira tuamwa atamwani i vavine lol Kraes. Giv tabe kimiu gaitutuvwai liu mai lolomiu duluai.

1 Pita 3:16

take giv vwaliua gin alen̄ maḡemu i binihi marahi. Binihimiu vi melmelo huribe kera be ram bev avoan hahantai huri nomiu rahuan tavuha lol Kraes rav busbusi.

1 Pita 3:21

I wai gea nu ḡun garuhisabuga be kadogaha mwa barahugo, i nu hav bwaga te dagai han̄ora nin rebehi, take tatauleo be nu loliana lalai God nin binihiv tavuha. I geki huribe Jisas Kraes nu tomare nin mateana.

1 Pita 4:8

Liuhage haḡea, giv tabetabe kimiu maragai, bwatuna be tabetabe haḡea vi lol voro ivusi be vi vinihi kaburaiana.

2 Pita 1:7

be rovoga non God mwa dogo huba giv bulusia gin alen̄ tavuha lalai ira tuamwa; be alen̄ tavuha mwa dogo huba giv bulusia gin lolotabetabe.

1 Jon 3:10

Lalaḡova non atatu mwa seserainia be kea nitun God sage kea nitun setan. Kera be ram doron lalaḡov hantai, i ram hav tabe te ira tuara, ram hav vora te bilan God.

1 Jon 3:23

God mwa doron be tav tau nonda binihimwasigi alun Nituna Jisas Kraes i tav tabetabe gida. Geki havanau gabe Jisas nu vevea be tav lolia.

1 Jon 3:3

Atatu duluai be ram haḡo doronhohov huri Kraes, rav melmelo kunia be Kraes nu melmelo.