1 Timoti 1:18 - Hano Niu Testamen

¹⁸ Timoti, nituku, nam laia lalainigo avoan wasi be mwa dadariha mai avoan vevsera be nu hagainia hurigo lol taro nu ḡao huba. Nam bevea kunia lalainigo huri be gov hurira i gov bwalo tavuhai.

1 Timoti 1:18 ပူးပေါင်းရင်းမြစ်များ

Lalaḡova 16:1

Pol mwa lago mulei la vanua Debe mai Listra, i atatu gabe ihana Timoti mwa dogo aia, i ratahina mulei kea ata lol uloilua, vavine ira Jius, take tamana kea ata Krik.

1 Korin 4:17

Bwatuna haḡea nam hora Timoti vai abemiu, nituku lol Ratahigi. Nam dabe maragai Timoti, i kea atat mwasigi garagusi. Kea vi bului kimiu be giv binihi dum mulei rahuku mai noḡu lalaḡova lol Kraes Jisas, kunia be nan vagahia alolon imwa tataro duluai vataha ute.

1 Korin 9:7

Atatun bwaloana vwate sigai be mwa ban huri bwaloana, take mwa bol mulei halana sibona n̄ano gin non homu sibona? Atatun ute loloara vwate sigai be mwa riv taligaon waen take mwa hav gan te dumwia lol bilan uwmwan taligaon waen? Atatun radaiḡoro sipsip vwate si hav gita te ḡoro sipsip ita sihav mwin te hun huhura?

Filipae 2:22

Gim iloe be Timoti kea lalan̄an atatu vwate. Gim iloe be nu lol rovoga maiau be nu vev Roroi Tavuha kun be naturigi mwa lol rovoga huri tamana.

1 Timoti 1:2

Lalai Timoti, kea mwasin nituku lol binihimwasigi garagusi: Hogoi, sine hagavi i tamwata nin God Tata i Kraes Jisas nonda Ratahigi.

1 Timoti 1:5

Binihiva huri avoan wasi geki huri be sinombu rav haḡo lolotabetabe, kea be mwa mai nin lolo melmelo i binihiva be nu tavuha i binihimwasigi garagusi vavtutu.

1 Timoti 4:14

Batena be ira atatun vevsera ran lai avoana lalainigo i ira tomuai lol uloilua, ran tau limara alun bwatumwa. God nu lai muramura lalainigo be gov lol non rovoga. Gosav mom dau te muramura gea be vi togo bonogai.

1 Timoti 4:4

Ginau duluai be God nu lolia nu tavuha i kea mwa hav tu tehe be vi varihaiana na ginau vwate kea be mwa laian ḡoḡo lol avkari,

1 Timoti 6:20

Timoti gov gitaḡoro havanau be God nu taua huba alumwa. Gov tu dagai nin alen̄ taltale, avoan hahantai i nin vigaigaiana huri hano be mwa uloiana be, “iloute.”

2 Timoti 1:2

Lalai Timoti, kea naturigi tabe lalaiau: Hogoi, sine hahagavi i tamwata lalainigo nin God Tata i Kraes Jisas nonda Ratahigi.

2 Timoti 4:7

Nan bwalo gin bwaloan tavuha, nan nogoi rovoan viluslusi, nan haḡo batugehi binihimwasigi garagusi.

Taetas 1:4

Lalai Taetus, mwasin nituku lol binihimwasigi be gam betea. Hogoi tavuhai i tamwata nin God Tata i Kraes Jisas varahuda.

Filimon 1:10

Loloku mwa onda hurigo, huri nituku Onesimas, gabe nu vora nituku mahavana be inau nan togo lol imwa vauvauhi.