1 Timoti 1:17 - Hano Niu Testamen

¹⁷ Lalai Ratahigi Vurai be mwa lavoa ḡoro vai tuai, kea sihav mate tehe, kea be tasav gita te dumwia, kea n̄an God, tanon binihi marahi i sarisari vai tuai i vai tuai! Amen.

1 Timoti 1:17 ပူးပေါင်းရင်းမြစ်များ

Matiu 25:34

Haḡe inau siboku Ratahigi Lavoa nai vevea lalainira la mwatuaku be, ‘Gin mai, na kimiu gabe Tamaḡu nu vatavuhai kimiu. Gin mai ba lai rahuan gara gabe Tamaḡu nu lol vatuvwainia huri kimiu la bwatun tauva.

Matiu 28:20

I giv vagahira be rav ḡoḡoi ḡoro ginau duluai gabe nan vevea lalai kimiu. Haḡe gita, inau mai kimiu vataha gubwen̄, vai votu nogonan ureure.”

Matiu 6:13

Gosav lin̄ te kamai lol kalkaliana, Gov lai kamai nin bwatigoro.’

Leo Tavuha gabe Jon nu Ravae 1:18

Atatu vwate mwa hav gita te radui God. Nituna vora gaituvwa, gabe kea kun God sibona i mwa dogo hurin Tamana, kea mwa seserainia lalai gida.

Leo Tavuha gabe Jon nu Ravae 5:44

Gim doron be gimen to ba lai avoan tavtavuha nin kimiu mahaḡea sibomiu, ta gim hav lol te ron̄oe be gimen lol ginau be God sibona men ron̄ mwandavuha gin kimiu. Haḡe giv binihimwasigi dum haniniau?

Ravrava non Pol lalai ata Rom 1:20

Ginau rituai huria be atatu rasav gita te dumwia gin matara sibora non muramura mai ira ginau duluai be ram lolia i God. Take nin bwatun tauva huri ureure ginau kerageki mwa iloan maron̄ron̄oi gin hano be God nu lolia. Bwatuna gea, avoana non atatu mulei vwat sigai be rav vevea.

Ravrava non Pol lalai ata Rom 1:23

God sihav mate te dum gubwen̄ vwate, take ram hav tataro te lalainia, ram ban ram dataro lalai ira nunvatu be gida atatu tam lolira, kun manu, ira ginau rahu, mai teltele.

Ravrava non Pol lalai ata Rom 11:36

Uwe, God nu lol ginau duluai, i ginau duluai mwa du mwa loli sivinia i lalainia. Lalainia sarisari vai tuai! Amen.

Ravrava non Pol lalai ata Rom 16:27

I lalai God n̄ano be nu mataisaoga, kea gaituvwa n̄ano sivi Jisas Kraes vai tuai vai tuai. Amen.

Ravrava non Pol lalai ata Rom 2:10

Ta vi lai sarisari, sine togonai, i tamwata lalainira duluai be ram lol bavtutu lalainira ira Jius i lalainira mulei be ira vara dodolua nin Israel.

Ravrava non Pol lalai ata Rom 2:7

Atatu rituai, be ram lol rahurahui ginau tavuha, rav togo huri lalaḡova non God, huri binihi marahi, i huri rahuana be nogonana sigai. God vi lai lalainira rahuana vai tuai.

Kolosi 1:15

God kea ta sav gita te dumwia gin mwasin matada, take be gom ḡita Jisas, kea kunia n̄ano be gom ḡita God. Kraes kea tuagai naturigi non God, i nu holomare hae liu ginau duluai nu loliana.

Hibru 11:27

Huria be Moses mwa binihimwasigi garagusi alun God, i bwatuna gea kea mwa mwalue nin Ijip, i kea mwa hav matagui te ratahigi lavoa gea be mwa lol horo maragai. Kea sihav van te burigai be men mom bano mulei, take mwa du bavtutu la hala be mwa huria, kun gabe matama mwa dutu la God gea gabe atatu sihav gita te dumwia gin mwasin matana.

Hibru 2:7

Gom lol kamai gam dogo hivhivo halaten ira enjel huri mahavana vwelvwele. Take gom lai binbinihi radu lalainira gin roron̄o i binihi marahi.

1 Pita 5:11

Muramura duluai nona vai tuai i tuai. Amen.

2 Pita 3:18

Take giv mauri lol hogoi i mataisao non nonda Ratahigi varahuda Jisas Kraes. Sarisari lalainia Kadogaha i vai tuai! Amen.

1 Jon 4:12

Atatu vwate mwa hav gita te God radu, i non tabeana mwasigi mwa dogo aloloda.

Ravrava nin Jud 1:25

lalai God gaituvwa nonda varahuva, la ihan Jisas Kraes nonda Ratahigi, lalainia samwarana, sarisari, muramura, i mwasigi huri taro be nu nogo, kadogaha i vai tuai. Amen.

Visirai 15:3

i ram lol iboi gabe Moses atatun rovoga non God nu lolia tuai, mai iboi non Nitui Sipsip ram bevea be; “Ratahigi God mwasin roron̄o, nu tavuha i nu vavtutu maragai na nom lalaḡova! Ratahigi Lavoa ḡoro varan sinombu duluai nom lalaḡova i alen̄amwa nu vavtutu!

Visirai 17:14

Ira ratahigi lavoa kera geki, rav bwalo mai nitui Sipsip. Sipsip gea mai ira non hala nu gita luara i ran vavtutu rav rihu maragai lol bwaloana. Bwatuna kea Ratahigi nin ratahigi duluai, i Ratahigi Lavoa ḡoro ratahigi lavoa duluai.”

Visirai 19:1

Ataguna geki, nam ron̄ ginau mwa datan̄i lol ute atamare kun gabe ira silo ivusi, i ram haharigi ram bevea be, “Lol roroai God! Varahuva, sarisari, i muramura kea non nonda God!

Visirai 19:16

Ravrava mwa en la gaisagana batoi ulun vwevwena be, “Ratahigi Lavoa Nora Lavoa.”

Visirai 19:6

I nam ron̄ silon ginau kun gabe vatugin sinombu gaivua be mwa datan̄i kun gabe silon wai rovo i bwahilo gaivua. Nam ron̄ora be ram bevea be, “Uloi roroai God! Bwatuna be nonda Ratahigi God, i kea nonda Lavoa!

Visirai 7:12

ram bevea be, “Amen! Roroa, roron̄o, rihumaragai avkariana, gogonai, i muramura, i vuhun̄ana non nonda God vai tuai vai tuai! Amen!”