1 Timoti 1:14 - Hano Niu Testamen

¹⁴ Take hogoi non nonda Ratahigi nu lai duluainia lalaiau, i mai hogoi gea nu mai i binihimwasigi garagusi i lolotabetabe lalai gida duluai be tam bulu lol Kraes Jisas.

1 Timoti 1:14 ပူးပေါင်းရင်းမြစ်များ

Matiu 20:9

Kera ran tau bwatun rovoga la alo gailima mwa bolira gin vatlegiga gaitutuvwai vatahara.

Lalaḡova 15:11

Gida tam binihi mwasigi i tam rahu gin hogoi non Ratahigi Jisas, kunia n̄au gabe mwa lolia lalainira.”

Ravrava non Pol lalai ata Rom 16:20

God gabe nu lai tamwata i si hav vora te n̄ava, kea vi raharahai ḡalau Setan aten bwalageda. Hogoi tavuha non Ratahigi God Vui Sabuga vi togo mai kimiu.

1 Korin 15:10

Take hogoi non God mwa loliau nam bora kunia, i non hogoi lalaiau vorate mwa mai bonogai. Sigai! Nam lol rovoga wasi liu ira hala dodolua. (Take vorate inau mwasigi; take hogoi non God mwa dogo maiau.)

1 Korin 3:10

Nam lalaḡo gin hogoi be God nu laia lalaiau, nam dari bwatbwatun imwa gea kun gabe mataisaon haḡohaḡo imwa. Atatun haḡohaḡo imwa dodolua be ram haḡo alun bwatbwatu n̄an gea, take sinombu duluai rav gitaḡoro kun hanigi ram haḡo imwa aluna.

2 Korin 13:14

Hogoi non nonda Ratahigi Jisas Kraes, tabetabe non God, bulbul tavuha non Vui Sabuga, vi togo mai kimiu duluai.

2 Korin 4:15

Ginau duluai kera geki huri kimiu. Kunia hogoi non God be nu laia lalai sinombu duluai vi lai avkariana gaivua lalai God lol non sarisari.

2 Korin 8:9

Gim ilo huri hogoi non nonda Ratahigi Jisas Kraes. Gim iloe be Kraes kea nu rosoga, take huri kimiu mwa mai gi atat hiruga huri be la halan hiru be mwa laia kimiu giv rosoga.

Kelesia 1:13

Gin ron̄oe huri rahuku tuai lol binihimwasigi lol vara ira Jius. Nan tuḡorogoro sine hagavi imwa tataro non God i nan lol ron̄oe be namen lol kaburainia.

1 Tesalonaeka 1:3

Gam binihi dumwia tagaro lolmatan God Tamanda ginau duluai be gin lolia huba, bwatuna nomiu binihimwasigi garagusi i rovoga be gin lolia bwatuna nomiu lolotabetabe. I gam avkaria be gim wasi radu bwatun nomiu doronhohov lol Ratahigi Jisas Kraes.

1 Tesalonaeka 5:8

Take gida ata lol gigita, mwa du be tav togonai gida siboda. Mwa du be tav saga binihimwasigi garagusi i lolotabetabe be vi tuḡoro gida, i doronhohov huri varahuva kun gaisagan bwatu.

1 Timoti 2:15

Take vavine vi varahua sivi bavavana, kea be rai van rahurahu lol binihimwasigi garagusi, lolotabetabe, i togoan sabuga, mai vwalaua.

1 Timoti 4:12

Gosav lin̄ te atatu be rav gita bahivoinigo huribe giḡo mwalaḡelo n̄ano, take gov vora malele lalai ira atat binihimwasigi lol nom avoana, nom lalaḡova, nom lolotabetabe, nom binihimwasigi garagusi, i lol nom togoan melmelo.

1 Timoti 6:11

Take giḡo, atat non God gov romaragai nin ginau kera gea. Ninia gea, gov togo la hal vavtutu, lol rovoga lalai God, haḡo binihimwasigi garagusi, lolotabetabe, alen̄ mahuri i alen̄ maḡemu.

2 Timoti 1:13

Gov huri halan mwasin silo vagahi kea be gon ron̄oe niniau lol binihimwasigi garagusi i lolotabetabe, kea be lol Kraes Jisas.

2 Timoti 2:22

Giv romaragai nin ginau hantai be ira malaḡelo mai ira dadaulato ram doron be rav lolia. Butu wasigi be gov lago bavtutu i haḡo binihimwasigi garagusi, lolotabetabe, i tamwata, bulbulu maira be ram butu alun Ratahigi alolon lolo melmelo duluai.

Taetas 2:2

Gov vagahi ira atat metuaga be rav togonainira sibora, lol binihi marahi, lol mataisao, lol binihimwasigi garagusi, lol lolotabetabe i lol alen̄ara.

1 Pita 1:3

Uloi roroai lalai God i Tata non nonda Ratahigi Jisas Kraes. Lol ihan God lavoa sine hagavi kea nu lolia be tav vora mulei vai lol doronhohov lol rahuan n̄ava, bwatuna be Jisas Kraes nu tomare nin mateana.

1 Jon 4:10

Geki mwasin lolotabetabe: nu hav vora te gida be tan lolotabei God, take nu lolotabetabe gida i nu hora Nituna be vi mate huri gida be men lai dagai vuron ureure.

Visirai 22:21

Hogoi non Ratahigi Jisas na togo mai kimiu duluai. Amen.