1 Tesalonaeka 5:9 - Hano Niu Testamen

⁹ God nu hav gita te lua gida be tav ron̄ ḡagarasi gin non lol horo take be tav lai varahuva sivi nonda Ratahigi Jisas Kraes.

1 Tesalonaeka 5:9 ပူးပေါင်းရင်းမြစ်များ

Matiu 26:24

Inau Nitun Atatu nav mate kun mwa ravae tuai huriau lol Ravrava Sabuga. Take vi hantai maragai lalai wani gea be vi lin̄iau Nitun Atatu vai lol limara. Nu tavuha maragai lalai wani gea be si hav vora tehe!”

Lalaḡova 1:20

Pita mwa bev rahurahuinia be “Bwatuna mwa ravae lol buka Sam be, ‘Imwana na tu bovon̄ai, i atatu sihav togo te alolona.’ Haḡe mwa ravae mulei be, Atatu dolua na lai tanona la rovoga.”

Lalaḡova 1:25

be vi lai tanoi geki alun rovoga gi hala gabe Judas nu derainia mwa bano vai lol mwasin tanona.”

Lalaḡova 13:48

Mahavana be ira Lolobon̄i ram ron̄ avoana geki, ram avkari Ratahigi gin samwarana gaivua, i kera gabe nu uloinira huri rahuana ram bora ira binihimwasigi.

Ravrava non Pol lalai ata Rom 11:30

Lol gubwen̄i vwate kimiu ira Lolobon̄i ran varihai didi ron̄ God, take kadogaha giḡo gon lai sine hagavi, bwatuna be sinombu kera gea ran varihai didi roron̄tai.

Ravrava non Pol lalai ata Rom 11:7

I geki haḡea havanau be nu loli: Ira ata Israel ram lol ron̄oe be rav vavtutu lolmatan God, ram hav lol te dumwia, take kera be God nu gita luara kera haḡe ran vavtutu lolmatan God. Kera dodolua ram lol lolo wasi i ram barihai didi roron̄tai huri avoana non God.

1 Tesalonaeka 1:10

I gim hohovi huri nitun God be vi mai nin ute atamare, kea be God Tata nu ragasia nin mateana. Kea Jisas, be nu varahu gida nin silo vevegi non God be mwasigi vi mai.

1 Tesalonaeka 3:3

i tuamai vwate sihav ron̄ te mwahantai gin taro ririhai kera geki. Kimiu sibomiu giv iloe be mwa du be tav habwe taro ririhai kera geki.

1 Timoti 1:13

Lol taro nu ḡao huba inau nan avo vai alun Kraes i nan wehi bonogainia i nan lol lalan̄an ginau be nav lol ḡagarasia. Take God nu seserai lalaiau sine hagavi bwatuna be nan hav ilo te havanau be nan lolia. Nan hav binihi te mwasigi.

1 Timoti 1:16

Take nu lai sine hagavi lalaiau huria be aloloku, nan hantai liu ira bwatigoro duluai, Kraes Jisas mwa seserai dumwia be kea mwa haḡo alen̄ n̄ava be n̄olina sigai. Sine n̄ava maiau mwa dau malele hurira be rai binihimwasiginia i rav lai rahuana vai tuai.

2 Timoti 2:10

Kunia inau nam dame gin maḡemu lol taro ririhai kera geki huria be kera be God nu gita luara rav lai dum varahuva gea be mwa du mai Kraes Jisas i mwa lai sarisari be sihav nogo tehe.

1 Pita 2:10

Tuai kimiu gin hav vorate atatu, take kadogaha kimiu haḡea atat non God. Tuai kimiu gin hav lai te sine hagavi, take kadogaha gim lai sine hagavi non God.

1 Pita 2:8

Mulei, Kea haḡea, “Vatu be mwa lol atatu ram daturai, Vatu be mwa lolira ram hovi.” Ram daturai bwatuna be ram hav tabe te havana be God mwa bevea, Kea haḡea havanau be God nu lol vatuvwai nira be vi loli lalai nira.

2 Pita 1:1

Nin Saimon Pita, atatun rovoga i hala non Jisas Kraes. Lalai Kimiu be gin lai binihimwasigi garagusi kun kamai, bwatuna be nonda God i Varahuda Jisas Kraes, mwa lol havanau be nu vavtutu.

2 Pita 2:3

Ira vagahi tentene kera geki ram doron nomiu homu, i kera rav haḡo kimiu i rav tentene lalai kimiu. Nora harahara ran avo vai alura tuai mwa mai radu i nora hantai mwa mwasigi.

Ravrava nin Jud 1:4

Atatu len̄len̄aga rituai ran haroro dahuligi vai lol nom tatan̄ana, kera ran avo vai alun God i ran leahi silo vagahin hogoi non nonda God be ram lol dum ginau hahantai, ram barihai didi lai Jisas Kraes vai alolora, nonda Ratahigi i God. Take tuai avoan sabuga mwa bevea be atat len̄len̄aga keragea rav lai silo vevegi.