1 Tesalonaeka 5:8 - Hano Niu Testamen

⁸ Take gida ata lol gigita, mwa du be tav togonai gida siboda. Mwa du be tav saga binihimwasigi garagusi i lolotabetabe be vi tuḡoro gida, i doronhohov huri varahuva kun gaisagan bwatu.

1 Tesalonaeka 5:8 ပူးပေါင်းရင်းမြစ်များ

1 Korin 13:13

I ginau gaitolu geki ram du rahurahu vai tuai: binihimwasigi garagusi, doronhovhov, i lolotabetabe. Ta ginau mutai alolora kea lolotabetabe.

2 Korin 6:7

gin avoan mwasigi, i gin muramura non God. Gam haḡo rahuana vavtutu mwa bora tutuḡoro huri kamai sibomai ḡoro ginau duluai.

Kelesia 5:5

Take gida tam haḡo mwasin doronhohov be mwa mai nin lolian vavtutu mai God, i gin Vui non God tam hohovi gin doroniva maragai huri doronhohov geki.

Ifisas 6:11

Giv tau mwasin haḡohaḡon bwaloana non God huribe gov bwalo dumwi mai ira hal viletelete non atmate.

Ifisas 6:23

Tamwata i lolotabetabe lalai kimiu nin God Tata i Ratahigi Jisas Kraes mai binihimwasigi garagusi.

1 Tesalonaeka 5:5

Kimiu sinombu duluai be ata lol gigita i ata lol rani. Gida tam hav vora te ata lol bon̄i sa metmeto.

2 Tesalonaeka 2:16

Nam dataro be nonda ratahigi Jisas Kraes sibona i God tamanda vi av durago i vi lol muramurago lol ginau tavuha n̄oto be gom lolia i gom bevea. God mwa dabe gida, i sivi non hogoi mwa lai lalai gida doronhohov tavuha i avoan dura be mwa rahu vai tuai.

Hibru 6:19

Alen̄a gea be tam dau nonda doronhohov mwa du wasigi huria be tav lai dum ginau gea, kun gabe marahin waḡa be vi haḡo rahuda. Doronhohov vwate be nu saga mwasigi, be sihav rihu te dumwi. Doronhohov mwa ban sivi gavu gabe mwa du huba lol ute gogona non God.

1 Pita 1:13

Giv lol vatuvwai binihimiu huri rovoga i giv gitaḡoro rebehimiu. Nomiu doronhohov duluai sivora non hogoi huri vatavuha be vi vora nomiu lol taro be Jisas Kraes vi visirai abemiu.

1 Pita 2:9

Take kimiu haḡea atat gitalua, houn lalaḡo ata la ratahigi lavoa, bwatun vanua sabuga, atatu huri rovoga non God sibona. Kimiu gin gitalua huri lalaḡov tavuha huri God, gabe nu uloi lua kimiu nin ute meto vai lol gigita.

1 Jon 1:7

Take be tas togo lol gigita, kun gabe God mwa dogo lol gigita, kea gin binihiva be gida duluai tam bora vatugi gaituvwa n̄an maia. I dagan Jisas nitun God vi bwaga melmeloi gida nin nonda bwatigoro.