1 Tesalonaeka 5:6 - Hano Niu Testamen

⁶ Haḡe gida tasav vora te kun atat dodolua be ram maturu, take tav mamata i tav haḡo sine togonai.

1 Tesalonaeka 5:6 ပူးပေါင်းရင်းမြစ်များ

Matiu 13:25

Lol mahavana vwate bon̄i atatu n̄oto ram maturu, non ivwalu vwate mwa mai mwa ḡaburai birin urute alolon koni, haḡe mwa romaragai.

Matiu 24:42

“Giv gitaḡoro, bwatuna gim hav ilo te gubwen̄i be nomiu Ratahigi vi mai alolona.

Matiu 25:13

Haḡe Jisas mwa bev nogonogoinia be, “Kimiu giv mamata, bwatuna be gim hav ilo te gubwen̄i mai mahavan alo be ginau kera geki rav loli alolona.

Matiu 25:5

Atat lagi gea nu ravrava be vi mai, i kera duluai ram matabuluga i ram maturu.

Matiu 26:38

Haḡe mwa bevea lalainira be, “Ron̄ mwahantai alolon noḡu binihiva mwa ibi maragaiau, mwa abena be namen mate. Gitol to teti ba mamata maiau.”

Leo Tavuha gabe Mak nu Ravae 13:37

Havanau gabe nam bevea lalai kimiu, nam bevea lalai atatu duluai be: Giv mamata!”

Leo Tavuha gabe Luk nu Ravae 12:37

Vi vora ginau samsamwara lalai ira atatun rovoga gea batena nora ratahigi mwa habwera be kera ram mamata hohovia vaivotu mwa dabagilu! Nam bevea lalai kimiu be, kea vi tagahi non koti i vi hudalinira duluai be rav to mahuri huri ginaganiana i kea vi lalaḡo lalainira.

Leo Tavuha gabe Luk nu Ravae 12:39

I giv binihimwasigi aluna uhu be atatun imwa si iloe be atat susura vi mai, kea sihav mahin̄a tehe be atatu vi laḡe imwana.

Leo Tavuha gabe Luk nu Ravae 21:36

Giv mamata i giv tataro tagaro be rahumiu vi wasi be gimen van sivigi dum dagai nin ginau kera uhu gabe rav loli, i be giv tu dum la lolmatan Nitun Atatu.”

Leo Tavuha gabe Luk nu Ravae 22:46

Haḡe Jisas mwa bevea lalainira be, “Gim dol maturu huri hano? Gitol tomare ba dataro, huri be gisav hovi te lol kalkaliana.”

Lalaḡova 20:31

Giv gita ḡoro maragai bwatuna be, nan vagahi kimiu duluai huri taul gaitolu i mataruaku mwa rovo huri kimiu bon̄i i rani.”

1 Korin 15:34

Giv mai mulei la mwasin halan binbinihi i gisav mom buroga tehe, kimiu rituai giv busbusi huribe gim hav ilo te God.

1 Korin 16:13

Giv mamata, giv tu wasigi lol nomiu binihimwasigi garagusi vi haḡo doronhohov, i giv tu wasi.

Ifisas 2:3

Lol taro tuai gida tan togo kunira, tan lol ron̄oe be tamen samwarai nonda doroniva siboda i be tamen lol ginau duluai be rebehida i binihinda mwa doronia. Tas ron̄ ḡagarasi gin lolhoro non God bwatuna alen̄a be tam dogo aluna. Gida tan ḡun sinombu dodolua n̄an mulei.

Ifisas 5:14

i ginau duluai be mwa loliana mwa maron̄ron̄o vi mai dumwi gi gigita. Geki haḡea huri havanau mwa bevea be: “Mamata nin maturuva! Tomare nin mateana, i Kraes vi gigita alumwa.”

Ifisas 6:18

Tataro lol Vui Sabuga vataha mahavana gin lalan̄an tataro, gov hudaligi huri ginau n̄oto be gom doronia. Huria be gov lolia kunia gov lol vatuvwai i si hav savigo tehe. Gov tataro vataha mahavana huri sinombu non God.

Filipae 4:5

Giv lin̄ kimiu duluai rav gitae be kimiu atat maḡemu i sine tavuha. Ratahigi vi himai sihav vora te n̄ava.

Kolosi 4:2

Giv tu rahurahu lol nomiu tataro, giv mamata, i giv avkari God.

1 Tesalonaeka 4:13

Ira tuaku, gam doron kimiu be giv iloe huri atatun Kraes be ran mate, be gisav ron̄ te mwahantai, kunira rituai be nora doronhohov sigai.

1 Tesalonaeka 5:10

Jisas nu mate huri gida be tav togo ute gaituvwa dum bulmaia, gaituvwa be tam rahu sa tam mate batena be vi mai.

1 Tesalonaeka 5:8

Take gida ata lol gigita, mwa du be tav togonai gida siboda. Mwa du be tav saga binihimwasigi garagusi i lolotabetabe be vi tuḡoro gida, i doronhohov huri varahuva kun gaisagan bwatu.

1 Timoti 2:15

Take vavine vi varahua sivi bavavana, kea be rai van rahurahu lol binihimwasigi garagusi, lolotabetabe, i togoan sabuga, mai vwalaua.

1 Timoti 2:9

Mulei, ira vavine rav saga gaisaga tavuha be rav seserai binihi marahi i vwalaunia sibona rasav lol te il n̄an̄ava be rai viria sa be rav ulia gin ul an̄oga sa lalan̄an gitavanana sa gaisaga be volvol marahi.

1 Timoti 3:11

La hala n̄an gea, ira vavine mwa du be atatu rav binihi marahinira. Kera rasav vev te bwarebware atat dodolua. Rav vwalaunira sibora, i rav binihimwasiginira lol ginau duluai.

1 Timoti 3:2

Tomuai non uloilua sihav lol te ginau be sinombu rav vinihi hantainia, i vivora tasalana n̄an gaituvwa. Kea vi vwalaunia sibona gin mataisao, atat dodolua rav binihi marahinia. Vi laiḡoḡo dumwira be non tausala, i vi vagahi dumwi.

2 Timoti 4:5

Take giḡo gov togonainigo sibomwa vataha taro duluai. Dame ḡoro taro ririhai duluai. Gov lol rovoga be, gov toretore huri Leo Tavuha, i lol haraharai rovoga duluai be non atatun rovoga non God.

Taetas 2:12

Mwa bagahi gida be tasav van te burigai God sa tasav lol te ginau hahantai be ureure mwa doronia. Take, hogoi non God mwa bagahi gida be kadogaha tav togo gin mataisao i lol hal vavtutu i lol hala kea be mwa seserainia be tam lol lalaḡova non God.

Taetas 2:6

Kunia mulei giv av dura ira malaḡelo be rav mataisaoga.

1 Pita 1:13

Giv lol vatuvwai binihimiu huri rovoga i giv gitaḡoro rebehimiu. Nomiu doronhohov duluai sivora non hogoi huri vatavuha be vi vora nomiu lol taro be Jisas Kraes vi visirai abemiu.

1 Pita 4:7

Taro vi sosori be ginau duluai vi nogo. Giv binbinihi tavuha i giv vwalau rebehimiu sibomiu i kimiu giv lol dumwia be giv tataro.

1 Pita 5:8

Giv tuḡoro kimiu sibomiu i giv gitaḡoro! Atmate, nomiu ivwalu, be mwa bataha ute kun abe Laion gangani mwa hiḡe atatu be men gania.

Visirai 16:15

“Giv roron̄tai! Inau nam mai kun gabe susurana! Samwarana lalai wani gabe mwa dogo mwa mamata ḡaoḡao ḡoro ira gaisagana, huria be sihav lago te dum vuroi be men busbusi lolmatan atatu!”

Visirai 3:2

Mwa du maragai be giv mamata. Rahumiu vi tu wasigi rahurahu kun amua. Huria be nam habwea be havanau be gim lolia, nu hav vavtutu tehe mai noḡu God.