1 Tesalonaeka 5:2 - Hano Niu Testamen

² Gin ilo tavuhainia be gubwen̄ be Ratahigi vi mai mulei vi vora ginau haraḡo, kun be susurana be mwa mai bon̄i.

1 Tesalonaeka 5:2 ပူးပေါင်းရင်းမြစ်များ

Matiu 25:13

Haḡe Jisas mwa bev nogonogoinia be, “Kimiu giv mamata, bwatuna be gim hav ilo te gubwen̄i mai mahavan alo be ginau kera geki rav loli alolona.

Leo Tavuha gabe Luk nu Ravae 21:34

“Giv mamata ḡoro kimiu sibomiu! Gisav mahin̄a tehe be giv van lol ginaganian lalavoa tagaro i gisav mwin te maragai wai i gisav binbinihi tehe huri rahuana geki, bereva Gubwen̄imwa gim mai vilvilehi,

1 Korin 1:8

Jisas Kraes vi haḡo wasi kimiu lol binihimwasigi vai votu nogonana, huribe giv melmelo lol taron non Gubwen̄i.

1 Tesalonaeka 5:4

Take kimiu, ira tuaku, gim hav togo tehe lol ute meto, i gubwen̄ gea sihav lol te butugai kimiu kun atat surasura vwate.

2 Tesalonaeka 2:2

Gosav lol te binihimwa vi lalan̄aga sa gosav matagu tehe be gov ron̄oe be gubwen̄i non ratahigi nu mai huba. Atatu vwate vi vevea kungeki lol toretore sa lol roroi sage lol ravrava vwate be ran vevea kunabe kamai gan ravae.

2 Pita 3:10

Take gubwen̄in Ratahigi vi mai kun atat Surasura. Mahao vi vano mai silo gaivua ginau duluai alolora vi van kaburai gin gabi, i ureure mai ginau duluai alolona vi oda kaburai,

Visirai 16:15

“Giv roron̄tai! Inau nam mai kun gabe susurana! Samwarana lalai wani gabe mwa dogo mwa mamata ḡaoḡao ḡoro ira gaisagana, huria be sihav lago te dum vuroi be men busbusi lolmatan atatu!”

Visirai 3:3

Giv vinihi dum silo vagahi be ran vagahi kimiu tuai aluna: giv vinihi mwasigi nia i giv van burigai nin vuromiu. Be gisav mamata tehe, nav mai huri kimiu kun gabe, atat surasura, i gisav ilo te dum mahavan taro gabe nai mai;