1 Tesalonaeka 5:14 - Hano Niu Testamen

¹⁴ Gam hudali kimiu, ira tua be, giv vasinerani kera be ram hav lol te rovoga. Giv tura sinombu be ram matagu. Bului kera be ram beuga. Giv haḡo sine mahuri hurira duluai.

1 Tesalonaeka 5:14 ပူးပေါင်းရင်းမြစ်များ

Matiu 12:20

Si hav lol te n̄andu ariu lete, i si hav uv te bamate bulu be mwa abena be men mate. Vi lol rovoga kolo nan kunia vai votu vavtutu vi rihumaragai.

Leo Tavuha gabe Luk nu Ravae 22:32

Take nam dataro hurigo Saimon, be nom binihimwasigi garagusi si hav hovi tehe. I batena be gom dabagilu mulei huriau, gov tura wasi ira tuamiu.”

Lalaḡova 20:27

Huri be nam hav sigi te dum ginau vwate gin kimiu gabe mwa du be nai vevea, take nav seserai ginau duluai gabe God mwa doronia.

Lalaḡova 20:31

Giv gita ḡoro maragai bwatuna be, nan vagahi kimiu duluai huri taul gaitolu i mataruaku mwa rovo huri kimiu bon̄i i rani.”

Lalaḡova 20:35

Nam lol seserai hala duluai lalai kimiu huri rovoga hahavwani la hala geki be tav buluira gabe ram rihu holhole, i gin vinihi dum avoana be Ratahigi Jisas Sibona nu vevea be, ‘Samwarana liu huri ginau be gom hogoinia ninia be atatu mwa hogosigo ginia.’ ”

Ravrava non Pol lalai ata Rom 12:1

Bwatuna higea, ira tua nu tau bwatuna be God nu lol seserai non hahagavi lalai gida, nam bevea lalainigo be gov lai rahumwa kun gabe hogoi rahu lalainia. Nom hogoi vi vora lalai God n̄ano i vi lol samsamwarainia, kea gabe hala sabuga lalainigo huri gogonaiana.

Ravrava non Pol lalai ata Rom 14:1

Giv samsamwara be giv lai ḡoḡo atatu gabe non binihimwasigi garagusi nu mandamanda, gisav vigaigai tehe huri nora vahalana.

1 Korin 4:14

Inau nam lol ron̄oe kun be nasav lol te kimiu be giv ron̄oe ba busbusi. Nam ravae geki be men lai avoan vevsera dau lalai kimiu kun gabe kimiu mwasin ira nituku.

1 Korin 8:7

Take vorate atatu n̄oto ram ilo ginau geki. Atatu rituai ram binihi dum radui nun vatu i lol taro be ram ḡan bigi. Ram binihi dumwia be ran tataroinia lalai nun vatu. Binihira ran mandamanda, lol taro be ram ḡania, ram ron̄oe kunbe ran vahala.

Kelesia 5:22

Take Vui mwa baivusi vwain lolotabetabe, samwarana, tamwata, ron̄ mwan̄ava, lolotavuha, tavuha, binihimarahi,

Ifisas 4:2

Giv lin̄ maḡemu vataha mahavana i giv togo ḡoḡonai, i giv ron̄ mwa n̄ava, i giv dame ḡoro vatvataha kimiu lol lolotabetabe.

Ifisas 4:32

Gov tavuha i gov mwemwearu mai atatu dodolua, goi binihi kaburai vuron atat dodolua kunia gabe God nu binihi kaburai vuromwa sivi Kraes.

Kolosi 1:28

I tav tu rahurahu be tav toretore huri Kraes lalai atat gaitutuvwai, tav haḡo mataisao duluai be tai vev dau i tav vagahi atatu duluai, la hala be tav lai gaitutuvwainira vai aben God kun gabe atat mituaga lol Kraes.

2 Tesalonaeka 3:15

Gosav lolira tehe kunbe ira ivwalu. Gov lolira kunbe atat binihimwasigi.

1 Timoti 3:3

Sihav mwin te lavoai waen sage si hav taltale tehe be men bwalo, take mwa du be vi maḡemu i vi lol dum tamwata, mwa hav dorodoron te homu.

1 Timoti 6:11

Take giḡo, atat non God gov romaragai nin ginau kera gea. Ninia gea, gov togo la hal vavtutu, lol rovoga lalai God, haḡo binihimwasigi garagusi, lolotabetabe, alen̄ mahuri i alen̄ maḡemu.

2 Timoti 4:2

Inau nam hudalinigo be gov toretore huri Leo Tavuha. Lol vatuvwai vataha taro, i vevea lalai sinombu havanau be mwa du be rav lolia. Vevea lalainira lol taro be ram bahala. Av durara gin sine maḡemu gaivua, i silo vagahi vavtutu.

Taetas 1:10

Atatu ivusi ram lol ginau deḡeteḡe i ram bev ginau deḡeteḡe, huribe ram binhimwasigi non ira Jius.

Taetas 1:6

Tomuai sihav vora te atatu be nu vuroga, tasalana vivora gaituvwa n̄ano, ira nituna atatu binihimwasigi. Take rasav vora te naturigi be ram daha i ram hav bulbulu tehe.

Hibru 12:12

Haḡe bwatuna gea, kunia gabe buka Baebol mwa bevea be, “Kimiu giv rihui bwaumiu be ram rihu holhole rav rihu wasi mulei.”

Hibru 13:3

Giv vinihi dumwira gabe ram dogo lol imwa vauvauhi, kun gabe kimiu lol imwa vauvauhi bul maira. I mulei giv vinihi dumwira gabe ram ron̄ ḡagarasi kun gabe, kimiu mulei gim ron̄ ḡagarasi bul maira.