1 Tesalonaeka 5:12 - Hano Niu Testamen

¹² Kadogaha, ira tuaku, gam hudali kimiu be, giv binihimarahi kera be ram lol rovoga hahavwani mai kimiu, kera be ram domuai kimiu vai lol Ratahigi i ram bagahi kimiu.

1 Tesalonaeka 5:12 ပူးပေါင်းရင်းမြစ်များ

Leo Tavuha gabe Luk nu Ravae 10:7

Giv togo lol imwa gea, giv gan ginau i giv mwin wai gabe ram laia lalai kimiu, bwatuna mwa du be atatun rovoga vi lai dum tavwena. Gisav van te nin imwa vwate vai lol vwate.

Leo Tavuha gabe Jon nu Ravae 4:38

Nam hora lua kimiu be giv harahara lol talu gabe gin hav lol te rovoga aia. Atatu dodolua ran lol rovoga aia amua, i kimiu gim lai vurovuroi ginau nin nora rovoga.”

Lalaḡova 20:28

Giv gita ḡoro kimiu sibomiu, i giv gita ḡorora gabe Vui Sabuga nu taura la limamiu. Kimiu giv vora radaiḡoro huri uloilua non God, gabe kea nu lolia huria sibona sivi mateanan Nituna.

Lalaḡova 20:35

Nam lol seserai hala duluai lalai kimiu huri rovoga hahavwani la hala geki be tav buluira gabe ram rihu holhole, i gin vinihi dum avoana be Ratahigi Jisas Sibona nu vevea be, ‘Samwarana liu huri ginau be gom hogoinia ninia be atatu mwa hogosigo ginia.’ ”

Ravrava non Pol lalai ata Rom 16:12

Avoan helheloi mulei lalai Trivena i Trivosa, ira vavine gabe ran lol rovoga hahavwani huri God. Avoan helheloi lalai buluana Pesis, kea gabe nu lol rovoga hahavwani mulei huri God.

Ravrava non Pol lalai ata Rom 16:6

Avoan helheloi mulei lalai Mere, be nu lol rovoga hahavwani huri kimiu.

1 Korin 12:28

Lol uloilua, God nu lai tanoi lalai atatu n̄oto, muana lalai ira hala, i gairuana lalai ira atatun vevsera, i gaitoluna lalai ira vagahi. I God nu lai ute lalainira be ram lol ginau dan̄an̄a, kera gabe ram barahu, kera be ram bului dum atat dolua, kera gabe ram ḡitaḡoro atat dodolua, i kera be ram avo dum la avoan dodolua. N̄oto vorate ira hala.

1 Korin 15:10

Take hogoi non God mwa loliau nam bora kunia, i non hogoi lalaiau vorate mwa mai bonogai. Sigai! Nam lol rovoga wasi liu ira hala dodolua. (Take vorate inau mwasigi; take hogoi non God mwa dogo maiau.)

1 Korin 16:16

be giv huri tomuai non atatu kungeki mai irahei tehe be ram lol rovoga i ram lalaḡo maira.

1 Korin 16:18

Ran lol garai noḡu vui i nomiu. Gos gita batoi tavuha non kera geki.

1 Korin 3:9

Gida duluai atatun rovoga non God, tam lol rovoga bulbulu haragaituvwa. Kimiu kun gabe ute loloara bilan God, i imwan God.

2 Korin 11:23

Matu kera atatun rovoga non Kraes? Inau nam lol rovoga huria liu. Nam av daltale kungeki, nam lol rovoga hahavwani liura. Nan togo lol imwa vauvauhi tagaro liu. Ran lol ḡagarasiau vaivusi liua be ran vivilisiau. Nu abena be nai mate vaivusi.

2 Korin 5:9

Gatavada gaituvwa n̄an be tav lol samsamwarai God be tam do teti sa amare.

2 Korin 6:1

I gam lol rovoga bul mai God, i gam hudali kimiu be gisav lin̄ te hogoi be gin laira huba nin God be rai van sabwelei.

Kelesia 4:11

Nam matagu hurigo, be noḡu rovoga hurigo nu sabweleiana.

Filipae 2:16

Giv hagai silo vagahi be vi mai mulei, inau nav samsamwara dumwi bwatuna be noḡu rovoga mwa hav van te sabwelei. Nan rovo huri tavwe i nan laia.

Filipae 2:19

Nam doronhohov lol Ratahigi Jisas be vi hora Timoti vai abemiu sihav vora te vain̄ava. Nav ron̄ mwandavuha be nav huhuinia be gim do kun hanigi?

Kolosi 1:29

Huribe men loli kun geki, nam lol rovoga i nam du wasi, gin muramura wasi non Kraes be mwa lol rovoga muramuraga aloloku.

1 Tesalonaeka 2:9

Ira tuaku, nam iloe be gim binihi dum nomai rovoga hahavwani i taro ririhai duluai. Gan lol rovoga hahavwani i taro ririhai duluai. Gan lol rovoga bon̄i i ute rani be gasav mai tehe gi marahin rovoga lalai ihei tehe alolomiu, taro be gan toretore huri Roroi Tavuha non God lalai kimiu.

1 Tesalonaeka 4:1

Ira tuaku, gan vagahi kimiu be hanigi giv togo la hala be God vi samsamwara ginia, i kimiu gim dogo alun hala gea. Kadogaha gam hudaligi i gam avdura kimiu lol Ratahigi Jisas be giv togo la hala gea vi liu.

1 Tesalonaeka 5:14

Gam hudali kimiu, ira tua be, giv vasinerani kera be ram hav lol te rovoga. Giv tura sinombu be ram matagu. Bului kera be ram beuga. Giv haḡo sine mahuri hurira duluai.

1 Timoti 5:1

Gosav avo te gin lolhoro lalai atat metuaga, take avo lalainia kun be kea tamamwa. Gov avo mai ira malaḡelo kun be ira tua.

1 Timoti 5:20

Giv vevea lalainira be ram dogo lol bwatigoro be ram bahala. Vevea kunia lolmatan sinombu duluai lol uloilua huria be vi mamatara rituai mulei.

2 Timoti 2:6

Atatun ute loloara be mwa lol rovoga hahavwani huba mwa du be kea muan atatu be vi lai tavwena alun ginaganiana be ran mauri.

Taetas 1:3

La mwasin tarona be nu vavtutu, God mwa lin̄ ureure be vi iloe huri rahuana gea sivi toretore. Nu tau rovoga gea aluku i nan toretore gin avoan ḡaragara non God varahuda.

Taetas 1:5

Nan derainigo Krit be giv lol dum nogonogoi rovoga be mwa du be vi nogoiana huri be giv gita lua dum ira tomuai, lol ira bwatutun vanua, kunia be nan huhui halana lalainigo.

Taetas 2:15

Vev ginau kera geki i av dura sinombu i vev lua havanau be ran vahala lol rahura, vevea gin roron̄o. Gosav lin̄ te ihei be vi gitago kun be giḡo gom hav vora te atat binihi marahi.

Hibru 13:17

Giv ron̄ silon nomiu tomuai, i giv huri nora avoana. Ram gitaḡoro tavuhai kimiu be ram hav mambu tehe. I rav vev ginau n̄oton̄oto lalai God huri havanau be ram lolia. Be giv ron̄ silora kera rav ron̄ mwandavuha lol nora rovoga. Be gosav ron̄ora tehe kera rav ron̄ mwahantai. Ginau gea barabe vi bului dum kimiu.

Hibru 13:7

Giv vinihi dum nomiu ira tomuai, gabe ran vev avoana non God lalai kimiu. Giv binbinihi mulei alun rahura be ran togo ram lalaḡo i halan mateanara kun hanigi. I giv huri malelera la halan nora binihimwasigi garagusi.

Visirai 1:20

I nai vev melmeloi binihivanan ira visiu gaibitu be gom gitae la mwatuaku i gaihaḡon bulu gaibitu be ram du. Ira visiu gaibitu vatan̄oga ram du lol Tanora. Ira visiu gaibitu, kea ira enjel huri ira uloilua gaibitu, i gaihaḡon bulu gaibitu kea ira uloilua gaibitu.”

Visirai 2:12

Gov rav noḡu avoana vi vano lalai enjel lol uloilua Pekamam ba bevea be, “Geki roroi nin wani be non buan bwaloana mamagani be mata daldali.

Visirai 2:18

Gov rav noḡu avoana vi vano lalai enjel lol uloilua Taeatira ba bevea be, “Geki roroi nin Nitun God, gabe matana nu ḡun gabi oda, be bwalagena ataa ran gigita ḡun vatmerameraga be ram man̄ia gin bolis mwa legiga.

Visirai 2:3

Nam iloe huba be binihimiu n̄ava. Atatu ram lol ḡagaras kimiu gim ron̄ mwa hantai lol rebehimiu huri ihaku take binihimiu mwa hav hovi tehe.

Visirai 2:8

Gov rav noḡu avoana vi vano lalai enjel lol uloilua Smana ba bevea be, “Geki roroi nin wani be kea muana i nogonana, i gabe nu mate i mwa rahu mulei.

Visirai 3:1

Gov rav noḡu avoana vi vano lalai enjel lol uloilua Sadis ba bevea be, “Geki roroi niniau gabe Vui gaibitu be ram mai nin God mai visiu gaibitu. Nam ilo hano be gim lolia; nam iloe be atatu ram bevea be gim rahu, take gin mate!

Visirai 3:14

Kea mwa bevea be, gov rava noḡu avoana lalai vanua Laodisia ba bevea be, “Geki noḡu avoana, gabe nam bev Amen lol tatauleo non God. Inau non gaitura vwate gabe nan mwasigi, i nam hav tul te burigai noḡu avoana. Inau bwatun ginau tau non God duluai.

Visirai 3:7

Gov rava noḡu avoana vi vano lalai enjel lol uloilua Viladelvia ba bevea be, “Geki roroi nin wani gabe nu sabuga i nu mwasigi. Kea nu haḡo gaihavan̄i be non Deved, i mahavana gabe mwa havan̄ gatava gea, atatu vwate sihav goro te dumwia, i mahavana be mwa ḡoroe, atatu vwate sihav havan̄ te dumwia.