1 Tesalonaeka 5:11 - Hano Niu Testamen

¹¹ Haḡe giv turatura kimiu gaitutuvwai i giv hagai muramura lalai kimiu gaitutuvwai, kunia kebe gim lolia kadogaha.

1 Tesalonaeka 5:11 ပူးပေါင်းရင်းမြစ်များ

Ravrava non Pol lalai ata Rom 14:19

I tav lol ron̄oe be tav lol hano be mwa lol tamwata i mwa bului gida gaitutuvwai.

Ravrava non Pol lalai ata Rom 15:14

Ira tuaku, nam iloe be kimiu gin masiri gin tavuha. Nam iloe be kimiu gim do mai mataisao duluai be gim doronia i be kimiu giv vagahi dum kimiu gingin kimiu.

Ravrava non Pol lalai ata Rom 15:2

Tav lin̄ gida gaitutuvwai be tav bului ira tuada huria be rav tavuha, be rav tu wasigi lol binihimwasigi garagusi.

1 Korin 10:23

Atatu rituai ram bevea be, “Gida tav lol dum ginau n̄oto,” take ginau n̄oto nu hav tavuha tehe huri gida be tav lolia. Ram bevea be, “Tav lol dum ginau n̄oto,” take ginau n̄oto ram hav bului te kera dodolua be rav tu wasi.

1 Korin 14:12

Kunia n̄an maigo. Taro be gon doron hogoi lol vui maragai, gov hiḡera ivusi be rav haḡo hogoi be vi bului uloilua vi mauri wasi.

1 Korin 14:29

Gairua n̄ano sa gaitolu na ira atatun vevsera ras avo, i rituai rai vev lolon hano be ram bevea.

1 Korin 14:5

Nam binibe kimiu n̄oto gis haḡo hogoi huribe gis avo la avoan dodolua, take liu nam binibe gis vev roroi tavuha non God. Kera be ram bev roroi non God ran muramuraga liura be ram avo la avoan dodolua, vaivotu be atatu vwate vi tu aia be vi vev hano be ran bevea huribe vi buluiana dum na uloilua duluai.

2 Korin 12:19

Gim binihia be gan lol ḡorogoro kamai sibomai lalai kimiu lol taro duluai? Gan avo la ihan Kraes i la lolmatan God. Kimiu sosori maragai gin irubwimai, i ginau duluai be gam lolia be vi lol kimiu giv wasi.

Ifisas 4:12

Kraes nu lai hogoi kera gea be men lol vatuvwai ira sinombu sabuga non God huri rovogan lalaḡova, be men lol vamuramurai rebehin Kraes.

Ifisas 4:16

Rebehi duluai mwa du alun Kraes, i ira mavuvun rebehi duluai ram dari i ram bulbulu n̄an utegaituvwa. Vataha mavuvu duluai mwa lalaḡoi mwasin non rovoga be men lol rebehi duluai be vi mauri wasi mai lolotabetabe.”

Ifisas 4:29

Mahavana be gon avo gosav vev te ira avoana be rav lol ḡagaras atatu, take goi vev havanau gabe mwa du be sinombu vi lai avoana gabe rav bului atat dodolua rav muramuraga ginia. I aia havanau be gom bevea vi lol dum lalaḡova tavuha lalainira be ram roron̄tainigo.

1 Tesalonaeka 4:10

I mwasigi gim lolotabetabe atatun Kraes duluai be ram do Masedonia. Ira tuaku, kadogaha gam dura kimiu be giv tabera vivora liu.

1 Tesalonaeka 4:18

Haḡe giv turatura kimiu mai avoana kera geki.

1 Timoti 1:4

Vevea lalainira be rasav sabwelei te nora taro alun ira vevuri tentene i alun varavarain iha lol vevuri ata la varara tuai. Ginau kera geki ram lol vigaigaiana n̄ano; ram hav bului tehe huri taritari non God, kea be mwa loliana gin binihimwasigi garagusi.

Hibru 10:25

Tasav lin̄ te ḡoḡoana lol imwa tataro kunia be rituai ram lolia. Ninia gea tav turatura gida gaitutuvwai tagaro, bwatuna be gubwen̄in Ratahigi mwa abena be men mai.

Hibru 3:13

Kimiu gisav lolia te kunia. Avoana gea be mwa bevea vataha gubwen̄i be, “Garigi” mwa lulu aluda siboda, i kimiu giv avoinia lalai kimiu sibomiu huria be nomiu binihiva sihav hovi te dumwi. Hala n̄an gea be vi lol wasi kimiu huria be vwate nin kimiu sihav hovi tehe lol bwatigoro la alen̄ana be nu wasi.

2 Pita 1:12

Kimiu gim ilo ginau duluai geki, i kimiu gin wasi maragai lol mwasigi, take nav bului kimiu be giv vinihi dumwira.

Ravrava nin Jud 1:20

Ira mwasin tuaku, giv haḡo mwasin nomiu binihimwasigi garagusi be vi lol domarei kimiu, giv tataro lol Vui Sabuga.