1 Tesalonaeka 4:9 - Hano Niu Testamen

⁹ Mwa hav tu tehe be gav ravae lalai kimiu huria be giv haḡo tabeana huri ira atatun Kraes duluai, bwatuna be God nu vagahi kimiu huba be giv tabetabe kimiu.

1 Tesalonaeka 4:9 ပူးပေါင်းရင်းမြစ်များ

Matiu 22:39

I gairuan leo horai mulei nu henhen ḡunia, ‘Giv tabe irahei dodolua kun kimiu sibomiu.’

Leo Tavuha gabe Jon nu Ravae 14:26

Gaituramiu gabe Vui Sabuga, kea gabe Tata vi horae lol ihaku, vi vagahi kimiu alun ginau duluai i vi lol kimiu giv vinihi dum ginau duluai gabe nan vevea lalai kimiu.”

Lalaḡova 4:32

Ira binihimwasigi ram dogo gin binihiv gaituvwa mai lolora duluai. Atatu vwate sigai alolora be mwa uloi non ginau sibona be nona gahena, take ram hara ginau be nora sibora batvatahara.

Ravrava non Pol lalai ata Rom 12:10

Giv tabetabe kimiu gaitutuvwai. Gov lai lalai atat dolua lolotabetabe liu be lalainigo sibomwa.

2 Korin 9:1

Mwasigi be mwa hav tu tehe be nav rav ravrava lalai kimiu huri buluiana bului sinombu non God.

Filipae 3:15

Gida duluai be tan metua lol hogoi ata lol vui mwa du be tai binbinihi huri hala geki mulei. I be aia ginau rituai be gim hav dame te huria, God vi lolira rav melmelo lalai kimiu.

1 Tesalonaeka 5:1

Kadogaha, ira tuaku, gam hav doron tehe be gav ravae lalai kimiu huri tarona i gubwen̄ina be vi mai mulei.

Hibru 10:16

“Lol taro be vi mai tatauleo gara geki be nav lolia mai noḡu sinombu nav tau noḡu silo lol irubwira i nav taua lol binihira.”

Hibru 13:1

Giv tabetabe kimiu kunira huhu gaituvwa.

1 Pita 3:8

Nogonana, kimiu duluai gis togo lol dameana, giv ilo kimiu gaitutuvwai, giv tabetabe kimiu kun abe ata lol imwa gaituvwa, giv maḡemu i giv tavuha.

1 Pita 4:8

Liuhage haḡea, giv tabetabe kimiu maragai, bwatuna be tabetabe haḡea vi lol voro ivusi be vi vinihi kaburaiana.

2 Pita 1:7

be rovoga non God mwa dogo huba giv bulusia gin alen̄ tavuha lalai ira tuamwa; be alen̄ tavuha mwa dogo huba giv bulusia gin lolotabetabe.

1 Jon 2:10

Take be tas tabe atat dodolua tam dogo lol gigita i tam hav lol te atat dodolua be rav hovi lol bwatigoro.

1 Jon 3:11

Roroi gabe gim ron̄oe la bwativuna, be giv tabetabe kimiu.

1 Jon 3:23

God mwa doron be tav tau nonda binihimwasigi alun Nituna Jisas Kraes i tav tabetabe gida. Geki havanau gabe Jisas nu vevea be tav lolia.

1 Jon 4:21

Leo horai gabe Kraes mwa laia kea be, “Giv tabe God i giv tabetabe kimiu mulei.”