1 Tesalonaeka 4:3 - Hano Niu Testamen

³ God mwa doron kimiu be giv sabuga i giv to dagai nin bwatigoro mai atamwani i vavine ram bulu lol rebehira.

1 Tesalonaeka 4:3 ပူးပေါင်းရင်းမြစ်များ

Matiu 12:50

Huri ihei be mwa lol dum doroniva non Tamaḡu mwa be dogo lol ute atamare, kea tuaku, hogosiku i ratahiku.”

Matiu 15:19

Bwatuna be nin lolon atatu binihiv hahantai kera geki ram mwalue, wehi bonogai, vuro mai atat lagi, vuro mai atatu dagai nin lagiana, surasura, tenteneana, i tul bonogai.

Matiu 5:32

Ita inau nam bevea lalai kimiu be, ihei mwa bev dagara tasalana ninia, be tasalana mwa hav lol te ginau vahala lalai ahoana, kea mwa buroga, huri be mwa lol tasalana mwa lol vuro be si lagi mulei. I atamwani be mwa laia, kea mulei mwa lol vuro.

Matiu 7:21

“Si hav vora te atatu duluai ninira ram uloiau be ‘Ratahigi, Ratahigi,’ rav dalin̄oro lol Ute Lavoa atamare, take kera n̄ano be ram lol dum doroniva non Tamaḡu lol ute atamare.

Leo Tavuha gabe Mak nu Ravae 3:35

Ihei tehe mwa lol ginau gabe God mwa doronia be vi lolia, kea haḡea tuaku, hogosiku, mai ratahiku.”

Leo Tavuha gabe Jon nu Ravae 4:34

Haḡe Jisas mwa bevea lalainira be, “Gaku ginau gabe nav tabe silon wani gabe nu horau mai i be nav lol nogonogoi rovoga be nu laia lalaiau be nav lolia.

Leo Tavuha gabe Jon nu Ravae 7:17

Be ihei tehe mwa samsamwara be men lol doroniva non God, vi iloe be havanau nam bagahi huri mwa mai nin God, sage nam avo gin noḡu muramura siboku.

Lalaḡova 15:20

Take, mwa du higea be tav rava letasi ba bevea lalainira be rasav gan te ginau be nu bibili bwatuna be mwa dataroiana ginia lalai ira nunu buhiga; i rasav togo te deḡeteḡe mai vavine; i rasav gan te boe be mwa davan roto na mwagorona mwa dadaga.

Lalaḡova 15:29

be mwa bevea be gisav gan te ginau be mwa dataroi ginia lalai nunu buhiga; i gisav gan te daga; mai buluki be mwa dav n̄andu mwagorona; i gisav togo te deḡeteḡe mai vavine. Nomiu lalaḡova vi tavuha be gisav lol te ginau kera geki. Nomai samwarana gaivua lalai kimiu.”

Lalaḡova 20:32

“I kadogaha nam lin̄ kimiu ta aten muramura non God i gin avoana huri non hogoi, gabe vi lol kimiu giv mauri wasigi, i vi lai lalai kimiu vatavuha God mwa laia huri non sinombu.

Lalaḡova 26:18

“Giḡo haḡea gov havan̄ matara, i gov lai luara nin ute meto vai lol gigita i nin muramura non Setan huri God, huri be gin nora binihimwasigi garagusi aluku vi binihi kaburai vurora i rav lai dum tanora mai ira atat gita lua non God.”

Ravrava non Pol lalai ata Rom 1:29

Kera ran hogon bamasirira gin lalan̄an vuro duluai, kun hala lete, bugurana, atat varihai, ran masiri gin binbinihi hantai, wehi bamat atatu, bwaloana, tenteneana, i ram binihi hantai ira tuara. Ram hun̄ahun̄a

Ravrava non Pol lalai ata Rom 12:2

Gosav leahigo te sibomwa be goi vora kun ata lol ureure geki, ta gov leahi la hal gara la halan binbinihi. Vuvuri gov vinihi dum hano be God mwa doronia hurigo, gov iloe be havanau nu tavuha i mwa lol dum binihina i havanau nu tavuha be giv lolia.

Ravrava non Pol lalai ata Rom 6:22

Ta kadogaha gom du dagai nin vuro i gom mai gi turi non God. Geki mwa lai rahuana lalainigo huri God n̄ano, i geki mwa lai rahuana lalainigo vai tuai.

1 Korin 1:30

Take God nu haḡo bul kimiu alolon Kraes Jisas, i God nu lol Kraes be vi vora nonda mataisao. Sivi Kraes haḡea mwa dau bavtutui mulei gida lol God i mwa lol gida tam bora atat mataisaoga, i mwa ḡita batoi gida i mwa lol sabugai gida.

1 Korin 7:2

Take bwatuna be vuro be bwatigoron lagiana mai rebehi be mwa bulu mai rebehi lol ureure, atatu gaitutuvwai vi vora tasalana sibona mahaḡea i vavine vi vora ahoana sibona mahaḡea.

2 Korin 12:21

Nan hen matagu be batena be nam mai vai abemiu mulei, noḡu God vi lolia nai busbusi lol matamiu. Bisata nav ron̄ mwahantai ginia ivusi be ram lol bwatigoro bwatun be ram hav leahi te rahura sa be rai van burigai nin bwatigoro be ram bulu gin rebehira i ginau ivusi be ram lolia.

Kelesia 5:19

Ginau vahala be vuro sibona mwa lolia ran melmelo: Kera be ram lol vahala mai vavine, ran hav melmelo tehe, ram lol ginau vahala maragai mai rebehi,

Ifisas 5:17

Kimiu gisav taltale tehe take giv huhui havanau be Ratahigi mwa doronigo be gov lolia

Ifisas 6:6

Gosav lolia te n̄an kungeki lol taro be atatu ram ḡitago, be gomen lolira ramen ron̄mwandavuha. Gin irubwimwa duluai gov lol hano be God mwa doronia gida atatu be tam ḡogonai Kraes.

Kolosi 1:9

Bwatuna geki, lol gubwen̄i be gan ron̄oe hurigo, gam dataro rahurahu hurigo, nam hudali God be gov ilo didininia havanau be mwa doronia. Gam dataro be gov mataisaoga maragai i iloilo bwatuna be Vui Sabuga mwa laia lalainigo.

Kolosi 3:5

Giv tau kaburai ginau hantai duluai lol rahumiu: vuro lol alen̄ bwatigoro, lolian daltalei gom lin̄ binihiv taltale mwa domuainigo, gon doron ginau lete, i ginau ravravwega i bugurana (huribe bugurana kea dovon̄an gogonaiana lalai tagaro dodolua).

Kolosi 4:12

Epavras, atatun rovoga non Jisas Kraes, lol nomiu tatan̄ana, mwa lai non avoan helheloi lalai kimiu. Mwa dataro vataha gubwen̄ hurigo be gov mauri lol Vui Mituaga i gov haḡo ginau duluai be God mwa doronia hurigo.

1 Tesalonaeka 4:2

Gim ilo halana be gan vevea be giv lolia gin roron̄o non ratahigi Jisas.

1 Tesalonaeka 4:4

Mwa doron kimiu gaitutuvwai be giv huhuinia be giv togonai rebehimiu sibomiu lol hala be nu sabuga i nu marahi.

1 Tesalonaeka 5:18

i giv lai avoan avkari huri havanau te be mwa loli gaituvwa be loli. Kea haḡea havanau be God mwa doronia be vi loli lalai kimiu lol Kraes Jisas.

1 Tesalonaeka 5:23

Kadogaha nam dataro be God sibona, God huri tamwata, vi lol kimiu giv melmelo giv vora huria n̄ano. Nam dataro be rahumiu duluai lol Vui, atmatemiu, i rebehimiu vi to rahurahu i vahalana sigai batena be nonda Ratahigi Jisas Kraes vi mai.

2 Tesalonaeka 2:13

Ira tuaku, kimiu gabe God mwa doron kimiu, God nu gita luago la bwativuna be gov rahu. I gida duluai tav avkari God vataha mahavana hurigo. Giḡo gom rahu gin Vui Sabuga be mwa loligo gom sabuga gin nom binihimwasigi garagusi lol mwasigi.

Taetas 2:14

Nu lin̄ia sibona huri gida be vi lol tavwe be vi ribwes gida nin ginau hantai duluai i be vi lol gida tai vora sinombu melmelo be tai vora bilana n̄an gahena. Sinombu be tagaro tam doron be tav lol lalaḡov tavuha.

Hibru 10:36

Giv lin̄ maḡemu, bwatuna giv lol hano be God mwa doronia i giv lai havanau be God nu tatauleo be vi laia lalai kimiu.

Hibru 12:16

Giv gita ḡoro tavuhai be vwate nin kimiu sihav vora te kun Iso, be rahuna nu hav vavtutu tehe, i mwa hav vinihi te dum God mulei. I kea mwa salei non tanon tuagai mai non roso. Take volin non tanon tuagai mai roso duluai gina ganiana n̄an vuroi, be kea nu gania vatuvwa mamaha.

Hibru 13:21

Nam dataro huri be God huri tamwata vi lol kimiu giv lol vatuvwai be giv ron̄oe, i be giv lalaḡo bavtutu vataha mahavana. Nam dataro be Jisas vi bului kimiu be nomiu lalaḡova vi vavtutu lalai God. Lalai Jisas Kraes roroai vai tuai vai tuai! Amen.

Hibru 13:4

I atatu duluai rai vinihi marahi silon lagiana, ira ahoai mai ira tasalai, giv togo bavtutu hurin silon lagiana gingin kimiu. God vi vevegi ihei tehe gabe ramuru sura be lagiana sigai, i ahoai mai tasalai be vwate mwa sura mai atatu dolua.

1 Pita 1:2

God nu lol dautau kimiu amua be vi gitalua kimiu i vi lol kimiu giv vora non atat sabuga, gabe rovoga non vui. God mwa doron be kimiu giv ron̄oe i giv melmelo gin dagan Mateanan Jisas Kraes. Hogoi i tamwata vi vora nomiu i vi liu.

1 Pita 4:2

Giv tu wasigi Sibomiu huribe giv rahu teti lol ureure i giv lol havanau be God mwa doronia.

1 Jon 2:17

Ureure mai ginau be mwa lalagoinia vi nogonogo kaburai. Take be tav tabe God, tav rahu vai tuai.

Visirai 21:8

Take nai vevea lalai kimiu huri havanau be vi loli lalai ihei tehe be ram matmatagu; i lalainira be ram lol salil silo, i lalai ira hei be ram lol alen̄ bibili, sage ram wehiwehi bonogai, sage hovita lol bwatigoro, ira hei gabe ram lalaḡoi mateana i mera, i lalai nira be ram ḡogonai nun vatu dodolua, i lalai ira tenteneana. I vi vohainira gea vai lol numbun wain gabi tabwalue mai salva, geki gairuan mateana.”

Visirai 22:15

Take atatu be ram lalaḡo hantai, ira vwiriu meto, gabwaleva i ira atat bwatigoro, i kera be ram gogonai nunu buhiga, maira duluai be ram doron be ramen tentene tagaro i ramen togo deḡeteḡe tagaro.