1 Tesalonaeka 4:13 - Hano Niu Testamen

¹³ Ira tuaku, gam doron kimiu be giv iloe huri atatun Kraes be ran mate, be gisav ron̄ te mwahantai, kunira rituai be nora doronhohov sigai.

1 Tesalonaeka 4:13 ပူးပေါင်းရင်းမြစ်များ

Matiu 27:52

bwarura atatmate ram mahavan, i sinombu non God ivusi be ran mate ran tomare mulei vai lol rahuana.

Leo Tavuha gabe Jon nu Ravae 11:24

Haḡe mwa bwaliu Jisas mwa bevea be, “Nam iloe be vi tomare vi rahu mulei nin mateana la nogonan gubwen̄i.”

Lalaḡova 13:36

Bwatuna be Deved nu lalaḡo lalai God lol taron non rovoga mau, vaivotu kea mwa mate i mai ira sibina, i rebehina mwa boboga lol tano.

Lalaḡova 7:60

Kea mwa sisiabwau mwa haharigi gin silo gaivua mwa bevea be, “Ratahigi! Gosav vului te nora bwatigoro.” Kea mwa bev avoana geki i mwa mwaruruhi.

Lalaḡova 8:2

Haḡe ira binihimwasigi rituai ninira Jius ram dan̄ihi Stivin maragai i ram davinia.

Ravrava non Pol lalai ata Rom 1:13

Ira tuaku, nam doron be giv iloe be, nan lol taritari vaivusi be nav mai abemiu, take ginau geki mwa hav dumwi tehe. Nam doron be nav mai bwatuna be nav bului kimiu be giv mauri lol vui kunia be nan bului ira vara dagai nin varan Israel.

1 Korin 10:1

Ira tuaku, nam doronbe giv iloe huri havanau be nu loli lalai ira varada lol taron Moses. Ran lago aten dodo i ran van sivi Tahi Memea.

1 Korin 12:1

Ira tuaku, nam doronbe giv iloe huri hogoi nin Vui Sabuga.

1 Korin 15:6

Ataguna gea, atatu nu liu nin vudolua valima ran gitae lol taro n̄an gea. Rituai ram rahu garigi, take rituai ran mate.

2 Korin 1:8

Ira tua, gam doron be kimiu giv ilo huri taro ririhai be ram dum kamai Esia. Gam habwea nu marahi liu aia liu tovotovon nomai muramura. Gam derai kaburai nomai doronhohov huri rahuana.

Ifisas 2:12

I kimiu gin togo n̄an vuroi kunia Kraes sigai. Kimiu gin hav vora te udun dameana mai tatauleo be God nu lolia lalai non sinombu. Nomiu doronhohov sigai, i gin hav ilo te God.

Ifisas 2:3

Lol taro tuai gida tan togo kunira, tan lol ron̄oe be tamen samwarai nonda doroniva siboda i be tamen lol ginau duluai be rebehida i binihinda mwa doronia. Tas ron̄ ḡagarasi gin lolhoro non God bwatuna alen̄a be tam dogo aluna. Gida tan ḡun sinombu dodolua n̄an mulei.

1 Tesalonaeka 4:14

Gan binihimwasigi be Kraes nu mate i be nu tomare mulei. Haḡe bwatuna gea, God vi tomarei kera be ran mate huba mai Jisas.

1 Tesalonaeka 4:15

Havanau be gam bevea lalai kimiu kadogaha kea roroi non Ratahigi sibona. Kamai be gam rahu batena be Ratahigi vi mai mulei sihav vano tehe amua nin kera be ram mate huba.

1 Tesalonaeka 5:10

Jisas nu mate huri gida be tav togo ute gaituvwa dum bulmaia, gaituvwa be tam rahu sa tam mate batena be vi mai.

1 Tesalonaeka 5:6

Haḡe gida tasav vora te kun atat dodolua be ram maturu, take tav mamata i tav haḡo sine togonai.

2 Pita 3:4

Kera rav vevea be, “Jisas nu tatauleo be vi mai mulei. Kea behe? Ira tamanda ran mate, take Ureure mwa du radu kunia be nu gitana lol taro be nu loliana.”

2 Pita 3:8

Take gisav vinihi te malioi ginau gaituvwa geki ira tuaku. Lalai Ratahigi gubwen̄ gaituvwa nu ḡun taul vasan̄vulu, i taul vasan̄vulu nu ḡun gubwen̄ gaituvwa n̄an.