1 Tesalonaeka 3:8 - Hano Niu Testamen

⁸ Rahumai mwasigi mwa masiri be gim du wasi alolon Ratahigi.

1 Tesalonaeka 3:8 ပူးပေါင်းရင်းမြစ်များ

Leo Tavuha gabe Jon nu Ravae 15:4

Kimiu giv bulu maiau, i inau nav bulu mai kimiu. Rarana sihav vwavwae te dum sibona; take vi vwavwae dumwi n̄an be vi tarihou mai talina. La hala mulei kunia gisav vwavwae tehe vaivotu be giv bulu maiau.”

Leo Tavuha gabe Jon nu Ravae 15:7

Be giv togo aloloku i noḡu avoana vi togo alolomiu, giv hudaligi huri havanau tehe gabe gim doronia, giv lai dumwia.

Leo Tavuha gabe Jon nu Ravae 8:31

Haḡe Jisas mwa bevea lalainira be ram binihimwasiginia be, “Be kimiu giv tabe noḡu silo vagahi kimiu haḡea mwasin noḡu roron̄tai mwasigi;

Lalaḡova 11:23

I mahavana be mwa botu i mwa ḡitae be God mwa batavuhai sinombu, kea mwa samsamwara i mwa bevea lalainira duluai be rai vavtutu lalai Ratahigi gin sibwen̄ira duluai.

1 Korin 15:58

Ira tuaku, giv tu wasigi. Gosav lin̄ te ginau vwate be vi leahigo. Gov lin̄ mulei duluainigo huri rovoga non God, huribe gom iloe be nom rovoga lol God mwa hav van te kaburai.

1 Korin 16:13

Giv mamata, giv tu wasigi lol nomiu binihimwasigi garagusi vi haḡo doronhohov, i giv tu wasi.

Kelesia 5:1

Tam haḡo maribwesi kadogaha, bwatuna be Kraes nu lol gida gi atat maribwesi. Giv tu wasigi. Gisav leahi tehe i ba ban mulei lol vauvauhi non silo.

Ifisas 3:17

Nam dataro be Kraes vi togo lol sibwen̄imwa gin binihimwasigi garagusi i be rahumwa vi tu wasigi lol lolotabetabe i be vi haḡoe alun tabeana.

Filipae 1:21

Lol binihiḡu rahuana kea havanau? Lalaiau kea Kraes, i be nas mate, si tavuha maragai.

Filipae 1:27

Ginau gaituvwa n̄an be nam binihi maragainia. Be giv gitae be giv togo la hala be vi lai binihi marahi lalai Roroi tavuha huri Kraes. Be nam dogo mai kimiu sa nam lago dagai nin kimiu, be gim du wasigi mai binihiv gaituvwa, be giv lol rovoga bulbulu kun gaituvwa lol binihimwasigi garagusi huri Roroi Tavuha.

Filipae 4:1

Ira mwasin tuaku, nam dabe kimiu i nam doron be nav gita kimiu. Gin lai samsamwara lalaiau i gim loliau nam sasagerega huri kimiu, i giv tu wasi alun Ratahigi kunia be nan vevea huba lalai kimiu.

Kolosi 1:23

Geki vi loli be gov tu rahurahu wasigi i gov ilo didinigi lol non binihimwasigi. Gosav tagara te dagai nin doronhohov be nu laiana lalainigo sivi Roroi Tavuha. Inau Pol, atatun rovoga be nam bului lol toretoreanan Roroi Tavuha gea, Roroi Tavuha gea be atatu n̄oto lol ureure ram ron̄oe.

1 Tesalonaeka 3:7

Haḡe ira tuaku, batena be gam habwe hal ririhai i ron̄ḡagarasi, kimiu gim dura kamai bwatuna nomiu binihimwasigi garagusi.

Hibru 10:23

Tav haḡo wasi nonda doronhohov be tav bev luae, bwatuna be tam dau nonda butuana alun God be vi haḡo batugehi non tatauleo.

Hibru 3:14

I gida duluai tam bulu alun rovoga non Kraes la bwativuna huri be tav haḡo te dum alun udun tatauleo non God vai votui nogonana.

Hibru 4:14

Gida tav haḡo wasi nonda binihimwasigi garagusi gabe tan vev luae huba. Huribe nonda muan Muai Tataroi gabe mwa hae i mwa du la lolmatan God sibona, kea Jisas nitun God.

1 Pita 5:10

I ataguna be giv ron̄ ḡagarasi huri taro vwelvwele gea, God, gabe mwa lai hogoi duluai, vi lol ginau tavuha duluai rav vavtutu. Kea vi lol kimiu giv wasi i vi tu wasigi mai kimiu bereva gim hovi. Mwa uloi kimiu be giv bete mai sarisari lol Kraes, sarisari be vi tu rahurahu vai tuai.

2 Pita 3:17

Ira tuaku, mulei be gin ron̄oe huri ginau geki, giv gitaḡoro. Gisav lin̄ te ira atat bwatigoro be rav tomuai dagai kimiu gin alen̄ lete be ram lolia. Giv gitaḡoro bere gim hovi nin nomiu binihimwasigi wasi.

Visirai 3:11

Nai mai mulei vilvilehi, giv gitaḡoro tavuhai havanau tehe gabe, gin laia huba, huria be atatu vwate sihav surainigo tehe alun tavwen nom rihu maragai.

Visirai 3:3

Giv vinihi dum silo vagahi be ran vagahi kimiu tuai aluna: giv vinihi mwasigi nia i giv van burigai nin vuromiu. Be gisav mamata tehe, nav mai huri kimiu kun gabe, atat surasura, i gisav ilo te dum mahavan taro gabe nai mai;