1 Tesalonaeka 3:6 - Hano Niu Testamen

⁶ Take Timoti kadogaha nu mai mulei nin kimiu vai abemai nu tabagilu mai Roroi Tavuha vai abemai huri nomiu binihimwasigi garagusi i lolotabetabe. Nu vevea lalai kamai be kimiu mulei gim binihi dum kamai lol hal tavuha i be gim doron be gimen gita te kamai kunia be kamai mulei gam doron be gamen gita te kimiu.

1 Tesalonaeka 3:6 ပူးပေါင်းရင်းမြစ်များ

Lalaḡova 16:1

Pol mwa lago mulei la vanua Debe mai Listra, i atatu gabe ihana Timoti mwa dogo aia, i ratahina mulei kea ata lol uloilua, vavine ira Jius, take tamana kea ata Krik.

Lalaḡova 18:1

Ataguna geki, Pol mwa mwalue nin Atens mwa bano vai Korin.

Lalaḡova 18:5

Mahavana be Sailas mai Timoti ramuru mai nin Masedonia, Pol mwa lai mahavana duluai alun toretore huri roroi, i mwa bev tavuhai halana lalai ira Jius be Jisas kea Kraes.

1 Korin 11:2

Nam lol roroainigo huribe gom binihi dumwiau lol ginau duluai, i gon huri ira silo vagahi be nam laia lalai kimiu.

1 Korin 13:13

I ginau gaitolu geki ram du rahurahu vai tuai: binihimwasigi garagusi, doronhovhov, i lolotabetabe. Ta ginau mutai alolora kea lolotabetabe.

Kelesia 5:6

Mahavana be gida lol Kraes Jisas, mwa hav vora te maragai be tav lai tav dovon̄a sa sigai. Muan ginau mutai be binihimwasigi lalan̄an binihimwasigi garagusi be mwa lol rovoga sivi lolotabetabe.

Filipae 1:8

God mwa iloe be nam doron maragai be nav gita kimiu, bwatuna be nam dabe kimiu duluai nin irubwin Kraes Jisas.

Kolosi 1:4

bwatuna be gan ron̄oe huri binihimwasigi garagusi be gin togo maia huri Kraes Jisas i lolotabetabe be gin haḡoe huri ira atatu non God.

Kolosi 4:18

Inau, Pol nam lai avoan helheloi lalai kimiu i nam rav avoana geki gin mwasin limaḡu. Gisav vinihi te malioi gao vatu be ram bauhiau aluna lol imwa vauvauhi. Hogoi non God vi togo maigo.

1 Tesalonaeka 1:3

Gam binihi dumwia tagaro lolmatan God Tamanda ginau duluai be gin lolia huba, bwatuna nomiu binihimwasigi garagusi i rovoga be gin lolia bwatuna nomiu lolotabetabe. I gam avkaria be gim wasi radu bwatun nomiu doronhohov lol Ratahigi Jisas Kraes.

1 Tesalonaeka 2:17

Ira tuaku, gaituvwa be gam do dagai nin kimiu huri mahavan vwelvwele, binihimai duluai ram do radu mai kimiu. Gam doron maragai be gav gita kimiu, i gam lol ron̄oe maragai be gav gita kimiu, i gam lol ron̄oe maragai be gav lol dumwia.

1 Tesalonaeka 2:9

Ira tuaku, nam iloe be gim binihi dum nomai rovoga hahavwani i taro ririhai duluai. Gan lol rovoga hahavwani i taro ririhai duluai. Gan lol rovoga bon̄i i ute rani be gasav mai tehe gi marahin rovoga lalai ihei tehe alolomiu, taro be gan toretore huri Roroi Tavuha non God lalai kimiu.

1 Tesalonaeka 3:7

Haḡe ira tuaku, batena be gam habwe hal ririhai i ron̄ḡagarasi, kimiu gim dura kamai bwatuna nomiu binihimwasigi garagusi.

2 Tesalonaeka 1:3

Ira tuaku mai ira hogosiku, tav avkari God vataha mahavana huri kimiu. Geki haḡea nu vavtutu, bwatuna be nom binhimwasigi garagusi mwa mauri vataha mahavana, i lolotabetabe be kimiu duluai gim do maia, huri be kimiu gaitutuvwai gim mauri.

1 Timoti 1:5

Binihiva huri avoan wasi geki huri be sinombu rav haḡo lolotabetabe, kea be mwa mai nin lolo melmelo i binihiva be nu tavuha i binihimwasigi garagusi vavtutu.

2 Timoti 1:3

Nam avkari God be nam dataro nam sibweri ihamwa, rani i bon̄i, nam lol rovoga huria, nam lol havanau be nam iloe be nu vavtutu kunia be ira sibiku ran lolia.

Filimon 1:5

bwatuna be nam ron̄oe huri lolotabetabe be gom lolia huri ira sinombu sabuga non God duluai, i nom binihimwasigi garagusi alun Ratahigi Jisas.

Hibru 13:3

Giv vinihi dumwira gabe ram dogo lol imwa vauvauhi, kun gabe kimiu lol imwa vauvauhi bul maira. I mulei giv vinihi dumwira gabe ram ron̄ ḡagarasi kun gabe, kimiu mulei gim ron̄ ḡagarasi bul maira.

Hibru 13:7

Giv vinihi dum nomiu ira tomuai, gabe ran vev avoana non God lalai kimiu. Giv binbinihi mulei alun rahura be ran togo ram lalaḡo i halan mateanara kun hanigi. I giv huri malelera la halan nora binihimwasigi garagusi.

1 Jon 3:23

God mwa doron be tav tau nonda binihimwasigi alun Nituna Jisas Kraes i tav tabetabe gida. Geki havanau gabe Jisas nu vevea be tav lolia.