1 Tesalonaeka 3:2 - Hano Niu Testamen

² I nav hora Timoti vai abemiu. Timoti, kea tuamai mwa lol rovoga mai kamai huri God i mwa bului kamai be gai vevea lalai sinombu huri Roroi Tavuha huri Kraes. Gam horae be vi vamuramura i vi avdura kimiu lol nomiu binihimwasigi garagusi,

1 Tesalonaeka 3:2 ပူးပေါင်းရင်းမြစ်များ

Lalaḡova 16:1

Pol mwa lago mulei la vanua Debe mai Listra, i atatu gabe ihana Timoti mwa dogo aia, i ratahina mulei kea ata lol uloilua, vavine ira Jius, take tamana kea ata Krik.

Lalaḡova 16:5

Haḡe uloilua duluai mwa muramuraga lol binihimwasigi garagusi, i mwa mauri vataha gubwen̄i.

Lalaḡova 18:5

Mahavana be Sailas mai Timoti ramuru mai nin Masedonia, Pol mwa lai mahavana duluai alun toretore huri roroi, i mwa bev tavuhai halana lalai ira Jius be Jisas kea Kraes.

Ravrava non Pol lalai ata Rom 16:21

Timoti gabe nu lol rovoga maiau, mwa hora non avoan helheloi, i Lusias mulei, Jeson, i Sosipata, i ira havaku.

1 Korin 3:10

Nam lalaḡo gin hogoi be God nu laia lalaiau, nam dari bwatbwatun imwa gea kun gabe mataisaon haḡohaḡo imwa. Atatun haḡohaḡo imwa dodolua be ram haḡo alun bwatbwatu n̄an gea, take sinombu duluai rav gitaḡoro kun hanigi ram haḡo imwa aluna.

1 Korin 4:17

Bwatuna haḡea nam hora Timoti vai abemiu, nituku lol Ratahigi. Nam dabe maragai Timoti, i kea atat mwasigi garagusi. Kea vi bului kimiu be giv binihi dum mulei rahuku mai noḡu lalaḡova lol Kraes Jisas, kunia be nan vagahia alolon imwa tataro duluai vataha ute.

2 Korin 1:1

Nin Pol hala non Kraes Jisas. Inau horata bwatuna be kea haḡea hano be God mwa doroniau huria. Mulei nin Timoti tuada lol Kraes. Lalai uloilua non God Korin, i lalai sinombu non God duluai vataha ute la ḡereḡeren Kris.

2 Korin 1:19

Nitun God, Jisas Kraes, kea be Sailas i Timoti i inau nan toretore lalai kimiu nu hav vora te uwe i sigai. Lol Kraes kea uwe n̄ano.

2 Korin 2:12

Batena be nan mai vai Troas be nav toretore alun Leo Tavuha huri Kraes, Ratahigi nu lai taro tavuha vwat lalaiau aia.

2 Korin 2:13

Take nan hav togo te lol tamwata, huri be nam habwe tuaku Taetus. Nan vev avoan vitulei lalainira aia Troas i nam ban vai Masedonia.

2 Korin 8:23

Kadogaha huri Taetus kea vwaliuku, kea mwa lol rovoga bul maia be vi bului kimiu. I huri ira tuada rituai ram matu nin ira binihimwasigi, i ram lai sarisari lalai Kraes.

Filipae 1:25

Kun be inau nam binihimwasigi huri geki, nam iloe be nav togo mai kimiu be nai bului kimiu giv mauri i giv haḡo samsamwara lol nomiu binhimwasigi garagusi.

Kolosi 1:1

Nin Pol, hala non Kraes Jisas. Inau nam bora hala bwatuna kea hano be God mwa doronia. Mulei nin Timoti, gabe tuada.

Kolosi 1:7

Gim ron̄oe huri hogoi non God nin Epavras, kea be gam dabea. Mwa lol rovoga ute gaituvwa mai kamai i kea atat binihimwasigi non Kraes huri kamai.

Kolosi 4:12

Epavras, atatun rovoga non Jisas Kraes, lol nomiu tatan̄ana, mwa lai non avoan helheloi lalai kimiu. Mwa dataro vataha gubwen̄ hurigo be gov mauri lol Vui Mituaga i gov haḡo ginau duluai be God mwa doronia hurigo.

Kolosi 4:9

Nam horara mai Onesimas, atat mwasigi i vavtutu lol Kraes, i kea lol nomiu tatan̄ana. Kera rai vev ginau duluai be mwa loli teti.

1 Tesalonaeka 3:13

Nam dataro be lolomiu vi tu wasigi, be giv vora atat sabuga i vahalana sigai lolmatan nonda i Tata batena be nonda Ratahigi Jisas vi mai mai non ira sabuga duluai.

1 Tesalonaeka 3:5

Bwatuna geki, batena nasav hohovi te dum vain̄ava, nan hora Timoti vai abemiu huri be nav iloe huri nomiu binihimwasigi garagusi. Nan matagu berevai Atatmate nu haḡo ron̄ kimiu huba, i kunia nomai rovoga wasi vi vora bonogai.