1 Tesalonaeka 3:11 - Hano Niu Testamen

¹¹ Kadogaha nomai God i Tata kea sibora i nonda Ratahigi Jisas mwa lol vatuvwai hala huri kamai be gai mai vai abemiu.

1 Tesalonaeka 3:11 ပူးပေါင်းရင်းမြစ်များ

Matiu 6:14

“Be kimiu gim binihi kaburai vuron irahei dodolua be ram buroga mai kimiu, Tamamiu lol ute atamare vi binihi kaburai vuromiu.

Matiu 6:18

huri be atatu rasav iloe tehe be gim ḡaragara vwavwa ita Tamamiu tam hav gitae tehe vi iloe. I kunia Tamamiu gabe mwa ḡita hano be gim lol dahulinia vi tavwe kimiu huria.

Matiu 6:26

Giv taria alun manun mahava. Kera ram hav ririvu tehe, sage ram hav lai te ginaganiana vai la imwa. Itake Tamamiu lol ute atamare mwa lai ginaganiana lalainira. Matu gin hav tavuha tehe nin manu duluai?

Matiu 6:32

Ta kea binihiva gabe ira len̄len̄aga ram dogo maia. I Tamamiu lol ute atamare mwa iloe be gim doron ginau duluai geki.

Matiu 6:4

Lalaḡova kunia huri buluiana ginau dahuligi. Tamamiu gabe mwa ḡita buluiana be gim lol dahulinia vi tavwe kimiu huria.

Matiu 6:6

Take mahavana be gim dataro, giv haroro gahemiu lol vwavwan imwamiu ba dataro lol gatav goro lalai Tamamiu be tam hav gitae tehe. Haḡe Tamamiu gabe vi gita hano be gim lol dahulinia vi tavwe kimiu huria.

Leo Tavuha gabe Mak nu Ravae 1:3

Silon atatu vwate mwa ulo la vanua vuroi be, ‘Giv lol vatuvwai halan Ratahigi; lol vavtutui hala huria.’ ”

Leo Tavuha gabe Luk nu Ravae 12:30

(Huribe kea alen̄a gabe ira len̄len̄aga ram dogo maia lol ureure geki.) Tamamiu mwa iloe be gim doron ginau duluai geki.

Leo Tavuha gabe Luk nu Ravae 12:32

“Gisav matagu tehe ira nitui sipsip bwatuna be Tamamiu mwa samsamwara be vi lai Rahuan Gara lalai kimiu lol ute gabe kea mwa ratahigi alolona.

Leo Tavuha gabe Jon nu Ravae 20:17

Jisas mwa bevea lalainia be, “Gosav sibweriau tehe, bwatuna be nam hav hae te radu vai aben Tata. Take goi vano huri ira tuaku ba bevea lalainira be nam dabagilu mulei vai abena gabe Tamaḡu i Tamara, noḡu God i nora God.”

Ravrava non Pol lalai ata Rom 1:3

Roroi tavuha kea huri Nitun God, Jisas Kraes. Nu kun atatu, kea nu vora nin varan Deved. Take sivi muramura non Vui Sabuga kea nu gita luae gi nitun God huribe God nu lolia mwa domare mulei nin mateana, kea Jisas Kraes nonda Ratahigi.

2 Korin 6:18

“Inau nai vora Tamamiu, i kimiu giv vora ira nituku, God mwa bevea kunia.”

Kelesia 1:4

Jisas mwa laia sibona huri vuroda be men lai lua gida nin ureure vuroga geki be tam dogo alolona, kunia be God tamanda nu lol vatuvwainia.

Kolosi 1:2

Lalai ira tuada atat binihimwasigi duluai lol Kraes be ram dogo Kolosi, hogoi i tamwata lalai kimiu nin God tamanda.

1 Tesalonaeka 3:13

Nam dataro be lolomiu vi tu wasigi, be giv vora atat sabuga i vahalana sigai lolmatan nonda i Tata batena be nonda Ratahigi Jisas vi mai mai non ira sabuga duluai.

1 Tesalonaeka 4:16

Ratahigi sibona vi himai vai ataa nin mahao mai batoan wasi nin amare, mai silon muai enjel, i mai silon God gin taiva bilan God. I kera be ran mate huba take ran binihimwasigi lol Kraes, kea rav tomare amua.

1 Tesalonaeka 5:23

Kadogaha nam dataro be God sibona, God huri tamwata, vi lol kimiu giv melmelo giv vora huria n̄ano. Nam dataro be rahumiu duluai lol Vui, atmatemiu, i rebehimiu vi to rahurahu i vahalana sigai batena be nonda Ratahigi Jisas Kraes vi mai.

2 Tesalonaeka 2:16

Nam dataro be nonda ratahigi Jisas Kraes sibona i God tamanda vi av durago i vi lol muramurago lol ginau tavuha n̄oto be gom lolia i gom bevea. God mwa dabe gida, i sivi non hogoi mwa lai lalai gida doronhohov tavuha i avoan dura be mwa rahu vai tuai.

2 Tesalonaeka 3:16

Kadogaha nam dataro be Ratahigi Tamwata vi lai lalainigo tamwata i la hala duluai Ratahigi vi togo mai kimiu n̄oto.

2 Tesalonaeka 3:5

Nam dataro be Ratahigi vi to muai irubwimwa vai lol lolotabetabe non God i tamwata non Kraes. Atatu rav lol rovoga huribe rav lai gara ginau.

1 Jon 3:1

Giv vinihi lolotabetabe non Tata be kea mwa dabe maragai gida. Kea mwa dabe maragai gida i mwa uloi gida be ira nituna. Gida mwasin ira nituna. Take sinombu ata lol ureure geki ram hav iloe tehe be gida ira nitun God, bwatuna be ram hav ilo te God.

Visirai 21:3

Haḡe nan ron̄ silo gaivua mwa mai nin tanon togotogon ratahigi, mwa bevea be, “Gita imwa hauhau non God mai non silo i kea vi togo la imwana maira, i kera rai vora non sinombu, i kea vivora nora God.