1 Tesalonaeka 2:2 - Hano Niu Testamen

² Amua gam siv mai vai abemiu, gan ron̄ ḡagarasi Vilipae, sinombu ataa aia ran av bavahiru kamai, kun gim iloe be, sinombu ivusi ran tuḡoro kamai. Take nomai God nu tura kamai be gosav matagu tehe i gav vev sera non Roroi Tavuha.

1 Tesalonaeka 2:2 ပူးပေါင်းရင်းမြစ်များ

Lalaḡova 14:3

Haḡe ira hala ram dogo aia huri mahavana n̄ava, i ram avo wasigi huri Ratahigi. Ratahigi mwa lol bisirainia be nora avoana mwasigi huri non hogoi ginia be mwa lai muramura lalainira huri tagaro i ginau dan̄an̄a.

Lalaḡova 14:5

Haḡe ira Jius rituai mai ira Lolobon̄i, mai nora tomuai duluai, ram binihi tuhia be rav wehi bamat ira hala, rai vohara gin vatu.

Lalaḡova 16:12

I gam mwalue nin aia gam bano alolon vanua vai Vilipae, gabe bwatutun vanua huri muan ute ata Masedonia; ute gea mwa dogo halaten muramura non vanua Rom. I gam dogo huri gubwen̄i rituai aia.

Lalaḡova 16:19

Haḡe non ratahigi ram ḡitae be Pol mwa duḡoro halan nora homu, ram haḡo batugehi Pol mai Sailas ram daura lol imwa ḡoḡoana huri vevegi lol ute mahavaga gaivua lol bwatutun vanua bulbulu aia.

Lalaḡova 16:37

Take Pol mwa bevea lalai tomuai ḡoro polis be, “Garu hav lol te ginau hantai vwate be nu vahala, take ran talvwus kamaru lolmatan sinombu i kamaru sibomaru gamuru do halaten muramura ata Rom! I ram dau kamaru lol imwa vauvauhi. I kadogaha ram siv doron be ramen hora lua kamaru dahuligi. Nu hav tavuha tehe! Ira lalavoa ata Rom sibora rav mai teti ba lai lua kamaru.”

Lalaḡova 17:1

Pol mai Sailas ramuru lago sivi vanua Amvipolis mai Apolonia, vaivotu i bwatutun vanua Tesalonaeka, gabe imwa tataro gaivua mwa dogo aia.

Lalaḡova 17:17

Haḡe kea mwa haḡo avoana lol imwa tataro mai ira Jius i ira Lolobon̄i gabe ram ḡogonai God, i mulei lol ute bulbulu vataha gubwen̄i mai sinombu gabe ram la ḡao.

Lalaḡova 19:8

Haḡe Pol mwa avo wasi lalai sinombu lol imwa tataro gaivua i mwa haḡo ḡoḡoana maira huri vula gaitolu, i mwa suvwai nira be rav iloe huri ute Ratahigi non God.

Lalaḡova 4:13

Haḡe kera rituai ata lol Kansel ram dan̄an̄a maragai bwatuna be Pita mai Jon ramuru hav matagu tehe i ram iloe be kera atatu vuroi n̄an raru hav sikulu tehe. I kera ram siv ilo batoia be kera lol tatan̄ana gaituvwa mai Jisas.

Lalaḡova 4:20

Huri be garu sihav lin̄i tehe be garu vi avo huri havanau be gamuru ḡitae i gamuru ron̄oe.”

Lalaḡova 4:31

Haḡe mahavana be ram dataro vuvuri ute be ram ḡoḡo aia mwa rihu. Kera duluai ram masiri gin Vui Sabuga i ram dau bwatuna ram seserai lua avoana non God gin muramura.

Lalaḡova 5:41

Mahavana be ira hala ram bwihavare, ram samsamwara, bwatuna be God vi vev dumwia ke ram dadariha be rav ron̄ ḡagarasi bwatuna Jisas.

Ravrava non Pol lalai ata Rom 1:1

Nin Pol, atatun rovoga non Kraes Jisas. God nu uloiau be nai vora non hala i nu gita luau be nai vev lua Roroi Tavuha.

2 Korin 3:12

Geki nomai doronhohov, gam hav matagu tehe.

Kolosi 2:1

Nam doron giv ilo taro ririhai be nan lol rovoga huri kimiu, kera Laodisia, i kera dodolua be vorate ram ḡita hohoiau.

1 Tesalonaeka 1:5

bwatuna be Roroi Tavuha be gan laia vai abemiu nu hav vora te gin avoana n̄ano, take gin muramura, non Vui Sabuga, i mai binihimwasigi wasi be kea mwasigi. Mulei gin iloe be gon togo kun hanigi batena be kamai abemiu be gai bului kimiu.

2 Timoti 1:12

Nam ron̄ ḡagarasi kadogaha bwatuna be nam bev Leo Tavuha, take nam hav busbusi tehe, bwatun be nam ilo Jisas, wani be alolona nan binihimwasigi. I nam binihimwasigi be kea vi holḡoro havanau be nu taua aluku vai votu Gubwen̄i kea be vi mai.

Ravrava nin Jud 1:3

Ira tuaku, nam doron maragai be nav ravae lalai kimiu huri varahuva be tam dogo alolona lol God. Take nav ravae i nav hudali kimiu be giv bwalo mwasigi huri binihimwasigi garagusi be God nu laia lalai non atatu.