1 Tesalonaeka 2:19 - Hano Niu Testamen

¹⁹ Kimiu haḡea nomai doronhohov, nomai samwarana, i gai sosorin bwatu be gav ḡariḡari kamai alolona batena be nonda Ratahigi Jisas Kraes vi mai.

1 Tesalonaeka 2:19 ပူးပေါင်းရင်းမြစ်များ

Matiu 16:27

Inau Nitun Atatu nav mai vainon̄oiha mai noḡu enjel lol ginau sarisari non Tamaḡu. La mahavana gea inau nav tavwe vatvataha atatu hurin nora lalaḡova.

Leo Tavuha gabe Mak nu Ravae 8:38

Inau Nitun Atatu nav mai vai non̄oiha mai noḡu enjel mai ginau tavtavuha be tamaḡu vi laira lalaiau. La mahavana gea inau nav tavwe vataha atatu hurin nora lalaḡova. Be, atatu mwa busbusi giniau mai noḡu silo vagahi abera sinombu hantai be ram dogo garigi be God sigai abera, kunia inau mulei Nitun Atatu nav busbusi ginia batena nav mai mai ira enjel sabuga, lol sarisarin Tamaḡu.”

Leo Tavuha gabe Jon nu Ravae 21:22

Jisas mwa bwaliua mwa bevea be, “Be nav doronia be vi togo vaivotu be nav mai, vi vora kun hanigi lalainigo? Huriau!”

1 Korin 15:23

Take atatu n̄oto rav tomare huri rahuana la mwasin halana: Kraes kea nu tomare muana. Lol taro be Kraes vi mai mulei, kera be bilana rav tomare lol rahuana,

1 Korin 4:5

Haḡe kunia gosav vevegi te amua nin mwasin tarona be vi mai; gov hohovi vaivotu Ratahigi vi mai mulei. Kea vi lai bisirai ginau duluai be mwa du dahuligi lol ute meto vai lol ute ran maita. Ratahigi vi vaseserai ginau duluai be mwa du dahuligi alolon sinombu. I batena gea, God vi lol roroai ihan atatu gaitutuvwai, nu hurin ginau tavtavuha be ran lolia.

2 Korin 1:14

I nam doronhohov be giv ilo dum ginau duluai huri kamai, vuvuri giv siv doron kamai, kunia kamai gav ilo huri kimiu la hala be Ratahigi Jisas Kraes vi mai mulei.

Filipae 2:16

Giv hagai silo vagahi be vi mai mulei, inau nav samsamwara dumwi bwatuna be noḡu rovoga mwa hav van te sabwelei. Nan rovo huri tavwe i nan laia.

Filipae 4:1

Ira mwasin tuaku, nam dabe kimiu i nam doron be nav gita kimiu. Gin lai samsamwara lalaiau i gim loliau nam sasagerega huri kimiu, i giv tu wasi alun Ratahigi kunia be nan vevea huba lalai kimiu.

1 Tesalonaeka 2:20

Mwasigi be kimiu nomai sarisari i nomai samwarana.

1 Tesalonaeka 3:13

Nam dataro be lolomiu vi tu wasigi, be giv vora atat sabuga i vahalana sigai lolmatan nonda i Tata batena be nonda Ratahigi Jisas vi mai mai non ira sabuga duluai.

1 Tesalonaeka 4:15

Havanau be gam bevea lalai kimiu kadogaha kea roroi non Ratahigi sibona. Kamai be gam rahu batena be Ratahigi vi mai mulei sihav vano tehe amua nin kera be ram mate huba.

1 Tesalonaeka 5:23

Kadogaha nam dataro be God sibona, God huri tamwata, vi lol kimiu giv melmelo giv vora huria n̄ano. Nam dataro be rahumiu duluai lol Vui, atmatemiu, i rebehimiu vi to rahurahu i vahalana sigai batena be nonda Ratahigi Jisas Kraes vi mai.

2 Tesalonaeka 1:4

Gam sagerei kimiu lalai atatun uloilua non God. Gam bevea lalainira huri hala be gim lolia. Gam bev luae lalainira be nomiu binihimwasigi mwa du wasigi, batena be gim ron̄ mwahantai be kera ata avare ram ḡoro kimiu.

2 Tesalonaeka 1:7

I vi lai mabuana lalai kimiu be gim ron̄ ḡagarasi i lalai kamai mulei lol taro be Ratahigi Jisas vi visirai mai gabi oda nin amare mai ira non enjel muramuraga.

2 Tesalonaeka 2:1

Ira tuaku, ginau vwate be nav vevea huri maiana non ratahigi Jisas Kraes i taro be tav visvisogari vatuvwa maia.

Taetas 2:13

Mwa du be tav togo kunia lol taro be tav hohovi huri be nonda doronhohovi gaivua liu i huri maiana lol sarisari non nonda God holomare hae i varahu Jisas Kraes.

Jemes 5:7

Ira tuaku, giv maḡemu vi votui taro be Ratahigi vi mai mulei. Atatun uteloloara mwa hohovi ḡoḡonai huri uhe vataha taro. Mwa hohovi ḡoḡonai huri bilan ririvuana be rav mauri nin tano.

Jemes 5:8

Kimiu mulei, giv maḡemu. Giv doronhohov, bwatuna Ratahigi vi mai vilvilehi.

1 Pita 5:4

I lol taro be Kraes, muai radaiḡoro, vi mai, kimiu giv lai gaisosorin bwatu sarisari be sihav vano te dumwi na gabolanana.

2 Pita 1:16

Lol taro be gan vevea lalai kimiu huri muramuran maiana non Kraes nonda Ratahigi Jisas Kraes, Kamai gan hav vev te vevuri mataisaoga n̄ano be mwa mai nin binihin atatu gaituvwa. Take kamai gan gita ute lavoa non Jisas gin matamai sibomai.

2 Pita 3:4

Kera rav vevea be, “Jisas nu tatauleo be vi mai mulei. Kea behe? Ira tamanda ran mate, take Ureure mwa du radu kunia be nu gitana lol taro be nu loliana.”

1 Jon 2:28

Ira nituku, giv tu wasigi alun Kraes i mahavana be kea vi tabagilu, tav tu wasigi i tasav mom hili tehe mai nonda busbusiana.

Ravrava nin Jud 1:24

Lalainigo be vi gitaḡorogo be gosav hovi tehe i vi lai lalainigo rahuan melmelo be vahalana sigai mai samwarana lol non sarisari,

Visirai 1:7

Gin gitae! Kea mwa mai mai ten lan̄i. Mata duluai rav gitae, vaivotu gabe kera gabe ran wehia. Ira sinombu ata lol ureure rav dei ba dalan̄lan̄a bwatuna kea. Ginau gea vi loli! Amen.

Visirai 22:12

Nam ron̄ avoana geki mwa bevea be, “Gitae nam mai vilvilehi maragai. I mahavana be nai mai mulei ba lai tavwe lalai ira hei duluai huri nora lalaḡov tavuha.