1 Tesalonaeka 2:10 - Hano Niu Testamen

¹⁰ Batena be kamai gan togo mai kimiu, gan togo lol hala be nu sabuga i nu vavtutu, vahalana sigai aluna. Gim iloe be geki mwasigi, i God mulei mwa iloe.

1 Tesalonaeka 2:10 ပူးပေါင်းရင်းမြစ်များ

Leo Tavuha gabe Luk nu Ravae 23:41

Nondaru silo vevegi nu vavtutu mai nondaru lalaḡov hantai be taru lolia; take kea nu hav lol te ginau vahala vwate.”

Lalaḡova 20:18

I mahavana be ram botu kea mwa bevea lalainira be, “Gim iloe huri mahavana duluai be nan togo mai kimiu, nin muan gubwen̄i be nan votu lol vanua Esia.

Lalaḡova 20:26

Haḡe bwatuna gea nam bev luae lalai kimiu lol gubwen̄ garigi; be ihei tehe vi sala, mwa hav vora te bwatuna inau.

Lalaḡova 24:16

Nam lol ron̄oe vataha mahavana be noḡu binihiva vi vavtutu mai God i atatu.”

2 Korin 1:12

Geki hano be gam ron̄ mwandavuha huria, i nai vev dumwia gin binihi melmelo be: lol ginau duluai be gan lolira huba lol ureure, liuhage mai kimiu gan vavtutu i gan mwasigi lol irubwi huri God. Gan lol dumwia gin hogoi non God, nu hav vora te gin mataisao be ureure mwa do maia

2 Korin 11:11

I huri hano be nam hav butu tehe alumiu? Gim binihia be bwatun be nam hav tabe te kimiu? God mwa iloe be nam dabe kimiu.

2 Korin 11:31

God mwa iloe be nam hav vora te tenteneana. Kea God i Taman Ratahigi Jisas Kraes, i kea haḡea be vi lai avkari vai tuai.

2 Korin 4:2

Take gan van burigai ginau dahuligi be ram lol hal busbusi. Gam hav lol te hal tentene, i gam leahi te silo vagahi non God. Gam bagahi mwasigi be nu vavtutu, gam seserai kamai lalai sinombu duluai be kamai ira ihei. Vuvuri

2 Korin 5:11

Huri be tam iloe huba huri binihiva be rav gogonai God, tan lol ron̄oe be tai bului sinombu be rav lai ḡoḡo mwasigi huri gida. God mwa ilo didinigi gida, i nam doronhohov be lol lolomiu kimiu mulei gim iloe.

2 Korin 7:2

Giv havan̄ irubwimiu lalai kamai. Kamai gam hav lol te bahal havanau lalai tuamiu vwate, i gan hav lol te hantai binihimwasigi non kimiu vwate, i gan hav tentene tehe lalai kimiu vwate.

1 Tesalonaeka 1:5

bwatuna be Roroi Tavuha be gan laia vai abemiu nu hav vora te gin avoana n̄ano, take gin muramura, non Vui Sabuga, i mai binihimwasigi wasi be kea mwasigi. Mulei gin iloe be gon togo kun hanigi batena be kamai abemiu be gai bului kimiu.

1 Tesalonaeka 2:5

Gim iloe be gam hav lol te ron̄oe be gav sogai kimiu gin avoan lumlumuhi huri kimiu. Gam hav lol te ron̄oe be gav lai nomai homu; nomai bugurana sigai be gav tahulinia nin kimiu. God mwa iloe be geki mwasigi.

2 Tesalonaeka 3:7

Giḡo kimiu sibomiu gim iloe be giv togo la rahuana kunia be kamai gam dogo aluna. Kamai varate gan bwatiḡoruga lol taro be gan togo mai kimiu.

1 Timoti 4:12

Gosav lin̄ te atatu be rav gita bahivoinigo huribe giḡo mwalaḡelo n̄ano, take gov vora malele lalai ira atat binihimwasigi lol nom avoana, nom lalaḡova, nom lolotabetabe, nom binihimwasigi garagusi, i lol nom togoan melmelo.

2 Timoti 3:10

Take giḡo gon huri hano be nan vagahia, hala be nam dogo, noḡu hala. Gon huri noḡu binihimwasigi garagusi, noḡu ron̄ mwan̄ava, i lolotabetabe, i gom iloe be nan hav lin̄ia tehe,

1 Pita 5:3

Gisav vora te tomuai lololhoroga ḡoro sinombu be gim gitaḡoro, take giv vora malel tavtavuha lalainira.